بسم الله
وهج البارون
بقلم القمـراء
********
اندري بروحي متعوبه"
"وانه لـ يكابر ع جروحه
*********
رمشت بعيوني ممصدكه الي جاي اسمعه قبل شوي يمي بلعت الغصه الي حتلت بلعومي واردفت بصوت خافت
::- وينه هسه؟
::- حالين بـ مستشفى ****
نهيت المكالمه ورحت غيرت ملابسي ونزلت طايره صعدت سياره وطلعت الطريق جان ازدحام فـ رحت بطريق مختصر قليل السيارات تجي علي قربت اوصل للمستشفى واني كلبي بالثانيه يدك ألف جان تعترض طريقي سياره مضلله فتحت الجامه وعطت بيه
::- اعمممه خوما اعمممه يعني الطريق صفح؟
محد رد عاد رجعت صحت
::- بلا زحمممه عليك ابتعد اريد اروح اختي بالمستشفى
ماكو رد شعوطت جان ينفتح الباب وينزل شخص منه ملثم ولابس اسود ومغطي وجهه ما عده عيونه باوعتله بأستغراب تقرب يم السياره واردف
::- يا هلا بأخت "البارون"
عكدت حاجبي بأستغراب واردفت بقله حيله
::- يابه رحمه الوالديك سيارتك صفه عدل خليني اروح
::- جؤ جؤ شلون ترحين واحنه جاين خصوصي عليج؟
::- نعم؟
تجاهل كلامي ولتفت للسياره صاح بصوت عالي
::- "النـهشل يله يبعد اخوك"
طلع شُـخِـصّ مًنِ آلسياره جكارته بحلكه وايده بجيبه يتمشه برهاوه واني محتركه عطت بيهم
::- ادري شنو انتم تضحكون علي وخرو من الطريق خلوني امشي
اردف الي اسمه الـنهشل"
::- خليج هادئه بويه ويله عاثـر" لا تصفن بوجهي شوف شغلك
اشو هاذه فتح باب السياره وسحبني ورفعني على جتفه ومشه لسيارتهم اضرب بضهره وارافس ولا همه شمرني وره وكعد بصفي وجان وياهم واحد يسوق السياره تقرب الـنهشل وصعد وأشر بحركه امشي
::- هيوووو انتم شنو شايفين نفسكم وهيج تجون تمدون ايدكم وتاخذوني والله لو تدري ميان تكطع ايديكم وتسويهن اكل الجلاب نزلونيييي نزلونييي وين ما خذينييي
ولا واحد رد منهم لتفت على الي بصفي ضربته بصدره بقبضه ايدي ولا اتحرك كاعد مترهي وعينه على الشارع ضربته مره ثانيه واني شايطه والدمعه بعيني
::- وينننن ما خذينييي الله ياخذكم ردوووو
باوعلي بطرف عينه وكال
::- خليج هادئه وبلا صوت
::- ولككك شنو بله صوتتت وانت خاطفنيي
أنت تقرأ
وهـج البـارون
Horrorحطمُ جناحي كسرُ روحي لقد قتلُ قلبي بدمٍ بارد هل كنت أستحق كل هذا؟ ام ليس لديهم مشاعر؟ لماذا أنا؟ هل اختارني الله ليفوضني جميع الاختبارات؟ لقد تحملت الكثير، وفي كل ليلة كانت روحي تصرخ من الألم هل سيكون الفرج قريباً ام سنبقى هاكذا حتى نهايت المطاف؟؟ ...
