خَاف أمُوت..
وآنه ما شَابع مِنك
خَل أحضُنك
يُمكن هاي المَره الأخيره
البِيها احُضنك
ومِنو اليدِري المُوت يا سَاعه
ولُو مِيت هُواي منك
......................................
......................................
أياد :
كاعد بالنادي وشفت وحده دخلت تباوع بعيونها بحيره جنت كاعد وحدي انتظر سرمد جان عنده امتحان كوب الكهوه بيدي وعيوني ما فارقتها باوعت عليه واجت بسرعه وكفت يمي وحجت
خويه اكدر اسألك سؤال ؟
جانت لابسه بنطرون وقميص وفوكاهن جاكيت كلهن بلون اسود وشال لونه رصاصي ولازمه بيدها الجنطه والملازم
جانت تحجي وتلوي بالملزمه بتوتر
أياد: تفضلي ؟
اريد طالب مرحله ثالثه من المدني
أياد: اني مرحله ثالثه تفضلي
يقين: اختي طالبه مرحله ثالثه وتريد اجازه شون اكدر أسويها
أياد: اي عادي رائيس القسم رجال محترم. راح يوافق اذا كان عندها سبب
يقين :اي اي عندها سبب
كمت وياها واخذتها للقسم طول الطريق جانت هادئه وما تحجي
أياد: احمم شنو اسمها اختج؟
يقين : اسمها ود حيدر
أياد: سامع بأسمها اعتقد بالقاعه الثانيه
يقين : ما اعرف والله
أياد: انتي ويانه؟
يقين:لا اني مرحله ثانيه علوم
أياد: اهااا كل التوفيق
وصلنا لرئيس القسم وفهمتها انو تحجي ويا وتنطي السبب وهو راح ينطيها اجازه
بقيت كاعد على واحد من الكراسي يم العماده واتصل عليه سرمد
سرمد: وين انت يمعود طلعت وما لكيتك.
أياد: انتظرني نص ساعه واجي صار عندي شغل بالعماده
سرمد: خوش راح اكل كيكه وعصير وانتظرك بالنادي
أياد: خوش خويا
سديت الجهاز منه وبقيت انتظرها
شفتها طلعت وبيدها ورقه
أياد: ها خلصتي؟
يقين: اي بس كال تعاي بعد شويه عمود الختم لان مموجود هسه
أياد: انطيني الورقه وانطيني رقمج
بقت صافنه بوجهي وفاتحه عيونها
ضحكت : لج بابا شبيج علمود من اخلص الورقه اخابرج تاخذيها
يقين:ها اي سجل يمك .................078
سجلت الرقم يمي : وانت بكل سهوله تنطين رقمج؟
يقين:لالا مو هيج بس عمود اختي
ضحكت على توترها مبينه فطيره هههههه
أياد: أن شاء الله اخلصها واخابرج تجين تاخذيها
يقين: شكراً تعبتك وياي
أياد: ولو تدللين
باوعت عليها تمشي بثگل وهدوء كلش عجبتني عكس بعض الي اشوفهن
أخذت الورقه ورحت يم العميد نص ساعه وختمها وسرمد حرك الجهاز حرك عليه أخذت الورقه ورحت للنادي. شفته من بعيد كدامه اربع قواطي ببسي واربع باكيتات كيك فارغه ضحكت وهزيت ايدي
سرمد: والله مابيك حظ صارلي ساعه انتظر وانت حضرتك مدري وين رايح مو صوجك صوجي انتظرج
أياد: اي شبيك خويا مو هاي اجيت شكو مستعجل
سرمد: ولك بطني كامت تهلهل من الجوع اريد اكل
باوعت عالطاوله وباوعت عليه
أياد: وذني ابوي اكلهن.
سرمد: اي شبيك تصبيره للغده
أياد: كوم كوم هم يالله نمر على طارق ونروح ناكل
سرمد: شوف اكلك الولد كلهم خلصو خلي نسوي كعده بمطعم ........... شون بي سمج مسكوف ومندي
أياد:خوش خابرهم وكلهم يجون
اتصل على هيثم وإسماعيل وحسن وطارق وجود واتفقوا واني رحت شويه عنه اتصلت مرتين بالمره الثالثه جاوبت
أياد: تعاي للنادي الورقه جاهز
سديته وسرمد منتظرني على أعصابه شويه وشفتها اجت لابسه عبايتها الي زاددتها جمال
سلمت وأخذت الورقه وتشكرتني ومشت
بقيت اباوع وراها لمن طلعت اجه سرمد يباوع وياي ويحجي شبيك شكو ؟
أياد: اقنع عمي اريد ازوج
سرمد: هااا؟؟؟ شنو ما فهمت شنوو؟؟
أياد: اي نفس ما سمعت اقنعه
سرمد: عوفك من كلشي تدري عمك الي هو خالي حالف اذا شافني يمكم يذبحني لو لا
أياد: اهووو شو وخر خلي نروح يالله
.....................................
.....................................
أنت تقرأ
نيران الغراب
Ficción Generalفي أحضان الغراب هناك فراشه صغيره تلوذ به من جحيم الحياة تحت مسمى العادات تُنسب حياتها إلى غراب لم يرحم احد ولا يرحمها لكنها رغم ذالك تحتمي به وتسمى بأسمه.....
