All Heaven's Sons are Surrounding my Wife

AHSASMW Chapter 9 - The Seed of Darkness and Published Relationship

Yo! guys
Long time no see humm😁

All Heaven's Sons are Surrounding my Wife
(ငါ့ရဲ့တစ်ဦးတည်းသော ချစ်ဇနီးက ကောင်းကင်သားတော်တွေရဲ့ အသည်းစွဲ)

Genre : Xianxia, Martial Arts, System, Reverse Harem, Cuckold

အပိုင်း ၉

ဟန်လင်းလည်း တားမြစ်နယ်မြေအပြင်သို့ရောက်ရောက်ချင်းပင် တောင်ထွဋ် ၇ ခုသို့ အသံလွှင့်ကာပြောလိုက်သည်။
"အားလုံးပဲ၊ အကြီးအကဲခန်းမကို ငါးမိနစ်အတွင်းလာပေးကြပါ"
ထို့နောက် သူ့နောက်မှ ယုရွှမ်းယွဲ့နှင့် ရှောင်းတန်အား ခေါင်းညိတ်ပြကာ ပင်မတောင်ထွဋ်သို့ ပျံသန်းသွားလိုက်သည်။

ထိုအချိန်တွင် ပင်မတောင်ထွဋ်မှ ဂိုဏ်းချုပ်မှာလည်း ဟန်လင်းအသံကြောင့် အံ့ဩသွားသည်။
ထို့ကြောင့် နတ်အာရုံလွှင့်ကာ မေးလိုက်သည်။
"ဓားသူတော်စင်၊ ဘာများဖြစ်လို့လဲ"
ဟန်လင်းလည်း ပြန်ဖြေလိုက်သည်။
"ကျွန်တော့်မှာ ရာ့ဟန်ကပ်ဘေးအတွက် သဲလွန်စရထားတယ်"
ဂိုဏ်းချုပ်လည်း ခဏငြိမ်သွားသည်။
ထို့နောက် ဟန်လင်းအာ ပြန်ပြောလိုက်သည်။
သူ၏ အသံမှာ လေးနက်နေသည်။
"ကောင်းပြီလေ၊ ငါလည်း လာခဲ့မယ်"
"ကောင်းပါပြီ"
ဟန်လင်းလည်း ထိုသို့ပြောကာ နတ်အာရုံအဆက်အသွယ်အား ဖြတ်လိုက်သည်။

ထို့နောက် သူ့နောက်တွင် ပျံသန်းကာလိုက်ပါလာသော ရှောင်းတန်အားကြည့်ကာ ပြောလိုက်သည်။
"အခုမင်းကို ရာ့ဟန်ကပ်ဘေးအကြောင်းပြောပြမယ်"
ရှောင်းတန်လည်း သိချင်စွာဖြင့် ခေါင်းညိတ်ပြလိုက်သည်။
ဟန်လင်းလည်း နတ်အာရုံဖြင့် ရာ့ဟန်ကပ်ဘေးအကြောင်းကို ရှောင်းတန်၏ စိတ်ထဲထည့်ပေးလိုက်သည်။
ရှောင်းတန်လည်း မျက်လုံးမှိတ်ကာ အချက်အလက်များအား လေ့လာလိုက်ပြီး အံ့ဩစွာဖြင့် မျက်လုံးပြန်ဖွင့်လိုက်သည်။

ဖြစ်စဉ်မှာ လွန်ခဲ့သည့် နှစ် ၂၀ ခန့်ကဖြစ်သည်။
တောင်ပိုင်းကုန်းမြေကြီးနှင့် အလယ်ကုန်းမြေကြီးအား ချိတ်ဆက်ထားသော ကျွန်းများစွာထဲမှ ရာ့ဟန်ကျွန်းပေါ်တွင် လူငယ်တစ်ယောက်သည် ပင်လယ်ထဲမှာမျောပါလာသော အနက်ရောင်ခေါင်းတလားတစ်လုံးအား တွေ့လိုက်ရသည်။
ထိုလူငယ်လည်း ရွာလူကြီးကို သွားခေါ်ကာပြသလိုက်သည်။
ရွာလူကြီးမှာ ခေါင်းတလားအားဆယ်ယူကာ ဖွင့်ကြည့်လိုက်ရာတွင် အလွန်ချောမောလှပသော လူငယ်တစ်ယောက်အား တွေ့လိုက်ရသည်။