يوم الجمعه ، يجهزون بيتهم لجيت عمامهم
ام سعود تنادي لينا : ليناا يا ليناا وينك
نزلت لينا وهي تركض : سمي يمه هاذا انا جايه
رهف ضحكت: شوي شوي وانتي تنزلين لا تطحين
لينا : ما قومتيني بدري تحملي الركض والقلق
رهف : اي قلق يا بنت الناس ترا الب جاين عماتي وعماني
ابو سعود دخل : السلام عليكم
الكل : وعليكم السلام
وكملت رهف : يبه اجيب العود ولا؟؟
ابو سعود : لا شوي اذا وصل اخوك عبدالله
رهف : تمام (ورجعت تكمل شغلها مع امها )
لينا دخلت المطبخ وجلست فوق الطاوله : يمه قولي ان عمي فهد مراح يجي
رهف لفت عليها بيئس: للاسف اول الحاضرين
ام سعود : ابي افهم انتم ليه تكرهونهم
رهف : يمه متخليه انها مدخلتن بسالفه مادري وش هي
ام سعود : وش سالفته؟
لينا : مدري عنها ذي هناء تقول ان رهف تحب سلطان وبعدين من زينه عاد عشان تحبه !
ام سعود : استغفري لا تحشين في الاوادم
سكتت لينا وقامت تشتغل معهم
_______ بيت ابو سلطان
طلعت ام سلطان لغرفة نوره بتشوف اذا جهزت ولا لا دخلت عليها وهي تلبس عبايتها : ايه خليك كذا دايم ، اسمعي انا احذرك من الحين لو تمشكلتي مع هناء يا ويلك وياشر ليلك فاهمه؟!
نوره : طبعا معليك
ام سلطان : اشوف
وطلعو لزيد وسلطان الي ينتظرونهم وتجهو لبيت ابو سعود
__________<بيت ابو مشاري >
ابو مشاري وام مشاري راحو قبلهم
مشاري : رفيف ما صارت وينك؟؟
رفيف : هاذا انا جايه
طلعت رفيف : قلت لك دقيقه وانزل
مشاري : اي مشاءالله الدقيقه صارت ربع ساعه ، اخلصي امي وابوي قدهم و وصلو
نزلت رفيف وتجهو لبيت ابو سعود
________<بيت ابو هناء>
هناء: زي ما قلت لك اذا شفتي سعود سوي اي شي يلفت انتباهه
جمليه: طبعا والله ومالت على حظي ابي سعود وهو يبي رفيف
ابو هناء دخل عليهم: يلا تاخرنا والسبب انتم يلا بسرعه
نزلو متجهين لبيت ابو سعود
_______ بيت ابو سعود
وصل عبدالله قبل الكل وسلم عليهم وما أمداهم يجلسون الا على جية ام سلطان ونوره ، واما عبدالله سلم على عمته وطلع للعيال ، ورهف راحت تحضن نوره وقالت: خير يانوير ليش الجمعه الي راحت ما جيتي
نوره : احمدي ربك مدري وش الي جاني وقتها والحمدلله عدت على خير
جلسو بعد السلام والاطمئان على الاحوال
دخلت ام مشاري و وراها ام هناء ، بعد السلام جلسوا في غرفة رهف
رفيف: غريبه غزيل ما جت
رهف: اي حتى اهلها مراح يجون بس يلا
لينا : والله قهر كان بخاطري اقلب الجمعه مصارعه
رهف : اهجدي يابنت الناس نسيتي وش قالت امي
لينا : ياخي وع وع يقهرون
رفيف : بهاذي اوقف مع لينا
نوره : بروح اجيب لي مويه فيه احد يبي؟
رفيف: لا روحي
راحت نوره وكانت جميله قريبه من الباب الخلفي الي يجون منه العيال وقفت لدقايق تناظرها وهي تراسل احد تقدمت نوره وسحبت جوابها : تسوين فضايح لنفسك وبعدها تحطينها فينا؟
ضحكت بستهزاء: اجل سعودي اجل ، مريضه
وعطتها جوالها ونوره من القهر نست انها عطشانه وطلعت للبنات وهي متضايقه من جميله
رفيف :غريبه وش فيك معصبه من مزعلك؟
نوره كان ودها تسكت بس ماقدرت: مقهوره مقهوره من ذي الي اسمها جميلة متخيلين انها واقفه عند الباب الخلفي الي يجون من العيال!!؟
رهف : بطقاق بس
لينا : لو امي نا هاوشتني كان وريتها شغلها
رفيف : يولي شفيكم عليها؟
نوره: اسكتي يا العاطفيه انتي ما اكون نوره اذا ما كانت هي الي خلت عمي يرفض سعود
رهف عقدت حواجبها: ومشاءالله كيف ربطتي المواضيع؟؟
لينا: ربط المواضيع عندك يا نوره قوي جدا!
رفيف: اخلصي قولي وش الموضوع الي ربطتيه؟
نوره: مو هي تحب سعود؟
الكل: اي!
نوره : وهي امها ذي الفاره يحاولون في عمي عبدالرحمن انه ما يزوجه الا جميله؟
رهف عدلت جلستها: كيف يعني كيف؟؟ وبعدين عمتي طيف وش دخلها؟؟
نوره : اغبياء انتو!! جميله عندها رقم عمي عبدالرحمن تقدر تكلمه وترسل له الف رساله!
رفيف : وكيف دريتي
نوره : ما قلت لكم يوم اني شفت جميله عند الباب شفتها ترسل لاحد ويوم سحبت الجوال شفت انها تكلم عمي وتطلع فضايح وكلام عن رفيف عشان عمي ما يرجع يخطبها لسعود!!
رفيف: وجع وجع هـ الفاره !
لينا: مالومهم يوم ينادونك دباب الحاره
ضحكت رهف: معليكم دام الموضوع كذا خلوها علي
رفيف ضحكت: ها وش بتسوين يا جامعة الاحباب ؟ رفيف ضحكت: وش بتسوين يا جامعة الاحباب!؟
رهف : خلاص قلت لكم خلوها علي ، اقول امشو نروح نسوي لنا قهوه ونروق شوي واذلفو سالفه الفاره ذي
نزلو للمطبخ وهم يضحكون والسوالف تجي وتروح
__________عند العيال
سعود يصب لهم القهوه وبعد ما خلص جلس جنب سلطان وقاله: امش الحوش بش انكتمت هنا
سلطان لف عليه: متاكد بس الحوش ولا بتهج؟
سعود ضحك: لا لا معليك بس الحوش ناد العيال نسوي لنا جلسه ونشب النار احسن من سواليف العقار الي ما تخلص
سلطان: تمام يلا رح جهز لنا جلسه على بال ما اقولهم
سعود طلع للحوش وجهز الجلسه وقعد ينتظرهم لين ما اجتمعو في الجلسه
مشاري : الحمدلله اول مره نطلع للحوش ( واشر على سعود وسلطان) بدون لا يهجون الداجين
سلطان: تسمع يا سعيد صرنا داجين
عبدالله: احسن وافضل بعد
سعود : ايه ماعليه لو ما لقمت هاوش الصبح كان هجيت قبل لا تجون حتى
زيد: ايه عادي عادي تصير تصير
ناصر: غريبه ما جات عمتي مها؟
مشاري همس لناصر : ايه اصلا ما تشوف الاخ عبود مو طايقنا
سلطان سمعهم : مشاء الله يا النمام انت وياه
ضحك مشاري وهمس لهم: دامك سمعت استر على ما واجهت
سلطان : ايه يصير خير
زيد: سعود قم سو لنا شاهي ولا قل بحد من البنات يسون لنا
سعود : تمام( وفتح جواله يقول لرهف"سوي لنا شاهي واذا خلصتي قولي لي " وقفل جواله)
_________المطبخ ، عند البنات
رهف شافت رسالة سعود وقامت تسوي له شاهي والبنات يسون القهوه لهم
رفيف: رهف لمن تسوين الشاهي؟؟
رهف: توه سعود مكلمني يبون شاهي هو والعيال
نوره: بنات مع القهوه تحطون سكر ولا؟؟
لينا جاتها : لا يا الرفله
نوره: اجل وشو الي يحطونه الابيض ذاك؟
لينا؛ هذاك مخلط قهوه يا غبيه انا اصغر منك واعرف ؟!
نوره: شرايك تكرمينا في سكوتك؟؟
ضحكت رفيف: تتخطين يانوري
رهف: اقول انتي وياها انتبهو لشاهي انا بشوف القهوه وجيهكم مو وجيه قهوه
نوره : افضل لي اصلا ماعرف للقهوه
رفيف: لينا وش صار لك مع الجامعه
لينا : لا تكفون لا تذكروني عندي فاينل ولا ذاكرت
رفيف : اوف متى ذا؟
لينا: يوم الاحد اخخ يارب يسهل بس
ضحكو البنات عليها ونوره ورهف ماسكينهم طقطقه
________
"انتهى البارت"
نصدمكم شوي في بداية البارتات لكن صدقوني القادم مذهل
رجعت نشرته لان في البعض مو طالع له
YOU ARE READING
اي والله انك رهيف السلطان تركتي سلطانك بدون قلبه
Mystery / Thrillerروايتي الاولى سلطان بطلنا الي يحسب الحياه ضحك ومزح لين ما طاح على وجهه وحب وحده من بنات عمه ولا يدري انها حُب طفولته وعرف وش معنى الحب ولكنه يكابر ومن مكابرته الزايده حست رهف بطلتنا انه ما يبيها وقبلت بأول من خطبها ولا تدري عن الي صار في المجلس ال...
