رواية "سيفا "
الفصل الاول
___________________
محافظة الجيزة ٢٠٠٩ :
كان اليوم هذا يوم مصيري لدي العائلة ، فنتيجة الثانوية العامة ل"يوسف" ستظهر اليوم ، كل العائلة تجمعت علي شرف هذا اليوم ، توتر وحماس ، كل مشاعرنا متلخبطة .
نيڤين: يوسف ...يوسف ، اصحي يا يوسف
يوسف: انا مانمتش اصلا يا "نيڤا" ، خالو جه ؟
نيڤين: اة ، العيلة كلها موجودة ، قالو النتيجة هتطلع الساعة ٢ ، ليه متجمعين من ١١ ؟!
يوسف: انا قولت لخالو يجي بدري شوية
خرج يوسف للعائلة التي كانت مكونة من والده سليمان ووالدته مي واخته الكبري نيڤين وخاله عيسي الذي كان دائما يناديه ب " سيفا" وينادي اخته ب " نيڤا".
يوسف: صباح الخير
عيسي: صباح النور يا قلب خالو ، عامل ايه يا واد يا سيفا؟ اوعي تكون بقا متوتر والكلام دة ؟
يوسف: عيب عليك دة انا مانمتش من التوتر
مي : ولا انا والله
عيسي: والله شكلك انت اللي موتراه ، ابننا هيحقق حلمه ويدخل طب ، مش كدة يا سيفا ولا ايه ؟
يوسف: ان شاء الله يا خالو ، ويبقي اول حلم ليا اتحقق ، وفاضل التاني بقا ، اكتب روايات وكتب وابقي كاتب مشهور وساعتها هحط اسمي المستعار علي كتبي " سيفا" ولما يسألوني عن الاسم هقول ان أغلي شخص ليا سميهولي "خالي"
عيسي: حبيب قلب خالك هو انا عندي اغلي منكم
سليمان: وانا مش غالي ولا ايه يا يوسف ؟
يوسف: لا طبعا يا بابا دة انت روحي
مي: هي طب بتاخد من كام؟
نيڤين: والله علي ايامي كانت بتاخد من ٧٠٪
يوسف: لا دلوقت الدنيا اتغيرت وبقت بتاخد من ٩٩ ٪
مي: طيب يلا تعالو نفطر
بعد تناول الفطور جاء وقت ظهور نتيجة الثانوية العامة، اللحظة الحاسمة التي ننتظرها .
مي: جبتها ولا لا يا يوسف؟
يوسف: الموقع بطئ اوي
عيسي: براحة شوية
رن هاتف يوسف وهو يحاول ان يجلب النتيجة
يوسف: الو
محمد: يوسف ، انا جبت ٩٩٪ هدخل طب ( قال ذلك محمد بصوت فيه فرحة وحماس )
يوسف: الف مبروك يا حمو
محمد: الله يبارك فيك ، انت جبتها ولا لسه؟
يوسف: لسه
محمد: انا واثق انك هتحقق حلمك اوعي تنسي انت من الاوائل طول عمرك
يوسف: ان شاء الله
اغلق يوسف الخط مع محمد ثم حاول ان يجلب النتيجة مرة اخري
يوسف: ظهرت
مي وسليمان وعيسي ونيڤين كلهم بصوت واحد : جبت كام؟
قال يوسف بصوت منكسر وفيه خيبة امل : ٨٠ ٪
