*بسم الله
*روايه وهـُج البـارون
لطفاً( تعليق + متابعه + تصويت)
--------
باجر من ترد ماتلكه شي موجود
تلكه الورد ميت والارض صحره
تلكاني مدينه مسدده البيبان
بيه الكمر ميت والشمس حمرة
*****
كاعده على بايات الدرج واني اباوعلهم شلون يتعاركون شتد النقاش بينهم وابوي رفع ايده وضربه باوعتلي بنضرات ماعرفت شلون افسره دار وجهه
وشافني كاعده اباوعلهم تقدم ناحيتي وهوه يصيح ويشمر بالغراض ويكسرهم سحبني من شعري باوعتله بنضرات بارده مابيه ايي مشاعر ستسلمت اله وخليته يتفنن بتعذيبي مثل كل مره نهار علي بضرب نزع
حزام بنطلونه وبده يضربني بكل قسوه رفعت عيني باوعت العيونه تنكط كراهيه وغيض وحقد سحبت رجلي الصدري بلا صوت بلا بجي خلص من تعذيبه كعد يلهث وهيه واكفه وعلى وجهه شبه ابتسامه
باوعلتهم وبتسمت بسخريه وكفت واني امثل القوهه صعدت بايات الدرج وروحي رايحه من الوجع قبل لا ادخل للغرفه التفتت عليهم يا ترى هذول
معقوله اهلي؟ معقوله هاذه ابوي ايي ابوي الي ما مر يوم اذا ما يضربني مثل الحيوان من اقل شي يعصب علي وماطايق وجودي زين شنو ذنبي؟ لن بنته هاذه ذنبي؟ ذبيت حسره حسيته شكت كلبي
من الوجع بس ما يفيد طلعت صورته ورحت للزاويه طفيت الاضويه بقه ضوه خافتت كعدت وسحبت رجلي الصدري بوست الصوره وخليته على كلبي وكالعاد احجي وابجي وهيه ما تسمعني
:- امي تعبت ما ناويه تاخذني يمج مجاي تشوفينه شلون يضربني ويعذبني راويتج حروق جسمي اكثر من مره بس مجاي تسمعيني ولا تشوفيني الشوكت اني اضل تحت رحمت هاذه الانسان الي يتسمه ابوي ليش جبتيني على هاي الدنيا زين من عفتيني ليش ما اخذتيني وياج ليش سياره اجت بس عليج ما اخذتنيي وياج رغم جنت قريبه عليج اني ليش انتي الي متي ليش مو اني؟
غمضت عيوني ودموعي نزلت بغزاره واني اذكر اليوم المشؤوم بكل تفاصيله
(2020)11/11
هاذه التاريخ وهاي السنه نحفرت بروحي
نتمشه اني وامي ولازمه ايده فرحانه باوعتلي وابتسمت بحنيه ورجعت نضره على الطريق حطيت ايدي على ايده وحجيت بالهفه
:- ماما اريد اتعلم اطبخ حتى لا تعبين اني اوكف بدالج انتي بس ارتاحي تمام؟
سحبت ايدي باسته ورجعت نضره الي وكالت
:- امي انت هاي اليدينات ما تتعب مادامني اشم الهوى
رسمت ضحكه على شفايفي وسحبت راسه بوسته
كعدنه على كراسي كتله
:- ماما اشتهيت نسوي دولمه على العشه
هزت راسه وكالت
:- انتضريني هنا اعبر الهذاك الصوب مو تجين وراي
أنت تقرأ
وهـج البـارون
Horrorحطمُ جناحي كسرُ روحي لقد قتلُ قلبي بدمٍ بارد هل كنت أستحق كل هذا؟ ام ليس لديهم مشاعر؟ لماذا أنا؟ هل اختارني الله ليفوضني جميع الاختبارات؟ لقد تحملت الكثير، وفي كل ليلة كانت روحي تصرخ من الألم هل سيكون الفرج قريباً ام سنبقى هاكذا حتى نهايت المطاف؟؟ ...
