انمار

8p

ارسلت اسيل لنازك تطلب منها تتفرغ لها لانها تحتاجها

خلص يومهم و ودعت اسيل انمار بحضن سريع ما كان زي ما يتمنون بس كان افضل من لا شيء
بعدت عنها وهي تصافحها و مبتسمه لها
و قبل تشيل يدها قرصت انمار قرصه خفيفه شوي على ظهر يدها
ناظرتها انمار باستغراب و نكران لحركتها : ليه !؟
اسيل : لاني حلفت مجرد اشوفك بضربك بس حاليا ذا الي طلع معي
انمار بفرح : اضربي يا بعد عيوني اذا ضربك بيريح خاطرك ف مسموح لك
اسيل : بنتفاهم بعدين

ابتسمت لها انمار وهي مو مستوعبه شي و خصوصا تقلب اسلوب اسيل كل شوي

طلعت اسيل لسيارتها و ارسلت لرئيس
: سيارة عبدالرحمن اتبعوها و خلوكم مراقبينهم و مراقبين كل تحركاتهم و لا تسون اي شي الين تجيكم الاوامر
الرئيس : تمام طال عمرك الخبر وصل لرجال و بيلتزمون باي امر تفرضينن

شغلت اسيل سيارتها وهي تراقب سيارة عبدالرحمن و كيف ان حبيبتها تبتعد عنها للمرا الثانيه
كانت تتامل السياره و ابتعادها عنها الين اختفت عن نظرها
تنهدت و شغلت سيارتها و قبل تحرك انفتح باب سيارتها
اسيل : هلا بشاير صاير شي ؟
بشاير : لاطال عمرك بس ممكن طلب اذا ما عندك مانع
اسيل : تفضلي قولي
بشاير : عادي توصليني معك لبيتي لان صحبتي الي جيت معها جاها امر طارئ و راحت و اغلب الي معنا رفضو و الي راح قبل اجيه

كانت اسيل بترفض لانها مستعجله وتبي تروح لمستودعها بس احزنها شكل بشاير و خصوصا انهم بالليل و خافت يصير لها شي
اسيل : اركبي و ارسلي موقعك
بشاير : شكرا
ارسلت لها الموقع و ضلت ساكته اغلب الطريق
بشاير : ممكن اقول شي
اسيل : وصلنا خليها بعيدن مستعجله انا
بشاير : تمام شكرا مرا ثانيه و اسفه اني اخرتك
نزلت و اسيل حركت على طول كانت تعرف وش بشاير تبي و تعرف ان بشاير كانت تبي تعرض عليها انها تصير حبيبتنا للمرا المليون
اتجهت لمستودعها على طول و حصلت نازك قدامها و على طول حضنتها
ضلت تبكي من يومها المتعب
نازك بخوف : بسم لله عليك وش فيك وش صاير
بعدت اسيل بعد وقت و مسحت عيونها و بعد ما هدت شوي تكلمت
اسيل : شفتها اليوم
نازك بصدمه : شفتي مين ؟!
كانت تعرف انها تقصد انمار بس حاولت تنكر لان مستحيل انمار تطلع فجاءه كذا و ليش هي مو مع اسيل
اسيل : انمار مين غيرها يعني
نازك : كيف متى شفتيها و وين
اسيل : جات مع شايب يقال انه زوجها
نازك بصدمه اكبر : نعم وش تقولين انتي متاكده ؟
اسيل : اليوم جات للاجتماع مع زوجها و ضلت مقابلتني لاربع ساعات متواصله

نازك : تكلمي من البدايه وش صار و كيف

اسيل : مو وقته خلينا الحين نخطط لكيف بنطلعها من الي هي فيه
نازك : بس اذا هي متزوجه بجد ف ما نقدر نسوي شي او نتدخل مالنا حق
اسيل : لا مو برضاها متاكده من اسلوب زوجها الزق و من الورده الي اعطتني
نازك باستنكار : الورده ؟!
اسيل : ايوه اعطتني توليب و التوليب له رمز بينا وهو الحب
اعطتني اياها بمقصد انها باقي تحبني
نازك : اسيل حبيبتي يمكن لانك تعبانه من يومك توهم لك ذا الشي
اسيل : لا ما اتوهم و الورده في السياره لو تبين اوريك
نازط : لا ما اقصد كذا اقصد عن معناها
اسيل : لا ما عليك معناها مستحيل انساه ولا اغلط فيه
نازك : طيب وش بنسوي
اسيل : نبي نهربها نبي نخطفها و اخليها عندي ابي احررها من الي هي فيه و ارجعها عندي ؛ قد ارسلت رجال يراقبون المكان و ناديتك حتى نحط خطه محكمه
بس بشرط محد يدري ما ابي احد يدري حتى إرم لا تدري
نازك : بس ممكن نحتاج مساعده
اسيل : اعرف كثير بيساعدونا بس اهم شي محد يتدخل غير الي بحطهم