بسم الله الرحمن الرحيم
وهج البارون
بقلم القمراء
***********
أضمَك وين ؟
مَن يا عّين؟
هوه المثَلك شينضَم
يلچنَك بخَو
مَن سابِع سلف ينشَم .
*********
صفنت بوجه استوعب الي كاله لوح كدام عيوني وكال
::- ها الصفنه مو الج
::- هسه انتم مو كلتو تخطبون نرمان شو حولت علي ارجعو نرمان
رفع أيده وغم كصته يضحك
::- شوف حضي دومه مصخم
باوعت قربت على البيت لتفت امشي سريع صحت
::- روح اخطب غيري اني ما افيدك
ركضت للبيت ودخلت وطبكت الباب وراي طلعت نارين مستغربه وكاعده تاكل كالت
::- ها شكو ليش وجهج احمر
دخلت للصاله وكتله
::- لا وين امي شبي وجهي
رفعت حاجبه وصغرت عيونه وكالت بشك
::- عيني عيني اكص أيدي اذا ما صاير وياج شي بس سهله اول وتالي تحجين
::- يله. روحي سويلي كهوه عندي شغل هواي ولازم اسهر
هزت راسه ودخلت للمطبخ رحت للغرفه غيرت ملابسي وكعدت اباشر بشغلي شوي ودكت الباب جابت الكهوه
::- عاشت أيدج امي تعبتج وياي
::- لا كلبي ماكو تعب
باستني بخدي وطلعت
رجعت اشتغل بتركيز فاصله عن كلشي
********
اليوم نمشي مشيه على ست الحسن نرمان والدنيا مخبوصه بالبيت عمامي وخوالي وعوائلهم والاصهب عبالك وحده مطلكه وجه اصفر ويفتر مادري شبي والولد ناصبين علي كعدنه نتغده كلنه سوه كال ابن عمي كسار
::- ها بشر ولدت لا
خزره الاصهب واردف
::- انجب ولك
الأشتر مختنك صاير ازرك مايكدر يضحك كباله وجاسر يكرص بفخذه حتى يسكت لان مبين يضحك يهتز جسمه كله وذو الفقار بس يحجي ينركع بخاوشكه عمي مدري شبي صافن شوي وصاح
الكسار - ها ملهُم بعدك متذكر اتفاقنه؟
رد علي ابوي
الملهم - افا اني انسه مستحيل
ضحكو ثنينهم وكالت امي
نيروز - ما تحجون شنو التفاق؟
باوع ابوي لعمي وكال
::- جنه شباب ف بوكته كاعدين على ساكيه مالت ابوي كلي الكسار شنو رئيك اذا تزوجنه وصار عدنه ولد اول واحد يزوج ابنه يركص بعرسه جوبي حتى لو جان عمره 80
أنت تقرأ
وهـج البـارون
Terrorحطمُ جناحي كسرُ روحي لقد قتلُ قلبي بدمٍ بارد هل كنت أستحق كل هذا؟ ام ليس لديهم مشاعر؟ لماذا أنا؟ هل اختارني الله ليفوضني جميع الاختبارات؟ لقد تحملت الكثير، وفي كل ليلة كانت روحي تصرخ من الألم هل سيكون الفرج قريباً ام سنبقى هاكذا حتى نهايت المطاف؟؟ ...
