စာစဥ် ၇ ၊ အခန်း ၁ ။ ထင်မြင်မှန်းဆချက်
လုရဲရှေ့တွင်ရှိနေသောသူသာ အတွေ့အကြုံမရှိသည့်လူသစ်တစ်ယောက်ဆိုလျှင် လုရဲပြောသော အရိုးပြာကို အလွန်စိတ်ဝင်စားမိမည်ဖြစ်၏။ ကံမကောင်းစွာပင် သူ၏ရှေ့မှသူမှာ အတွေ့အကြုံဝါရင့်သမား ရှီချင်းဖြစ်နေသည်။
လုရဲ၏မဖုံးမဖိနိုင်သောမျက်နှာအမူအယာကိုကို ကြည့်လိုက်ရုံဖြင့် ရှီချင်းသူဘာကိုကြံစည်ရန် ကြိုးစားနေသည်ကိုသိ၏။ ထို့ကြောင့် ရှီချင်း သူ၏မျက်ခုံးကို အနည်းငယ်ပင့်တင်ပြီး ကြည့်လိုက်သည်။
လုရဲ ရှီချင်းထိုသို့တည်ငြိမ်နေသည်ကိုတွေ့ပြီးနောက် ရှီချင်းဘာကို စဉ်းစားနေသလဲဆိုတာကို သေချာခန့်မှန်းမရတော့ပါချေ။
“ဒုတိယအန်ကယ်ယွန်းကိစ္စက ကျွန်တော်နဲ့ဘာဆိုင်လို့လဲ။” ခဏကြာပြီး ရှီချင်းစကားစပြောလိုက်သောအခါ ရှီချင်းစကားလုံးများမှာ လုရဲကို သတိလက်လွတ်ဖြစ်သွားစေတော့သည်။
အဲ့ဒီလိုမျိုး မဖြစ်သင့်ဘူးလေ။ ရှီချင်းနဲ့ယွန်းရွှီတို့နှစ်ယောက်ကြားဆက်ဆံရေးက ကျန်းမြို့တော်ရဲ့အထက်တန်းလွှာကြားထဲ သတင်းပြန့်နေတာကြာခဲ့ပြီကို။ သူတို့ မြို့တော် A တွင်နေခဲ့စဉ်က ရှီချင်းဟာ ယွန်းရွှီမွေးနေ့ကိုဂုဏ်ပြုရန် မြို့တော် Aမှ လူကုံထံ စီးပွားရေးရှင်ကြီးအားလုံးကိုဖိတ်ကြားကာ သူမပျော်အောင်လုပ်ပေးခဲ့သည်ဟု ပြောဆိုခဲ့ကြသည်။
အခု….ဒီလိုတွေပြောတာက ရှီချင်းတမင်သက်သက်ပြောတာများလား။ ဒါပေမဲ့လည်း ဘာကြောင့်များ အဲ့ဒီလိုပြောရတာလဲ။
လုရဲ ရှီချင်းကိုခေါင်းအစခြေအဆုံး အပြန်ပြန်အလှန်လှန်ကြည့်လိုက်၏။ သူ၏စကားလုံးများကိုအပြစ်ရှာရန်ဖြစ်သည်။ သို့သော် စိတ်မကောင်းစရာပင် လုရဲအပြစ်ရှာမတွေ့ခဲ့ပေ။ ရှီချင်း၏အပြုအမူမှာ သူထိုကိစ္စကိုဂရုမစိုက်ကြောင်းဖော်ပြနေ၏။ ယွန်းရီပဲဖြစ်စေ ယွန်းရွှီပဲဖြစ်စေ သူတို့မှာ ရှီချင်းနှင့်မဆိုင်သကဲ့သို့ဖြစ်သည်။
KAMU SEDANG MEMBACA
ပြန်လည်မွေးဖွားပြီးနောက် မွေးစားသမီးက ကမ္ဘာကြီးကိုတုန်လှုပ်စေခဲ့တယ်!
Romansaပြန်လည်မွေးဖွားပြီးနောက် မွေးစားသမီးက ကမ္ဘာကြီးကိုတုန်လှုပ်စေခဲ့တယ်! Page - Hikari Moon Translator: Hikari Moon Team All credit to original author and eng translator
