انمار

p1

نزلت من السياره بنت جميله بشكل ملفت
مشت بخطوات ثابته اتجاه شركتها دخلت و الكل وقف لها

كانت توها راجعه من اجازتها
مسويه تان و فاكه شعرها الكيرلي الطويل حاطه ميك اب مناسب لشغل لابسه فستان عملي و مريح بس انيق
مشت طالعه لمكتبها بكل هدوء

دخلت السكرتيره عليها وهي مبتسمه
السكرتيره : انسه اسيل مرحبا فيك و الحمدلله على سلامتك ان شاءالله اجازتك كانت كويسه
اسيل : اهلا بشاير الحمدلله كانت كويسه
بشاير : ان شاءالله راجعه بطاقه جديده ؟
اسيل : ان شاءالله ، قولي لي وش صار مع الشركه الي كلمناهم قبل الاجازه ؟
بشاير : حجزو موعد للاجتماع و ان شاءالله بعد اسبوع بيكون
اسيل : كويس و غير الاجتماع ؟
بشاير : فيه كم شركه تبي تتعاقد معنا
اسيل : الي هم ؟
بشاير : شركة انسه إرم و شركة**
اسيل : شركة إرم ؟!
بشاير : ايوه طال عمرك
اسيل : قولي لهم تمام كلميهم الحين و قولي لهم بنحجز موعد الاجتماع بالوقت الي هم يبونه
بشاير : تمام طال عمرك و فيه شركه ايطاليه الي مالكها اسمه عبدالرحمن
اسيل : شركه ايطاليه و مالكها عربي ؟ اي شركه بالضبط ؟
بشاير : هذا ملفها طال عمرك و فيه كل البيانات الي تخص الشركه حابه اقراهم لك ؟
اسيل : لا اتركي الملف هنا بشوفه لما اخلص شغلي
بشاير : تمام
طلعت بشاير و اسيل ضلت تتافف من الشغل و همه
اسيل وهي تكلم نفسها : على الاقل استقليتي و فتحتي شركتك بنفسك
ولو ان ابوك ساعدك ببعض الاشياء بس مع ذلك حصلتي عليها بجهدك

اسيل بسخريه : صح ان المبنى مبنى ابوي بعد و الموظفين ابوي الي دبرهم و انا بس درست و جلست على ذا الكرسي بس مع ذلك يعتبر جهد يا اسيل جهد

سكتت و بدت في شغلها بعد ما ضبطت المنبه حتى ينبها ان وراها اجتماع غداء

في مكان ثاني

نازك : قدكم عجايز مو ناوين تتبنون لكم طفل يرعاكم قبل تموتون ؟
لتين : خير حبوبي مو عجوز
إرم : وش تقصدين ترا هي تكلمت عنا اثنينا
لتين : لا قلبي ما اقصد شي
نازك تحارش : الا الا تقصد انك عجوز اساسا انا تكلمت عنكم اثنينكم بس هي تكلمت عنك لوحدك حبيبتك بتسحب عليك انتبهي
لتين : نازك ترا تافهه لا تحارشين
نازك : إرم ذي نصيحة اخت جيبو لكم طفل يخليها تضل عندك ولا تفكر تروح لغيرك علشان طفلكم
إرم : نور امنعي بقرتك ذي لا عاد تتابع مسلسلات هنديه
نور : حدكم الا حبيبتي
لتين : صار لها ساعه تتكلم عنا ولا سكتيها
نور : بكيفها تقول الي تبي
نازك : ترا وخالقك ما اتحمل لطفاتك ببلعك
إرم : استغفر الله ذول كم صار لهم سنه انتو شلون باقي في البدايات كذا
نازك : اعوذ بالله من شر حاسد اذا حسد
نور : يمه حبي بتحسدنا
إرم : لتيني قومي خل نزور اسيل رجعت من سفرتها بلاها نجلس مع ذول يسدون النفس
نازك : ايي خل نروح لها
لتين : احس خلوها ترتاح شوي بعدها بنجيها
نازك : هي في الشركه رجعت امس الليل نامت و اليوم داومت
نور : كيف عرفتي
نازك : بقولكم بس لا تفهمون غلط و لا تقولون لها
إرم : وش مسويه ؟!
نازك : ابد بس حطيت وحده من الي يشتغلون عندي تراقبها و تعطيني كل اخبارها
نور :خير ليش كذا
نازك : اعرف بتشوفون تصرفي غلط بس نحتاج نتطمن عليها كلنا نعرف ان حالتها النفسيه مو كويسه و انها تبين لنا عكس الي تحس فيه و خصوصا انها قررت تستقل بعيد عن راكان لو كانت باقي عنده في بيته كان تطمنت انها كويسه بس كذا في بيت لوحدها ما ارتحت
إرم : زين سويتي
لتين : مرا حزنانه على حالتها
إرم :كلنا حزنانين عليها بس ما بيدنا شي و ان شاءالله فتره و تنسى 
نور : بس صار لنا سنين وهي باقي ما نست
إرم : بيجي اليوم الي بتنسى فيه ما عليكم
لتين وهي تتنهد على حالة اسيل : ما اضن

بارت خفيف لطيف و مبدئي لروايه لحد الحين ما خططت عدل لاحداثها ما اعرف كم بارت بتكون ولا كيف بتكون النهايه بس ان شاءالله انها بتعجبكم ..