وهـج البـارون

البارت 17

بسم الله الرحمن الرحيم

وهج البارون

بقلم القمراء

******
يبعد جروحنه الما طابن بلياك
رد بس خل اشوفك لا اطيبهن

*******
صرخت مفزوعه من شفته مدده كدام عيني ركضت عليه لميته الحضني ابجي وادعي ربي كون مابيه شي طلعو الجيران على صريخي تقرب زلمه جبير يستعجلني اخذه للمستشفى

::- بويه بسرعه كومي خلي نلحك ناخذه يله بعد ابوج

مسحت دموعي بسرعه وساعدته حتى نصعده بالسياره خطيه ما قبل اسوق اني هوه ساق بدالي شخط سياره سريع وطلعنه متوجهين للمستشفى راسه بحضني وضهره ينزف دم حضنت راسه ابجي

::- فدوه قوي نفسج لا تسوين بيه هيج ميان قوي نفسج انتي قوتي

وصلنه للمستشفى جابو سيديه خذو من بين أيدي وعيني عليه كلبي مفرفح وما اعرف شسوي كعدت بالكاع ادعي الامام علي هيه روحه بالامام علي عسه والعل يريح كلبي وما يصير بيه شي

::- يا علي احلفك بخدر عزيزت كلبك لا تفجعني بأختي احلفك بخدر زينب الحوراء كون تطلع سالمه ومابيه شي

جرت الساعات هيج اني متفرفحه واريد بس خبر عنه عايشه ميته مابيه شي بس ماكو دخلو صالت العمليات وبعد ما طلع واحد منهم 4 ساعات مرت وهيه بالعمليه كلبي اجه يوكف بأخر لحضه من الانتضار لو ما طلع الدكتور ركضت احجي متلهفه

::- بشرني دكتور الله يبشرك
نزع الكمامه وكال
::- الحمدلله بنيتي الطلقه ما مصوبه المكان مجرد شاخطه من يم ضلعه

خلص حجيه نزلت اركع سجده الشكر على هاي البشاره وكفت وكتله

::- يي دكتور وهسه شلونه وضعه زين مو؟

::- لا الحمدلله احسن حالين راح ننقله لغرفه وتكدرين تشوفيه

::- اشكرك اني دكتور

::- العفو منج بنيتي هاذه واجبنه

عافني وراح شوي وطلعو بالسديه يمه ردت روحي من شفته دخلو للغرفه واني وراهم عدلت الممرضه المغذي وراحت كعدت يم راسه ابوس بوجه وايديه واحجي وياه

::- لبوه اني اختي لبوه هاي اكثر من مره تتجاوز الموت بشهامه ربي يخليج ويحفضج يا نور عيوني

أتأمل وجه براحه اخذت نفس املي بي ريتي ورجعت اباوعله واني بصفنتي جان يدخلون بيت اهل الاصهب رفعت راسي اول واحد شفته الاشتر عيونه تراقب المكان عبالك مضيع شي غالي استغربت هاذه شبي هيج يباوع عيونه ثبتن على ميان ضربته ناز مبعدته على الطريق ودخلت اجت تركض حضنتني بادلته وكمت ابجي جنت محتاجه شخص وياي يوكف يطبطب على كتفي ويكلي تهون بس للأسف ما موجود هاذه الشخص