نيران الغراب

البارت التاسع

فما فارقتُ قُربَ الناسِ من عبثٍ
ولا اقوىٰ علىٰ ملئِ الفراغاتِ
لكنَّ جرحاً من الأحبابِ أقنعني
إنَّ القريبينَ أولى بالخساراتِ
وما يعني خروجَ الرّوح إن خَرَجَت ؟
فهذا الموتُ لا يعني النهاياتِ
فكم عندي ، من الأحياءِ أعرفهُم
ولكني أعامِلهُم ، كأمواتي

....................................
....................................

سمر:

بقيت اباوع عليه ما اعرف شصار بيه وقتها برود اتملكني ولو يموت ما يهمني بس همي جان عمو وكف يباوع عليه وصاح بصوت هز البيت

الغراب:حسننننننن اخذه للمستشفى وادعي من رب العالمين يعيش حتى اكمل البديته ويا الكلب
ركض حسن جاب سويج السياره وأخذه هو وأمه طلعو وبقينا احنا بالبيت باوع عليه الغراب وشافني ابجي ووجهي احمر صاح عليه
الغراب:انتييي شكو تبجين هاااا يستاهل تبجين على موده ما يسوه اضفرج يروح فدوه الج اطلكي منه وازوجج اغاته
ركضت حضنته وانشغ نفس الطفل
سمر: ما ابجي على موده ابجي عليك اخاف عليك خاف يموت وتدخل السجن بسببه عمو فدوه خلي نروح للبيت ما اريد ابقه هنا نفسي كامت تلعب من البيت
الغراب: لبسي عباتج ولمي ملابسج وتعاي
باوع على ملاك لكاها صافنه علينه
الغراب: حلو المسلسل ؟ انتظريني بس يطلع الجلب من المستشفى اسوي حلقه ثانيه واعزمج
بجت بصوت عالي وركضت الغرفتها
الغراب: كو .... ما يصيرلكم جاره
اجيت لابسه عباتي لكيته كاعد عالقنفه ومخلي رأسه بين أيدينه
سمر: يالله عمو خلصت
الغراب: انتظري للصبح ونروح هاي اختج بقت بالغرفه ما اريد تبقه وحدها خاف يصير بيها شي
هزيت راسي ورحت جبتله مي اخذه شرب شويه وحجه
الغراب: انتي مو عندج ابو ؟ شكو مكعدتني اني ؟
سمر: ليش تصير لوتي يا عمو انت تنام هيج وقت؟
الغراب: انجبي واحجي عدل دماغ سز انطيتج مجال
رغم دموعي وحزني ابتسمت اله
سمر: عمو اريد اطلك
باوع عليه وتنهد
الغراب: ما تمنيت اشوفج بهيج وضع ولا اتمنيت تعيشين هيج شعور جنت كل فرض اكول"" اللهي هي عزيزتي ومدللتي ما اريدها تتأذه""
نزلن دموعي لا اردياً
الغراب: لا تبجين ولا تنزلين دموعج على مود واحد ما يسوه اضفرج بس يطلع من المستشفى يجي وغصباّ عليه يطلكج وحسابه ما خلص

بقيت كاعده والنوم ما اجاني ذيج الليله عمو تمدد على القنفه وبقه يگلب بالجهاز اعرف بي ما ينام بغير مكان وملاك كعدت وبقت يمي تسولف وتواسينيبس حسيت اختي خايفه خاف تخسر حسن بسببي طمنتها وكتلها شي يخصني لا تخافين مراح يصير شي لعلاقتكم بقت نايمه على رجلي واني كاعده صافنه عالساعه لحد ما صار الصبح ملاك بدلت كالت اليوم دوام وعمو كال يالله نروح اخذت جنطه بيها ملابسي الي احتاجها ورحنا لبيتنا ولمن كعدو تفاجوء من الي صار وبابا بقه يباوع عليه بكسره حقهم بمده قليله ابنهم راح وبنتهم رجعت الهم وراح تطلك عفت كلشي وصعدت للغرفه رجعت ملابسي بالكنتور واجت مرام نصدمت من شافتني وبقت كاعده يمي وقررت تنقل اغراضها يمي لان باقيه وحده لان غسق كعدت بغرفة هيثم وما تقبل تطلع منها