وهـج البـارون

البارت 7

بسم الله *
روايه |وهج البارون

لطفاً
(تعليق + تصويت +متابعه)*

••••••••••••••

لم تكن خسارات،كانت مُجرد اتربة
نفضتها من يدي .

•••••••••••••
ميان وصلت للباب استغربت ليش مفتوح اني منبه على نارين مستحيل تفتح الباب اله تشوفني من الكامرهه دخلت بسرعه خايفه جمدت من المنضر بنتي مدده ترافس بالكاع شهكت ولزمت كلبي ورحت اركض رفعته ودخلته للسياره وبوجهي

للمستشفى روحي تفرفح وياهه اريد اوصل ماكو حسيت الطريق صار بعيدد كلش بعيد روحي طلعت الحد ما وصلت صرت اصرخ بعلو صوتي جابو السديه للباب خذوه مني والدم ينزل منه وهيه فاقده لا تحرك ايد ولا رجل كلبي فرفح وين

انطي وجهي شنو صار ليش هيج حالته لييشش نارين ليشش فتحتي الباب يا نذل سوه هيج

:-وحق كل قطره دم نزفتيه وكل دمعه وكل نفس
سحبتي اذا ما ضوكته الي انتي بي حالين ما اطلع ميان اختج وتشدين ضهرج بيه "

ساعتين اني متفرفحه وأفتر مثل المجنونه اتصلت ناز كتله بالمستشفى وهيه خطيه اجت هيه واخوه ما هتميت بالي يم نارين شصار ليش ما طلعو الحد هسه؟ شوي وطلع دكتور كمت مفزوعه ركضت اله لزمته من ايده بدون وعي

- اطمئني بويه البنيه الحمدلله عدت مرحلت الخطر

زفرت نفس براحه رجعت للوراء كعدت على الكرسي بعدين كمت سجدت ربي العالمين طلعوه من صاله العمليات وجه اصفر تقربت اتلمس وجهه بهدوء واهمس بأذنه

:- يا روحي يا عمري انت شصاير بيج جعله بيه ولا بيح جعل اني الي مطعونه ولا انت يا روحي يا بنتي حبيبتي

دخلنه للغرفه واني كاعده يم راسه اقره ايات وروحي رايحه اريده بس تصحه ودكلي مرت نص ساعه صارت تهلوس بكلمات بعدين فتحت عينه بهدوء وثبتتهن على سقف الغرفه ضلت هيج حوالي نص ساعه بعدين التفتت شافتني ابتسمت بتعب وضغطت على ايدي سحبت ايده بوسته والدموع نطلقن بوست راسه وجهه من كل انش واني طايره فرح

::- نارين عمري شلون اتحسين نفسج

:- بخـ ير

كلامه متقطع ماتكدر بالكوه تحجي
هزيت راسي وامسح على شعره

:- تكدرين تسولفين يروحي بس كليلي منو سوه هيج وياج؟؟

:- اندك الباب طلعت فتحته كل الي بالي انت لو ناز بس خاب ضني من شفت رجال واكف ومتلثم ممبين ايي شي منه سحبني وصار يخنكني وطعني بالسجين بطني وفخذي وراح ما شفت شي بعد

::- هاهيه حبيبتي لا تحجين هواي مو زين عليج ارتاحي وحقج اطلعه من حلك السبع وادوس على راسه الي سوه بيج هيج كدام عيناج