اي والله انك رهيف السلطان تركتي سلطانك بدون قلبه

4

يوم الاثنين - اليوم المنتظر  ( 9:15 الصباح )
بيت ابو سعود
ابو سعود بصراخ : اخلصو علينا لا تناخر على الحجز!
نزلت لينا : يبه تأخرنا وسبب رهف
رهف كانت مع سعود تركب العفش لان تدري ان سعود بيحط عشوائي ، دخلت رهف على كلام لينا : نعمم!! ومن الي ساعه اقوم فيها يـ..
ابو سعود : خير انشاءالله مافي احترام لـ ابوك لا انتي ولا هي؟؟؟
بسرعه اركبو السياره ولا اشوف واحد ينطق بحرف
رهف : بروح مع سعود
طلعو الكل
سعود ورهف بسياره ، وابو سعود وام سعود ولينا بسياره ، اما عبدالله غزيل يطلعون من بيتهم كلعاده
__________بيت ام سلطان
ام سلطان : زيد وينه بسرعه ابيه ياخد الاغراض الي في المطبخ
نوره : مدري الحين اشوف وينه
ام سلطان: قومي سلطان من امس وهو نايم
نوره طلعت تصحي سلطان وزيد نزل ل امه وشال الاغراض ، نزلت نوره بيأس : يمه سلطان يقول يجي بليل ما يبي يجي الحين
ام سلطان : الله يهديه من ولد ، يلا يلا تأخرنا
________بيت ابو مشاري
كانت الاوضاع عندهم تمام لين ما ابتلشو مع اختبار رفيف
ابو مشاري : وش الدبره الحين
رفيف : عادي نزلوني للجامعه ومشاري اذا خلصت جاني
ام مشاري زين يلا خلونا نمشي
_______
اما بيت ام فيصل وبيت ابو هناء كانت الاوضاع مستقره
______الشاليه
وصلو ابو سعود واهله وبتدريج وصلو الكل لشاليه
----------___قسم الحريم - غرفه البنات 
البنات اتفقو انهم يتجهزون في الشاليه ولكن انصدمو من رفيف
رهف : غريبه ما اختبرت امس مع لينا
لينا: ترا في فرق انا بكليه وهي بكليه
نوره: تقول بتجي على الساعه ١٢ خلونا ننتظرها
عهود : اقول بس تراني جوعانه خلونا نطلب لنا اكل واذا وصلت رفيف نطلب قهوه
رهف : غزيل متى بتجي
دخلت  غزيل : سمعت اسمي
نوره. اهلين، ليش متاخره
غزيل: كله من عبدالله مو راضي يقوم
نوره ضحكت: نفس الحال مع سلطان مو راضي يقوم ابد
رهف : عهود طلبتي اكل ؟
عهود : الحين اطلب وش تبون
رهف : اي شي
عهود طلبت لهم اكل وقعدو يسولفون والشي الوحيد الي مخلي رهف تستانس ان هناء واختها رفضو يقعدوا معهم
نوره : ايهه نسيت اعلمكم يا بنات
رهف؛ وشو
نوره : قفطت رقمها الي كانت تكلم فيه ابو سعود
غزيل: كذابه
نوره : والله وبكلم عمي اليوم قبل بكره
رهف : كفو كفو
نوره : الا صدق رهوف علمتي سعود عن اخر سالفه
رهف عقدت حواجبها : اي سالفه
نوره : شفيك يوم اننا نكشفها تكلم عمي
رهف ضرب جبهتها : يوهه لا خلاص دامك بتكلمين ابوي اكلم سعود
نوره؛ قومي كلميه الحين
عهود : لا لا وين الحين اصبرو ترا تونا نوصل
نوره : الا وين لينا
نوره : يولي لا يكون تهاوشت مع السبايك الي هناك
طلعو كلهم يدورون لينا
لقو لينا نايمه في الصاله ضحكو عليها وسمعتهم ام مشاري
ام مشاري : بدال ذا الضحك حطوها في الغرفه
رهف : عميمه لينا ان نامت ما قامت
ام مشاري: دامها نايمه غطوها
راحت رهف تجيب لها غطاء وغطتها ورجعو البنات الغرفه
.
.
قسم الرجال - جهة العيال
سعود يتحلطم لان سلطان ما جاء
مشاري ضحك : يخوي قم تحلطم هناك
زيد : اهجد بس بيجي العصر مدري الظهر واذا ما جاء رح جبه انت
سعود قام : مالت عليكم بروح ارقد افضل من مقابل وجيهكم
عبدالله: رح رح نومة الكهف
راح سعود يكمل نومته
فيصل : سعود اذا ما جاء سلطان يموت؟؟
عبدالله : شرايك يعني من يوم ما انولدو وهم مع بعض
ناصر : لو ما جاء سلطان وش بيسوي؟
زيد : بيسحب على خشتك انت وياه ويروح الاستراحه يتهاوش مع مطلق ويرجع
مشاري : ما ارحم غير مطلق يطلعون حرتهم فيه
ضحكو العيال وكملو سواليفهم ويطقطقون على سعود
.
.
الجامعه ، عند رفيف
( 12:33)
انتهت من الاختبار وقعدت قريب من الباب الرئيسي تنتظر مشاري يوصل وصل مشاري بعد مدة انتظار .
ركبت رفيف وهي ناويه تهاوشه : خير وش التاخير ذا!!
مشاري: احمدي ربك بغيت اسحب عليك واخلي سعود يجيك
رفيف همست: ابرك من خشتك
مشاري ضرب كتفها بخفه: اسمع ترا
ضحكت رفيف ومشو لشاليه
.
غرفه البنات
وصلت رفيف ورهف كانت تنتظرها عشان تقولها كل شي صار
نوره : اخيرا جيتي
رفيف نزلت عبايتها : وش اسوي ياخي كله من الدكتوره الخايسه واصلا ذا اخر اختبار لي وحفل التخرج بيكون الأحد
رهف  جلست فوق السرير : تعالي بس خليني اقولك
رفيف جلست جنبها : وشو
نوره جات : شوفي لو سويتي الي قلنا لك عليه بيصير خطبتك قبل حفل تخرجك
رفيف : خطبتي من مين انشاء الله؟
رهف : مجنونه انتي ، خطبتك من سعود
رفيف : متى اليوم؟
عهود. رمت عليها المخده : سوي الي يقولون لك وتصير خطبتك اليله
رفيف : تمام ، بس وش السالفه
نوره قالت لها كل شي  : فهمتي الحين؟
رفيف : حلوو يعني يارهف قومي كلمي اخوك الحين
رهف غمزت : تبين تشوفينه ولا عشان بس السالفه؟
رفيف ضحكت وضرب كتف رهف بخفه: اوص يا الخايسه وقومي كليمه بسرعه
قامت رهف ودقت عليه ولحسن حظها انه كان صاحي
سعود : شتبين
رهف ؛ اخلص موضوع يخص زواجك تلقاني عند المواقف الخلفيه
طلع سعود وهو مستغرب وش جاب الطاري : ها وش الموضوع
رهف : نوره لقت رقم جميله الشخص الي كان يكلم ابوي ويطلع الف عيب برفيف وزي الي يصير لرفيف قاعد يصير لك ونوره بتكلم ابوي واذا كلمته بقولك عشان تخطب رفيف اليوم قبل بكرا بس سوو نفسك ما تدري ابد ، فهمت!
سعود : اعوذ بالله شوي وتطلعين موقعي بظبط ، تمام بس اجلوها بكرا ما يمدي اليوم
رهف : اليوم بس بنكلم ابوي ونخليه يرضى وبعدين بكرا انت اطلب ابوي وخلصنا
سعود : تمام
رجعت رهف للبنات واستغربت وين نوره؟
رهف: بنات وين نويره؟
رفيف تطق اصابعها بتوتر : راحت
رهف عقدت حواجبها ؛ وين؟؟؟؟
عهود حضنت كتوف رفيف : تكلم عمي عبدالرحمن
رهف : وغزيل؟
عهود : راحت تاخذ الطلب ما طلبت الا الساعه ١٢ وشي
رجعت نوره وهي الابتسامه شاقه وجهه
رهف : وش صار؟؟
نوره :...
( نرجع شوي عند نوره)
راحت لجهة الرجال وطلبت من عمها تكلمه شوي بعيد عنهم
ابو سعود : سمي وش بغيتي مني؟
نوره : عمي الموضوع يخص ولدك سعود
ابو سعود تنهد من سعود ومصايبه: وش مسوي بعد!!
نوره : تذكر الرقم الي كلمك ويقول ان رفيف ما تجيب عيال وانها تكلم فلان وعلان ومن هاذي الاشياء؟
ابو سعود : ايه وش فيه
نوره: ترا كل الي يجيك كذب بكذب والرقم الي يكلمك هو جمليه واختها ، وعاد انت تعرف وش سوو بوقت زواج غزيل وعبدالله
ابو سعود :وش الي يثبت؟؟
نوره طلعت جوالها وعطته كل الصور والاشياء ابي تثبت ان رفيف
مالها ذنب في الكلام الي قالته جميله واعتراف جميله انها كذابه
ابو سعود : ارسلي لي الصور والكلام والباقي خليه علي
نوره ابتسمت برضى : ابشر من عيوني
وارسلت له كل شي
( نرجع للحاضر )
نوره انهت كلامها : وبس هاذا الي صار
رفيف قامت وحضنت نوره بفرح : شكراااا ، دامك انقذتني بزوجك اخوي مشارط
نوره كشرت : وع ما باخذها من زينه
رهف ضحكت : يوه تخيلو نوره تاخد مشاري هههههه
غزيل جات ومعها الاكل : يلا بنات اكل
اجتمعو البنات وقعدو ياكلون
.
.
العصر  "قريب المغرب" - قسم الحريم
البنات قاعدين يتجهزون ونوره تنتظر رهف تلبس فستانها
رهف : بنات ما طلبنا لا قهوه ولا سبحنا
نوره : نسبح بكره ماخذين الشاليه لين الخميس
رهف : حلووو يعني اربعه ايام هوشات مع الجحلط الي برا
لينا : انتي كذا جوي واجواي
رهف : معليك اغمزي وخلي الباقي علي انا ونوره
غزيل شهقت: و وجع خير انشاء الله لو تهاوشتو انا الي بجلدكم
عهود : غريبه نوره مالها صوت
رهف : تلقينها في الحمام ( يكرم القارئ) تظبط نفسها
نوره طلعت وهي مسويه بشعرها الفافات وباقي ما خلصت وجها: سمعت اسمي خير تحشون فيني؟؟؟
رهف ضحكت : كملي كملي شغلك
خلصو البنات على اذان المغرب
طلعو البنات كلهم الا رهف لانها هي الوحيده الي ما خلصت
نوره بصراخ : رهف خلصيناا
ضربت ام سعود كتف نوره بخفه : اقصري حسك لا اكسر الفنجال على راسك
نوره : عميمه شفيك علي ، بعدين رهف لابسه فستان يهبللل
ام سعود : اهجدي بس
رفيف وعهود كانو يضحكون على نوره
طلعت رهف الي كانت لابسه فستان الاحمر ومفتوح من عند الصدر بشكل ٧ ..وكان يوصل فوق الركبه وفتحه بسيطه عند فخذها ومسويه ميكب خفيفف يبين ملامحها ... وشعرها الطويل الي كان مايل للبنُي ، وكعبها المتوسط الطول
نوره فاتحه فهما ونطقت: ما احسد الا الي ياخذك
رهف جلست جنبها : من ذوقك
انقهرت هناء من رهف وكانت تخزها
ام سعود : نوره قومي شوي
قامت نوره مستغربه وقربت ام سعود من رهف وقرصت فخدها : وش البس ذا!! وبعدين متى شريته يا قليله الحياء !!
رهف حكت مكان القرصه: يمه وش سويت ! وبعدين يايمه انا كذا من زمان !
ام سعود : المره ذي بمشيها المره الجايه بخلي ابوك يتعامل معك!
رهف : زين زين ( طالعت رهف نوره وهي ميته ضحك عليها) وانتي لا تضحكين
نوره كانت لابسه فستان علاق ابيض ماسك من فوق ونازل من تحت : وش دخلني قلت لك طقمي معي بس خذي الون الاحمر ورفضتي
ام غزيل: والله مافي وحده متستره غير رفيف
رفيف كانت لابسه فستان وردي مفتوح فقط من عند الصدر بشكل مربع وطويل 
ام سعود : اي والله حتى يدينها مو طالعه مو مثل بعض الناس
نوره : يعني وشو يا عميمه يعني انا مفصخه؟؟
ام سعود: لا انتي ولا الي جنبك
رهف : يمه الدعوه نغزات هي؟
هناء : عمه شلون تخلين بنتك تلبس كذا !! المفروض تعلمين عمي عنه
ام سعود : انتي امها ؟
هناء : لا
ام سعود اجل على شحم وانطمي
رهف وجهه صار احمر من كثر ما مسكت ضحكتها
عهود : اقول امشو برا نقعد الجو يهبللل
طلعو البنات وجلسو بقعده  قبال المسبح
لينا: رهف اطلبي لنا قهوه تكفين
غزيل : اي والله لي يومين مشتهيه قهوه
عهود : تتوحمين انتي؟؟ اشك اشك انك حامل يا الاخت
غزيل : تصدقين حتى انا احيانا اشك بنفسي
رهف : خلصينا احملي ابي اصير عمه بقرب وقت
غزيل: ايه يصير خير
نوره: طلبتي قهوه ولا؟
رهف : ايه خلاص يقول نص ساعه ويوصل
جلسو يسولفون الا رفيف ماخذه لها زاويه وهي تفكر بموضوع سعود والخطبه كانت متوتره لذا الموضوع بذات ... تفكر بعمق ، ابوها ليش مخبي عليها ان سعود اكثر من مرتين يجي يخطبها ويرفضه ، وليش سعود كذالك مخبي عليها .... وجميله وش تبي بظبط من سعود ..
قطع تفكيرها رهف الي كانت جالسه قريب منها : رفيف !
رفيف فزت: هلا
رهف: شفيك؟ لي ساعه اناديك
رفيف: ما كنت منتبهه
رهف همست لها: لا تفكرين الموضوع بيتيسر
.
.
.
بيت ابو سلطان - غرفه سلطان
قام على اتصالات سعود
سلطان بصوت نوم: شتبي؟ ازجعت ابو راسي
سعود: بدري؟ اخلص ياخوي تعال الشاليه من الصبح وانا انتظر سلطان فز : تمزح صح؟ اليوم الشاليه؟؟؟
سعود : شرايك؟ اخلص اهلك هنا وانت باقي ما جيت
قام سلطان وتجهز بسرعه ونزل  والبيت طافي انواره ، ركب سيارته وطار على الشاليه
.
.
الشاليه- قسم الحريم
رهف : بنات وصل المندوب من يطلع له؟
لينا: انتي
غزيل: انتي
نوره: انتي
عهود: انتي
رفيف : قومي انتي مالي خلق
رهف : وجع! رفيف قومي معي قفلي الباب الي بين قسمنا وقسم الرجال
رفيف : يلا
لسوء حظ رهف ان سلطان وصل بنفس وقت وصول المندوب
.
استغرب سلطان من الي طالب بذا الوقت ، نزل من سيارته وشماغه على كتفه وعقاله على راسه ، اخذ الطلب ولخبط بين البيبان وراح لقسم الحريم .. طق الباب ومعه كيسه الطلب
اما عند رهف  فكت الباب وكانت واضحه.. ولا انتبهت ان الباب مو مغطيه وكانت تشوف جوالها تكلم المندوب ... سلطان صنم بمكانه .. معرف وش يسوي ، هو يتكلم او يسكت ، كان يطالع بتفاصيلها .. بفستانها الاحمر ولا شعرها الطويل ولا صوتها الخافت
انتبهت رفيف لشخص الي واقف عند الباب : رهفف ابعدي عن الباب
رفعت راسها رهف وشافت سلطان شهقت وتوسعت عيونها بخوف وراحت ورا الباب ، نطق سلطان : معليش شكلي كنت مضيع  ، الطلب لكم؟
رهف : من انت؟ والطلب لنا حطه عند الباب
سلطان  حط الكيس عند الباب: سلطان بن معيض ، ليه؟
رهف : تعرف من انا؟
سلطان  عقد حواجبه: لا؟
رهف : احسن وانقلع قبل لا انادي اخوي سعود لك!
سلطان : من زين اخوك عاد
واتجهه للباب الثاني لقسم الرجال ، رهف طلعت راسها تتاكد انه راح وسحبت الكيس ودخلت وهي ترتجف
رفيف : شفيك ؟
رهف : وش الي وش فيني انتي لو بس تعرفين وش بسوي فيني عبدالله اذا اعرف اني طالعه كذا ولا بعد سلطان اخو نوره شافني بذا المنظر!!
رفيف : يعني وش بسوي!؟
رهف : والله انه لا يذبحني بمكاني
رفيف: اقول امشي امشي بس محد بيدري
رهف اتجهة عند البنات وهي منخرشه والا الان ترتجف
نوره: شفيك؟
رهف : اخوك
نوره : شفيه : واي واحد
رهف : اخوك سلطان ، شافني بذا المنظر
نوره ابتسمت : الله حبيت ، شرايك ازوجك اخوي السلطعون ذا ؟
رهف : وع من زينه
غزيل: الله حسيتهم كوبل يهبل ، تكفين تزوجو
عهود: يعع والله ما يستاهل رهف ! رهف يبي لها واحد جميلللل زيها مو تاخذ واحد خايس!
نوره: هييه الا اخوي هو صح انه خايس بس انه يهبل!
رهف : اقول مراح انزوج اساساً لا تحاولون و امسكو قهوتكم النكبه الي نكبتني صدق
البنات ضحكو على رهف واخذو القهوه ورهف صارت تفكر فيه لكنها كانت تشتت افكارها مع البنات
.
.
قسم الرجال
سلطان دق على زيد  يفتح الباب ، ركض زيد  للباب وفتحه لسلطان:  اخيرا جيت رح لراديو الي هناك
سلطان دخل وسلم على اعمامه وسعود كان نازل من فوق وشاف سلطان وابتسم ابتسامه عريضه ونطق  بعلو صوته: ارحب ارحب 
و حضنو بعض ولا كانهم امس شايفين بعض ، الكل كان يعرف بخوة سلطان وسعود ، رغم فرق السن بينهم الا انهم كانوا افضل اخوة بين عيالتهم
سلطان : البقى
ابو سعود ضحك عليهم: خلو الاحضان بعدين وتعالو صبو لنا قهوه وش فايدتكم؟
مشاري : اي والله وش فايدتكم
ابو سعود : انت لو فيك خير كان قمت صبيت لنا
زيد ما قدر يمسك ضحكته : زبد لك على طول
جلسو سلطان وسعود جنب بعض وهم يخططون على شي
ابو مشاري : وش تخططون فيه يا الداجين
سلطان: لا ابد ياعم نبي يوم نطلع لنا فيه البر
ابو سعود: تم تم الاحد الاحد وانتم طالعين للبر
سعود: العب يا الجدول الحين شاليه وخميس وجمعه سفره للشرقيه والاحد كشته لا الجدول ولا اروع
سلطان: تمشي معي لشرقيه ولا بتمشي لحالك
سعود: لا معك معك
انتهى يومهم على خير الكل دخل الغرف ينام الا سعود وسلطان
طلعو من الشاليه و ركبو سياره سعود وطلعو يتمشون ويسولفون مع بعض
سعود : ما تاخاف احد يقفطك
سلطان: طيب انت خفت يوم درو انك تبي رفيف؟
سعود ايه ما علمتك
سلطان : وشو
سعود علمه على خطة البنات
سلطان: اعوذ بالله منهم وش الخطط ذي ، ونوره وش دراها على عند جميله؟
سعود: ذولي لو يشتغلون مع المباحث ابرك
ضحك سلطان: اي والله
كملو تمشيتهم وضحك وطقطقه على اي احد يشوفنه
_____________________________
"انـتـهـى البـارت"
البارت الجاي كله ضحك بضحك وبيكون شي تنتظرونه ينحل بقرب وقت🫣
اعذروني قطعت عنكم مده طويله ولكني رجعت لكم في الاحداث والبارتات الي ترد الروح💙