نيران الغراب

البارت الرابع

دعني أحبك مثلمَا أحبَبتني
من دونِ خوفٍ من نهاياتِ الغدِ
فضياعُ عمري في سبيلكَ هيّنٌ
لكنني أخشى ضياعَكَ من يَدي

...............................................
...............................................

منار:

بعد ما صعدت للغرفه كعدت عالسرير ومن الالم احس جسمي كله يوجعني تمددت خليت راسي عالمخده وبجيت واني كاتمه نفسي خاف احد يسمعني شفت نفسي اني منار الي ماكو بقوتها وطول لسانها الي ما يسلم منها لا رجال ولا مره ام المشاكل وكل الاشياء الغلط بيها هسه هي ذليله رغم اكدر أتنازل عن المؤخر واطلب الطلاك منه بس ما كدرت اني حامل اذا ولدت ما اريد ابني يعيش قصة امي وقصتي ما اريد اعيش التعب مره ثانيه بقيت وضعفت وطاقتي نفذت وصرت تحت رحمة مهيمن گلبي دك اله وحبيته بس للاسف هو ما حبني واكتشفت هو مجرد اعجاب وحتى من طلب مني زواج بالسر وافقت لان احبه ولأن ماعندي احد وافقت بي بگلبي ولساني صرت زوجته وحبيبه اله جنت ما اقصر صحيح فتره شهرين بس اني من اول يوم حبيته من اول موقف جمعنا عشقت اسمه
كعدتني البنيه عرفتها أخته لان بينهم شبهه گتلها بصوت مبحوح وتعبان ساعديني جسمي يوجعني كلش وراح اموت

شفتها ركضت طلعت من الغرفه واني غمضت عيوني وما حسيت بشي
فتحت عيوني وحسيت ضوه قوي كلش بياض يجتاح روحي والدنيا باوعت بأركان المكان جان عباره عن بياض مجرد مكان جبير كلش وابيض نفس الصحرى ما اعرف شنو هو  شفت امي من بعيد تمشي نفس شكلها عيونها العسليه وشعرها الطويل تمشي وتبتسم تقربت عليه صارت مقابيلي خلت ايدها على بطني وكالت الله يخليهم الج حافظي عليهم لخاطرج مو لخاطر أحد بجيت وحجيت بلوعه وحركة گلب

منار: من رحتي عني واني تغيرت صرت وحده حرام اتسمى مسلمه وحده تركت الحجاب وصارت عليها سمعه يمه شوفيني كدامج وجهي شصاير بي يمه بنيتج اني اخذيني وياج فدوه اني تعبت من هاي الحياة

وكفت وابتسمت الي وهي تكول : ما اكدر اخذج وراج طريق طويل كلش نهايتة راح ترضيج وتحقق الي ببالج بس راح تتعبين هواي ولا تنسين صلاتج وحجابج راح يمهدن لوصولج لهذا الطريق فألتزمي

شفتها مشت بعيد وتلاشت من كدام عيوني غمضت بوجع والم وكسرة روح وگلب وفتحت عيوني مره ثانيه حجيت بتعب : يمه وينج
شفتها وگفت وخلت أيدها على أيدي مسحت ايدي بحنيه وحجت
ود: احنا يمج تسمعيني
بجيت بصوت واباوع اجه مهيمن عليه عيونه متشخصه وحمر ووجهه ملامحه كلش عصبيه
مهيمن: اشششش صوتج احنا بالمستشفى لا تبقين تعوين سدي حلكج لا اشكه الج
ود: مهيمن اسكت احنا بيا حال وانت تهدد امشي اطلع بره تره ما عايزين
درت وجهي عنه ودموعي تجري على خدي
باوعت عليه وحجت ...
............................................
............................................

شفت منار صعدت للغرفه تمشي على كيف وبتعب
باوعت على مهمين جان يباوع عليه ومنتظر شنو احجي
ود: انت مخبل؟ بس اريد اعرف راسك هذا مابي دماغ يفكر لك امي نجلطت ولو ما رأفته ورحمته جان ماتت من وراك لك ارحمنا كضيت عمري من اني وطفله ولحد الان اركض وراك بس گلي منو رجال هذا البيت انت لو اني؟ لطمت على وجهي على كيف وبجيت ولك جنت طفل اركض وراك كل يوم يجون يشتكون منك والنسوان توكف بباب البيت وترزل وتشتم وتهدد بينا بسببك واني اعتذر واهدد بيك كدامها اخاف يوصل الحجي لامي اسكت واكول ميخالف اخوي الصغير واني ادافع عنه كبرت وصرت سادس علمي واجت طالبه وكالت اخوج يركض وراي من اطلع من المدرسه وإذا ما يبطل يلحكني اكول لابوي واخواني همه يتصرفو وهم سالفه شكبرها واتوسل بالبنيه تسكت واعتذر وصرت شكبرني من الفشله كدام البنات ومره ثانيه وثالثه ورابعه وعرفني البنات بالمدرسه اخوي يركض وره البنات ويتحرش
تعرف ليش امي ويقين ما عندنه صديقات؟ تعرف لو لا اني اكلك ليش لان محد تتشرف تصادق وتحجي وي بنات اخوهن يركض ويتحرش ببنات الناس عبالهن احنا عائله موزينه ولك احنا بنات رسول الله ولك انت سيد واحنا علويات امنا ربتنا افضل تربيه وانت هيج تسوي خلصت من السادس وكلت بلكي الله واهل البيت ويصير زين ويصير گد المسؤوليه وطلعت أزيد ركضت وره وحده ما تسوه فلس والكل يحجي بسمعتها وأخلاقها وحبيتها وتزوجتها
كل هاي سوالفك وبعد وبعد لك تعبت تعبتتتت ارحمني حرام عليك شوف وجهي شون تعبان من وراك ومن وره التفكير بيك كول هاي اخواتي وهاي امي خطيه ما الهم أحد غيري