أعتقد أنك لو كنت اتأذيت من أي حد غريب كان الموضوع هيكون بسيط و كنت هتعرف تاخد رد فعل مناسب أو حتي لو مكنش مناسب بس علي الاقل هتاخد رد فعل و تعمل حاجة لكن لما بيكون الأذي ده من الأهل تقدر تقولي ايه هو رد الفعل المناسب اللي هتاخده او ايه رد الفعل عامة! معتقدتش انه فيه اصلا، لأن جروح الأهل مش بتتشفي اصلا، لما يكون أبوك أو أمك هما سبب معاناتك و كل عقدك النفسية اللي اتكونت جواك و عملت شخصية هشة بالطريقة دي، حتي لو بتمثل الصلابة بس أنت هش، معتقدتش هيكون ليك رد فعل ولا هتقدر تعمل حاجة و لو عملت هتكون حاجة وقتية مش دايمة يعني، بمعني أصح دايرة المعاناة دي مش هتنتهي و هتفضل علطول جواها لأنك مش عارف تدي رد فعل و في نفس الوقت مينفعش، و كل الكلام المثالي اللي بنسمعه للأسف مش موجود، و أنا مش جاية أقول حل لأنه للأسف مفيش بس بجسد المعاناة بكلمات.
أنت تقرأ
مقتطفات منونية
Poetryدي مقتطفات صغيرة من الواقع، البعض منها حزين و لكنه واقعي ، فالحياة كما تعلمون يا أصدقائي ليست كلها وردية ،و البعض منها مؤلم، و قد تجد ما هو سعيد.
