الساعه: ٧:٠٠ صباحاً
شتاء بارد ومطر قوي صوته يصير على الشبابيج
سميه: كعدت وباوعت على الساعه وغمضت عيوني بعدين فتحتهن بصدمه تأخرو على الدوام طفرت من مكاني ورحت لغرفة البنات شفتهن غاطات بالنوم ولو دمام يم راسهن ميكعدن
..اكعدن ولجن تأخرتن هسه تجي الخطوط وانتن لحد الان نايمات
يقين: ماماااا شبيج حبابه شويه ونكعد خمس دقايق
جريت الحاف منها ورفعتها من ايدها عمود تصحصح
ولج يا خمس دقايق الخط بعد ربع ساعه ويجي وانتي بس شالج يرادله نص ساعه الا يصير
ود: صباح الخير أيها الشعب كعدتتت شون بيه ما انام
منو كلج سهرين من اليوم ورايح الساعه ب10 يطفى النت واريد اشوف شون تشلعن گلبي الصبح
طفرن اثنينهن وراحن يحضرن نفسهن
رحت لغرفة مهيمن كعدته كال اليوم ماعندي شي بالكليه ما اروح عفته براحته ورحت للمطبخ حضرت الريوك وصحت للبنات نزلن كل وحده تصيح بكتر
يقين : اني اذا بقيت بعد شهر بسالفة الشال الي ما يرضه يصير اخلعه واطلع كفشتي واريد اشوف منو يحجي وياي
ود: مو كتلج اشتري ربطات افضل هاي اني هسه خمس دقايق ما تستغرق وياي
يقين : يا عمري انتي غير وجهج دائري يجنن وتلوگ اله الربطه اني وجهي شطوله ميلوك عليه بس الشال
سميه: عوفن السوالف وتعالن تريكن راح يجي الخط
جانت امي مخليه مفرش فوك الزوليه وعليه صوبه نفطيه ريحتها تجنن وفوكاها قوري الجاي ويمه الصينيه
كعدنه ناكل وتذكرت مهمين
ود: يوم وين مهيمن شنو ميروح للدوام!!
حجت امي وهي تصب الجاي : يكول ماعندي شي
ما اعرف هذا الولد شبي صارله أسبوع لا ياكل لا يحجي ودوامه على اعصابه يروح اله
بقينه اني ويقين وحده تباوع عالثانيه
سميه: شبيجن صفنتن؟ تعرفن شي واني ما اعرفه
حجينه اثنينه «لا ما نعرف»
بقت تباوع علينا بعدم اقتناع
لمينه الملازم وطفرنه قبل لا يبدي تحقيق نبع الحنان وما نطلع من ورا الا واحنا كاتين الاول والتالي
اجانه الخط وطلعنا اني ويقين نفس الجامعه بس اني مرحله ثالثه كلية هندسة مدني ويقين ثانيه كلية تربيه قسم علوم حياة
ومهيمن ويانه يدرس تحليلات مرضيه وماما مديرة مدرسه
صعدنه بالخط سلمنه على البنات وكعدنه وحده يم الثانيه
يقين: اكلج البارحة شفت مهيمن وي منار
أنت تقرأ
نيران الغراب
General Fictionفي أحضان الغراب هناك فراشه صغيره تلوذ به من جحيم الحياة تحت مسمى العادات تُنسب حياتها إلى غراب لم يرحم احد ولا يرحمها لكنها رغم ذالك تحتمي به وتسمى بأسمه.....
