ඌ මගෙ ප්රශ්නෙටත් උත්තර දීලා මාවත් අත අරින්නෙ නැතුව අපේ ගෙවල් පාරට හැරෙද්දි මට අමුත්තක් දැනුනෙ ඈතින් පේන අපේ ගෙදර මිනිස්සු රැස් වෙලා ඉන්නව පෙනෙද්දි . මන් යුදී අයියා දිහා බලද්දි ඌත් ඇස් හීනි කරන් බලන් හිටියේ ඒ දිහා වෙද්දි ටික ටික ඉස්සරහට යද්දි මගෙ ඇස් දෙකට දැක්කේ ගෙදරට මෙහා ලයිට් කනුවේ එල්ලලා තිබ්බ දෙයක් .
ඒක සුදු කොඩියක්!
------------------------------------------------------------------------
එල්ලලා තිබ්බ සුදු කොඩිය දැක්ක මගෙ හිත ටිකක් හෙල්ලුනත් මන් ඒ බය යටපත් කරගත්තෙම නපුරු දෙයක් වෙලා නැතුව ඇති කියලා . උදේ ඉස්කෝලේ ගිහින් එන ටිකට එහෙම මුකුත් වෙන්න බැහැනෙ . ගේ දිහා බලාගෙන එක තැනක නතර වෙලා කල්පනා කර කර හිටපු මම ආයෙත් සිහියට ආවේ මගේ ඉනේ තිබ්බ යුදී අයියගේ අතේ ග්රහණය ටිකක් වැඩි වෙද්දි . මන් එහෙම්මම අයියා දිහා බැලුවම එයාගෙ ඇස් දෙක තිබුනේ මගෙ මූණේ වෙද්දි එයාම එයාගෙ හඩ අවදි කලා .
"මුකුත් නොහිතා යමූ ..ම්ම් ..මම ඉන්නවනෙ"..
අයියා එහෙම කියලා මාව වත්තම් කරගෙන ඉස්සරහට යන්න යද්දි එයා කිව්ව දේට මුකුත් නොකියා මාත් එයත් එක්කම ඉස්සරහට ඇදුනෙ ඒ වෙනකොටත් මගෙ හිත ගොඩක් කලබල වෙලා තිබුන නිසා . ටිකෙන් ටික ගෙදරට ලන් වෙද්දි මිදුලෙ ගහලා තිබුන හට් දෙක , ඇවිල්ලා හිටිය නෑදෑයො ගෙවල් ලග මිනිස්සු දකිද්දි හිත අස්සක හංගගත්ත බය වතුර යට හංගපු රබර් බෝලයක් වගේ උඩට මතු උනේ මන් යුදී අයියගේ අත මගෙ අතින් මිරික ගද්දි . මොකද ඒ වෙනකොටත් මන් දැනගෙන හිටියා මොකක් උනත් වෙන්න ඕනෙ නැතිම දෙයක් වෙලා තියෙන විත්තිය .
අපි ගෙදර වැට කඩුල්ල පැනලා ඉස්සරහට යද්දි සුදු අක්කා ගෙයි ඉදන් එලියට ඇවිත් අපි එන පැත්තට ඉක්මනට ඉක්මනට ආවා . ආව ගමන් මාව ඒ පපුවට තුරුල් කරගත්තෙ වෙච්ච දෙයක් හිතාගන්න බැරුව මන් අක්කගේ ටී ශර්ට් අත මගෙ අතට මිරික ගනිද්දි .
"සුදූ මල්ලි , මගෙ රත්තරං"
අක්කා මාව අයින් කරන්න හැදුවත් මන් අක්කව තද කරලා බදාගෙනම හිටියෙ වෙලා තියෙන්නෙ මොක උනත් මට ඒ දේ අහන්න ඕනෙ නැති නිසා . ඒ එක්කම අක්කගෙ බෝයිෆ්රෙන්ඩ් විමුක්ති අයියා අපි තුන් දෙනා ලගට ආවේ යුදී අයියා එයත් එක්ක කතා කරද්දි .
