New Story Stage

ආයුබෝවන්! 

මේ Active Creators ඔබ වෙත ගෙන එන දෙවන ව්‍යාපෘතියයි. අපගේ සම්මුඛ සාකච්ඡා සම්බන්ධ වැඩ කටයුතු නොකඩවා සිදු කරගෙන යන අතර වාරයේදී අපට වැටහුණු කරුණු කිහිපයක් සම්බන්ධව ඔබව දැනුවත් කරමින් මේ ව්‍යාපෘතිය ආරම්භ කිරීමට අප සිතා ගත්තා. 

New Story Stage... ඇත්තෙන්ම Wattpad හරහා පොත් රචනා වීම ආරම්භ වුයේ මීට වසර ගණනාවකට පෙර වුනත් ශ්‍රී ලංකාවේ අපට ඒ අත්දැකීම වඩාත් සමීපව දැනෙන්න පටන් ගත්තේ 2021 වසරේ පටන් බව ඔබ දන්නවා ඇති. 

2019, 2020, 2021 වසර තුන තුළදී Wattpad තුල GXB පොත් වඩාත් ජනප්‍රිය වුණා වගේම දැඩි තරඟයක් තිබුණෙත් නැහැ. එයට හේතුව නම් ආරම්භක කාලයේදී නිර්මාණය වුන පොත් ප්‍රමාණය අදට සාපේක්ෂව අඩු ප්‍රමාණයක් වීමයි. එම හේතුව නිසා එකල ලියවුණු පොත් කියවීම සඳහා රසික පිරිස එකතු වීම අදට වඩා යම්කිසි තාක් ඉහල තැනක පැවතුනා. 

නමුත් දැන්... අප 2022 සහ ගෙවුණු 2023 වසර ගත් කල විශාල ප්‍රමාණයක් අලුත් පොත් ප්‍රකාශයට පත් වුණා. ඒ අනුව කෙමෙන් කෙමෙන් රසික පිරිස එක්රැස් කරගැනීම කලින්ට වඩා අපහසු වුණා සේම තවත් කාණ්ඩයන් වලින් ලියවුණු පොත් වැඩි ප්‍රමාණයක් රචනා වීම නිසා GXB රචකයන් සහ ඔවුන්ගේ පොත් මුළු ගැන්වීම සිදු වුණා. මෙයින් වඩාත්ම බලපෑමක් එල්ල වුනේ නව GXB රචකයන්ට. 

රසික පිරිස අඩු වීමේදී රචකයන් වෙනත් කාණ්ඩයන් වල රචනයට පෙලඹීම, නව රචකයන් සහ රසිකයන් GXB කතා වලට අවම අවධානයක් දැක්වීම නිසා අද වනවිට එය ටිකක් අභාවයට ගිහින්. නමුත් Wattpad ආරම්භයේදී ඔබ සියලු දෙනා එක්වරක් හෝ කියවන්නට ඇති GXB පොත් සහ එම රචකයන් ඉවත් වීමට ඉඩ දිය නොහැකියි.

මේ වනවිට GXB ආරම්භක රචකයන් බොහෝ දෙනෙක් Wattpad අත්හැර ගිහින්. ඒ වගේම අලුතින් GXB රචනා කිරීමට පැමිණෙන රචකයන් පවා ගිණුම් අතහැර දමා යාමට පටන් ගෙන ඇති බව කණගාටුවෙන් වුනත් පවසන්නට සිදු වෙනවා. මෙයට හේතුව සහ අපට ඇති විසඳුම් ගැන යම්තාක් දුරකට කතා කල හැකි වේයැයි අප සිතමු.

ඔබ දන්නා පරිදි මුල් කාලයේදී bl සහ ඒ සම්බන්ධ කෘති උදෙසා කතා කිරීමට බොහෝ දෙනෙක් පෙනී සිටියා. ඒ හේතු නිසා මේ වනවිට එම කෘතීන් සඳහා ජනප්‍රියතාවයක් සහ වැඩි ප්‍රේක්ෂක පිරිසක් අවධානය දක්වා තිබෙනවා. නමුත් දැන් තත්වය අනුව අපට ප්‍රවර්ධනය කිරීමට සිදුව ඇත්තේ GXB, Brotherhood වැනි සාමාන්‍ය කෘතීන්. මුල් කාලීනව ඒ පොත් වෙනුවෙන් පෙනී සිටි ඔබට අපගේ මේ ව්‍යාපෘතිය සඳහා සහයෝගය දැක්වීමට නොහැකි වේ යැයි අප නොසිතමු. එසේම... අප ඒ කෘති සඳහා විරෝධය දැක්වීමක් සිදු කරන බව සිතන්නේ නම් වහාම ඒ අදහස අතහැර ගන්න. ඔබ පෙර කලා සේම අපද දැන් කරන්නේ වැළලී යාමට නියමිත පොත් කාණ්ඩයක් ඉදිරියට ගෙන ඒමට උත්සාහ කිරීම පමණයි.