"ඒහ් යුරා ආං උබටයි සදෙව්මියටයි විනය භාර සර්ගේ රූම් එකට එන්න කිව්වා"
අපි සෙට් එක හිටියෙ පන්තියට වෙලා කයියක් දාගෙන ..එ අතරෙදි තමා පන්තියෙ කොල්ලෙක් ඇවිත් විනය භාර එන්න කිව්වයි කිව්වේ ..හදිස්සියේ එහෙම එන්න කියන්නෙ මොකක් හරි බාල්දියක් තමයි කියලා කෞරුත් නොදන්න කරුනක් නෙවෙයි ..මොකද විනය භාර එහෙම ලේසියකට කාටවත් එන්න කියන්නෙ නැ . ඌ එහෙම කියද්දි අපෙ උන් ටික මූනට මූන බලාගත්තෙ ඒ පාර මොන මගුලක්ද අහන්න වගේ ..
එදා වොශ් රූම් එකේ සිද්දියෙන් පස්සේ දවස් දෙකක් ගෙවිලා ගියා . සදෙව්මියයි මමයි එකට කතා කර කර ඉන්නවා දැක්කත් ඇති පිලිම සංස්තාවෙ උන් ඔරවගෙනමයි . මේ දවස් ටිකේම අපි යන යන තැන උන් හිටියා . වෙලාවකට මට හිතුනා උන් අපිව ෆලෝ කරනවදත් කියලා . මේ දවස් දෙකට අපිට 13 උන් ටිකවයි උන්ට අපි ටිකවයි නයාට අදු කොල වගේ උනා . දැක්ක තැන ඇගේ හැප්පෙන්නයි , නෝන්ඩි කරන්නයි , පුප්පගන්නයි හරියටම හේතුවක් අපි සෙට් එකෙ කෞරුත් දැන ගෙන උන්නෙ නෑ . එහෙමයි කියලා උන් ගේමට එනවනම් අපි සිල් අරන් හරියන්නෙ නැති නිසා උබලා එහෙමනම් අපිත් එහෙමයි තියරියෙ තමයි අපිත් ඉදියේ . වෙලාවකට මට හිතුනා මුන් ගේමට එන්නේ සදෙව්මිගෙ සීන් එකටද කියලා . වෙන්න බැරිත් නැ ..මොකද එදා හෙඩා මූනටම කිව්වානෙ අරකිගෙන් ඈත් වෙලා ඉන්නෙයි කියලා . ඕකෙන් මේකෙන් අන්තිමට උන් සෙට් එකට අපිවයි අපි සෙට් එකට උන්වයි රුස්සන්නෙම නැති උනා .
"ඒ , ඒ පාර උබ මොන මගුලක් කලාටද විනය භාර එන්න කියන්නෙ"
"ගිහින්ම තමයි බන් බලන්න වෙන්නෙ . මතක විදිහටනම් මුකුත් කලේ නෑ හැබැයි"
"උබයි මේකියි පලයන් , අපි ටිකක් ඈතින් එන්නම් ඇ"
"හ්ම්ම් හ්ම්ම් බලමුකො . ඒ සදෙව්මියා වරෙන් යන්න"
අරුන් ටිකත් එක්කත් කතා කරලා මායි අරකියි විනය භාරගෙ රූම් එක කිට්ටුවට ආවා . රූම් එකේ දොර ගාවට යද්දි තමා දැක්කේ අරුන් සෙට් එක ඒකෙ ඇතුලෙ කියලා . මායි අරකියි මූනට මූන බලාගත්තෙ වෙන දේ හිතා ගන්න බැරිව . මන් හිතන්නෙ අරුන් අපිව දැක්කද කොහෙද . අපි දෙන්නව දැක්ක ගමන් හෙඩා කට කොනකින් හිනා උනේ මොකක් හරි සුනක වැඩක් කරලයි කියලා මට ඉවෙන් වගේ තේරුනා .
