စာစဥ် ၉ ၊ အခန်း ၁ ။ လမ်းပြမှု
ဒီနှစ်တွေအတောအတွင်း မစ္စတာရှန်းသည် မရေမတွက်နိုင်လောက်အောင်ပင် လူတွေကို လိမ်ညာလှည့်ဖျားခဲ့သည်။ ဤကဲ့သို့လိမ်လည်ခံရသည်မှာတော့ သူ့အတွက် ပထမဆုံးအကြိမ်ဖြစ်သည်။
သူ ပိုက်ဆံများဆုံးရှုံးသည်သာမက သူ့အချိန်များလည်း အလားဟဿဖြစ်ကုန်၏။ ထိုကိစ္စကို မစ္စတာရှန်းစဉ်းစားလေ သူပို၍စိတ်ဓာတ်ကျမိလေလေဖြစ်သည်။ နောက်ဆုံး သူသွားနေကျဘား(အရက်ဆိုင်)သို့သွား၍ ဈေးလျှော့ရောင်းနေသောဘီယာအချို့ကိုမှာလိုက်၏။ သူတစ်ယောက်တည်းသောက်ရင်း ဝမ်းနည်းမှုအတွေးထဲနစ်မြောနေတော့သည်။
သို့သော် သူသောက်လေလေ ပို၍ဝမ်းနည်းလာလေလေဖြစ်၏။ သူပိုက်ဆံများဘယ်လောက်တောင်ဆုံးရှုံးသွားသလဲကို စဉ်းစားမိသည့်အချိန်တိုင်း မစ္စတာရှန်းပို၍ရင်ကွဲနာကျင်နေမိသည်။ သူ၏စိတ်မကြည်မလင်ဖြစ်နေပြီး အလွန်အမင်းဝမ်းနည်းနေမိ၏။
ဘားပိုင်ရှင်နှင့်မစ္စတာရှန်းမှာ သူငယ်ချင်းမဟုတ်သော်လည်း ဘားပိုင်ရှင်မှာ မစ္စတာရှန်းကိုသိသည်မှာ ကြာပြီဖြစ်သည်။ မစ္စတာရှန်းတစ်ယောက်တည်းသောက်နေသည်ကိုတွေ့ပြီး သူဝီစကီတစ်ခွက်ယူလာ၍ မစ္စတာရှန်းဘေးတွင် ဝင်ထိုင်လိုက်၏။ “ခင်ဗျားဘာတွေဖြစ်နေတာလဲ။ တစ်ယောက်တည်း သောက်နေတာများနေပြီနော်။”
သူစကားပြောရင်း မစ္စတာရှန်းရှေ့မှ ပုလင်းများကို လက်ညှိုးထိုးပြလိုက်သည်။
အရက်သည် မစ္စတာရှန်းဦးနှောက်ကို ထုံထိုင်းစေ၍ သူ၏နဂိုမူလသတိဝီရိယတို့ကို ပျောက်ဆုံးစေ၏။ သူ ဘားပိုင်ရှင်ကို ဖြည်းဖြည်းချင်း ကြည့်လိုက်သည်။ တော်တော်လေးကြာသွားသောအခါ မစ္စတာရှန်း သူ့ကိုမှတ်မိသွားသည့်ပုံဖြစ်၏။ သူ အရက်နံ့တထောင်းထောင်းဖြင့် ပြောလိုက်သည်။ “ကျွန်တော် အဆင်ပြေပါတယ်။ ကျွန်တော် ဒီအတိုင်း……ဒီအတိုင်း တစ်ခုခုကိုစိတ်အနှောင့်အယှက်ဖြစ်ပြီး စိတ်ဆိုးမိလို့ပါ။”
DU LIEST GERADE
ပြန်လည်မွေးဖွားပြီးနောက် မွေးစားသမီးက ကမ္ဘာကြီးကိုတုန်လှုပ်စေခဲ့တယ်!
Romantikပြန်လည်မွေးဖွားပြီးနောက် မွေးစားသမီးက ကမ္ဘာကြီးကိုတုန်လှုပ်စေခဲ့တယ်! Page - Hikari Moon Translator: Hikari Moon Team All credit to original author and eng translator
