All Heaven's Sons are Surrounding my Wife

AHSASMW Chapter 7

All Heaven's Sons are Surrounding my Wife
(ငါ့ရဲ့တစ်ဦးတည်းသော ချစ်ဇနီးက ကောင်းကင်သားတော်တွေရဲ့ အသည်းစွဲ)

Genre : Xianxia, Martial Arts, System, Reverse Harem, Cuckold

အပိုင်း ၇

နှင်းဓားတောင်ထွဋ်၊ ရှောင်းတန်၏စံအိမ်တွင်
ရှောင်းတန် အိပ်ရာမှထကာ မတ်တပ်ရပ်မည်ပြုပြီးကာမှ သူ၏ ရွှေအမြုတေထံမှ လှုပ်ရှားမှုကြောင့် ပြန်ထိုင်လိုက်သည်။
ခဏအကြာ ရှောင်းတန်၏ မျက်နှာသည် တုန်လှုပ်သွား၏။
သူ၏ ရွှေအမြုတေသည် ယခင်ကထက် အဆတစ်ရာခန့် ကြီးမားသွားပြီး သူ၏ စိတ်ဝိဉာဉ်ပင်လယ်မှာလည်း ဆယ်ဆခန့်ကျယ်၀န်းသွားကြောင်း နတ်ဘုရားအာရုံဖြင့် စစ်ဆေးတွေ့ရှိသွားသည်။
သို့သော် သူ့အား တုန်လှုပ်သွားစေသည်မှာ ယခင်က ရွှေအမြုတေ အစောပိုင်းအဆင့်မှ ယခု ရွှေအမြုတေနောက်ဆုံးအဆင့်သို့ ရောက်ရှိနေခြင်းပင်။
သူသည်ပင် နတ်ဘုရားရတနာ၏အကူအညီဖြင့်ပင် ရွှေအမြုတေအဆင့်သို့ တစ်နှစ်ကြာတက်ခဲ့ရသည်။
ယခု ယင်ယန်မိုးမြေကျင့်စဉ်ဖြင့် တစ်ညတာတည်းပင် အဆင့်သေးနှစ်ခုခုန်ကျော်သွားခဲ့သည်။
ထိုအရှိန်နှုန်းမှာ လုံး၀ယုတ္တိမရှိကာ မဖြစ်နိုင်သလောက်ပင်။

ရှောင်းတန်လည်း လှုပ်ရှားနေသောစိတ်အား ထိန်းချုပ်ကာ အဆင့်ထိုးဖောက်ခြင်းအား တည်ငြိမ်အောင်လုပ်လိုက်သည်။
သို့သော် အံ့အားသင့်စရာကောင်းစွာပင် အဆင့်သေးနှစ်ခုခုန်တက်သွားသော်လည်း သူ၏ စွမ်းအင်ပင်လယ်မှာ ပို၍ပင် သန့်စင်လာခြင်းပင်။
ရှောင်းတန်လည်း ထိုကြောက်မက်ဖွယ်ရာ ကျင့်စဉ်ကြောင့် သက်ပြင်းချလိုက်ကာ သူ့ဆရာအား ပိုလေးစားသွားသည်။
ထို့နောက် မနေ့ညက ဖုန်းယွမ်၏ အကြည့်များအား ပြန်လည်သတိရကာ သူ့ဆရာဖြစ်သူအား သတိပေးဖို့ ဆုံးဖြတ်လိုက်သည်။
ထို့အပြင် သူလည်း သူ့ဆရာဆီတွင် နတ်ဘုရားရတနာတစ်ခု ရှိနေနိုင်ကြောင်း တွေးလိုက်သည်။
"ဟင်း"
ရှောင်းတန်လည်း တွေးပြီး ခေါင်းယမ်းလိုက်သည်။
မည်သို့ပင်ဖြစ်စေကာမူ သူ့ဆရာ၏ ယခုကဲ့သို့ အရည်အချင်းဖြင့် သူ့ရတနာအား မျက်စိကျမည်မဟုတ်ချေ။
ထို့အပြင် သူ့ဆရာသည် သူ့အား တကယ်စေတနာထားကာ သင်ပြပေးတာဖြစ်သည်။