بسم الله*
روايه |وهج البارون
لطفاً*
(تعليق +تصويت+متابعه)
••••••••
طحت صح؟ بس صرت
احلى گذله وطيحتي أعله
العين فرق عن طيحة الگحله
**********
صدممه حتلتني مجاي استوعب معقوله هاي امي زين زين يمكن ميان مو بنته الحقيقه بس اني شنو؟ هم ما تحبني ولو واحد بالميه بس وين احجي على منو هاي ميناا الي مايوم كلبه حن على بنته طبطبت على ايد ميان اهديه من عصبيته وهيه تفور ماعرفت شلون احجي لن امي وابوي لاعبينه صح المهم
الحمدلله على كل حال رفعت عيني بصدمه من شفت ميان ضربت ايده بالحايط بقوه والحايط بي بسمار لا هتمت ولا شي ركضت مفزوعه لزمت ايده خايفه عليه وهيه محتركه روحه تلوب ماتعرف شسوي سحبته كعدته على الجربايه جبت علبه الاسعافات عقمته ولفيته وهيه على صفنته احسه ضايعه حجيت وياه
نارين: ميان مو كلتي الامي.. اقصد مينا انو انتي ضامنه مستقبلنه وعندج بيت وما تحتاجينهم ..؟؟؟
رفعت راسه باوعتلي بنضره عجزت افسره اردفت برود عكس البركان الي داخله
ميان: اكيد لأن جنت اعرف بدكات ابوج الناقصه وجنت حاسبه حساب اله بس الي حرك كلبي من ما عترف عنده بنات اذا مات ومسجل كلشي بأسم مرته وهيه شلوننن مره تنكط نعل استغفرالله يا ربيي انطيني الصبر
:- هسه شلون ؟
:- كالت يومين الجن وطلعن من البيت
:- معقوله راح نترك البيت اله وحده ونطلع مكسورات؟
رفعت راسه خزرتني وعاكده الحواجب حجت مستهزأه
ميان: مكسورات؟؟ شنووو نارين منو المكسورات ما عاش ولا راح يعيش الي يكسر ميان واخته ....
:- وهسه عوفي كلشي علي ومعليج حقنه ارجعه لو مدري شيصير ترحين تلمين ملابسج كلهم وغرفتج تركيه بعدين انقله
هزيت راسي وطلعت منه دورت على نرمان مالكيته عرفته راحت دخلت للغرفه حضرت غراضي صعدت اشوفه اذا تحتاج مساعده فتحت باب الغرفه جانت واكفه تخلي كتب المكتبه مالته بكرتون صغير ابتسمت وكتله
نارين: محتاجه مساعده؟
:- لا بنتي خلصت وانتي خلصتي؟
:- اممم
هزت راسه وكملت دخلت امي للغرفه شافت الغراض وحجت بضحكه مستفزه
:- عفيه عليج بت تالين هيج اريدج تسمعين الكلمه ولو اني انطيتج يومين بس شكلج مستعجله "
ضحكت ميان واردفت بحقد
:- مايشرفني اضل بيتج لن انتي معروفه ومعروف اصلج وتربيتج بنت رقاصه شنو تكون تربيتج ارخص من الرخيص.
تقربت امي بسرعه تريد تضربه لزمت ايده ولوته وره ضهره ميان طويله طوله 167 يعني تسيطر ومو دكول ناعمه جسمه لا ضخم ولا ناعم متوسط لزمته من فكه واردفت
:- كل الي سويتي والي راح سوينه راح دفعين ثمنه غالي وهاي ايدج اذا شفتج رافعته بوجهي مره ثانيه تنكسر وتعرفيني اني ما احجي حجي مففففهوم ميناااا ؟؟؟؟
أنت تقرأ
وهـج البـارون
Horrorحطمُ جناحي كسرُ روحي لقد قتلُ قلبي بدمٍ بارد هل كنت أستحق كل هذا؟ ام ليس لديهم مشاعر؟ لماذا أنا؟ هل اختارني الله ليفوضني جميع الاختبارات؟ لقد تحملت الكثير، وفي كل ليلة كانت روحي تصرخ من الألم هل سيكون الفرج قريباً ام سنبقى هاكذا حتى نهايت المطاف؟؟ ...
