"සුදූ !!!"
අක්කා කෑ ගහපු පාරට මං බැලුවෙ එයාට මොනව වෙලාද කියලා . එයාගෙ මූණ දැකපු මට නම් පෙනුනෙ කේන්තියක්දෝ මන්දා .
වාස් එක අතේ තියාගෙනම වාස් පාර කාපු එකා දිහා මන් බැලුවෙත් ඌ මන් දිහාවට හැරුනෙත් අක්කා මන් ලගට ආවෙත් එක පාරමයි .
"සුදූ මොකක්ද ඒ කරපු වැඩේ . ඔයා දන්නවද ඔයා මොකක්ද ඒ කලේ කියලා ?"
අක්කා කියල කට ගන්න හම්බුනේ නෑ කාමරේ දොර රෙද්ද ඈත් කරගෙන කාමරේට කව්දෝ මන්ද කඩා බිදගෙන ආවා කියලා මට තේරුනා . මට එ පැත්ත හැරිලා බලන්න කල්පනාවක් උනේ නැත්තේ මම ඒ වෙලාවෙත් බලන් හිටියෙ අක්කා දිහා නිසා.
ලාවට වගෙ ඇස් කොනෙන් මන් දැක්කා සුදු ශර්ට් එකේ කොලර් එක හරියෙන් ලේ පැල්ලම් ගලාගෙන යන කොටත් කොල්ලෙක් මන් දිහා කේන්තියෙන් බලන් ඉන්නවා . උගේ කේන්තියත් එක්කම ඒ මූණේ තිබුණේ මේ වගේ වෙලාවක මේ වගේ දෙයක් බලාපොරොත්තු නොව්න පෙනුමක් ..
ඔව් ඉතිං කොහොම බලාපොරොත්තු වෙන්නද මොකෝ උට අනාගතේ පේනවදැයි ..
කල්පනාවෙ ඉන්න අතරෙ මන් හරි සිහියට ආවේ මගෙ බෙල්ල පිටි පස්සෙන් මොකෙක් හරි තදට අල්ලගත්ත නිසා . හරියකට නිකන් දඩු අඩුවකට අහු උනා වගේ . ඒ අත අතෑරගන්න ට්රයි කරන ගමන් මන් එ පැත්ත හැරුනේ මොන බල්ලටද මගෙ බෙල්ල ගලවන්න ඕනෙ වෙලා තියෙන්නෙ කියලා හිත හිත .
ඒ පැත්ත හැරුන ගමන් මන් දැක්කේ ගිනි පිටවෙන ඇස් දෙහෙකින් මගෙ අතේ තිබ්බ වාස් එක දිහා බලන් හිටපු හයේ හතරෙ පොරක් .
"මොන මගුලක්ද අයිසේ කරන්නෙ . අත ඇරපන් මගෙ බෙල්ල"
මං එහෙම කියනවත් එක්කම වාස් එක පැත්තට තිබ්බ උගෙ ඇස් කෙලින්ම ඇවිත් වැටුනෙ මගෙ මූණට.
බුදාම්මෝ ගරා යකෙක් !!!
ඕන්නම් තප්පරයක් දෙකක් යන්නැති ..ඒ එක්කම මගෙ කන හරහා කීං ගාලා සද්දයක් ආවෙත් අරූගෙ අත මගෙ කම්බුලේ රැදුනෙත් එකටමයි . එතකොටම වගේ අක්කා ඇවිත් මාව කවර් කර ගත්තා .
එ මොන මගුලක්ද ඒ උනේ . යකෝ ඌ මට ගහන්න මං මොන ලබ්බක් කරාටද ඌට . යකෝ මේක හරි කෙලියක් උනානෙ . ඔන්න ඉතිම් මගෙ මාරයා ඇවිස්සෙන්නයි යන්නෙ ඉතින් .
