يومًا ما سأُغادر جَسدي
سأكون حُر سَينتهي حُزني وألمي
سَينتهي ضَجيج عَقلي وصِراعات قَلبي
سَينتهي دوري في الحَياه
كُل شيء يتعلق بي سَينتهي
لا يبقى شيء لي فقَط صورة صغيرة
داخلُها جسَد أصبح ذكرى أبتسم فيها
كُل شيء سَينتهي سأكون حُر
دونَ قيود فقَط روح
سَينتهي لا يبقى شَيء 🩶
.................................................
.................................................
البيت احترك بسبب اسلاك الكهرباء صار بيها طبگ وجانت امي نايمه لان بيوم الي توفت جانت مريضه وما طلعت للمحلات وي خالتي واحترك البيت وما لحكت تطلع ........
ايام كأيبه ما بيها اي طعم ليل يوجع الگلب تبقه بي العيون سهرانه جسد مرهق دموع تجرح خدودي اني الي انولدت ومدلله لامي صرت يتيمه أني الي امي ما قصرت وياي هسه صرت وحيده هسه راح دلالها .......
تسواهن: منار گولي يالله هذا حد يومها ادعيلها الله يرحمها لا تأذين نفسج انتي وصيتها
باوعت عليها بروح خاويه ولسان صعب ينطق من الم الجسد
منار: تعبت صارلها اربع ايام من توفت احس فراغ جبير دا اعيشه
وره وفاة امي وكفتني غسلت وجهي واني انتهيت من البجي كعدت بالكاع الطم على وجهي واملخ بشعري وخالتي كوه لازمتني ولأن امي وخالتي ماعندهن أقارب اجو كم مره من جيرانه دخلو للبيت يصيحون وخالتي استقبلتهم تصيح وياهن كعدن بالصاله يواسني ويبجن على حالي
اخذو امي ودفنوها وخالتي سوت ثواب ووزعته خلصت ايام الفاتحه واني بروحي احس چوادر منصوبه وكلها دموع وصريخ يمزگ گلبي
توفت امي وتركتني وحيده خالتي شكد توسلت بيه اجي يمها بس رفضت رفض تام اترك البيت بقيت عايشه وحدي طلعت نتائج السادس
جنت نايمه الساعه 9 الصبح اندكت الباب عرفتها خالتي تسواهن لان هي من يوم توفت امي لليوم هي كل شويه تمر عليه كعدت كوه فاتحه عيوني
فتحت الباب الها دخلت حضنتني حيل والضحكه مرسومه على وجهه وفرحانه باوعت عليها
منار: خاله رابحه اليا نصيب وهيج فرحانه
ضربتني على متني بخفه وضحكت لا لا اكبر من اليا نصيب
لج طلعت نتائج السادس ومعدلج 80 ابتسمت الها ورحت كعدت على القنفه
اجت يمي تباوع بخوف وحزن
تسواهن: شبيج يمه ؟ليش ما فرحتي
باوعت عليها وغصه بگلبي احس بلعومي احتقن كوه حجيت
خاله جنت منتظره افرح گلب امي جنت اريدها تفرح بيه
بجيت بغصه وخالتي كعدت يمي وحضنتني وبجت وياي
ادعيلها يمه ادعيلها اكيد هسه هي فرحانه بيج
شنو رئيج نروح نزورها وتفرحيها بنجاحج ونروح نزور ونشتري اغراض نغير جو
هزت راسي بنعم وكمت احضر نفسي مر على وفاة امي شهرين جنت مإجله ماده لذالك امتحنتها دور ثاني والحمد لله نجحت وخلصت من هم السادس امي خلت الي بيت ومحل بأسمي ومبلغ بالمصرف
أخذت فلوس وياي ولبست صايتي وحجابي وطلعت
وصلنا للمقبره وهنا جان الهم والحزم والغم هنا اني اختنكت هنا اني تاركه اعز انسانه هنا ندفن الشخص الوحيد الي اعرفه بحياتي امي وروحي وكل دنيتي مدفونه هنا
بجيت ولطمت لحد ما صوتي اختفى گوه رفعتني خالتي غسلت وجهي وعدلت حجابي واخذتني طلعنا للأمير علي عليه السلام نزور دخلت الحضره وحسيت نفسي نفس الطير الي جان محبوس بقفص وهسه تحرر حسيت كل هم نزاح من گلبي زرت وصليت وكعدت مقابيل الشباك بقينا للعصر وطلعنا اخذتني خالتي لمطعم كعدنا تغدينا وخلصنا وطلعنا نفتر
كالت تعاي نشتري ملابس بقت واكفه صافنه عالمحلات بحيره
منا: شكو خاله ليش وكفتي؟
تسواهن: ما اعتقد يبيعون اسود خلي نروح لغير مكان
استوقفها كلامي بقت مصدومه بي
منار: اشتريلي الوان ما اريد اسود
تسواهن: متأكده يمه؟
منار: اي وصيت امي جانت بكل مره تكول اذا متت ما اريد تلبسين اسود للاربعين والبسي الوان
هزت راسها ومشت وياي تشتريلي اغراض للجامعه اشترت كله على ذوقي
جنت اشتري بس قمصان وبناطير
تسواهن: انتي تلبسين حجاب شون تلبسيهن؟
منار: ما البس حجاب تدرين بيه ما احبه
بقت ساكته لان متكدر للساني
أنت تقرأ
نيران الغراب
Ficción Generalفي أحضان الغراب هناك فراشه صغيره تلوذ به من جحيم الحياة تحت مسمى العادات تُنسب حياتها إلى غراب لم يرحم احد ولا يرحمها لكنها رغم ذالك تحتمي به وتسمى بأسمه.....
