اي والله انك رهيف السلطان تركتي سلطانك بدون قلبه

7

الطريق الشرقيه ، عند سلطان
يفكر فيها ، الا الان من هي؟؟ بنت عمه؟ بنت فهد  ولا بنت حمد؟ ولا حط فباله انها بنت عبدالرحمن
.
.
قريب الظهر، بيت ابو سعود
رهف وسعود قاعدين في البيت بما انه يوم جمعه وينتظرون الغداء
رهف: سعود انسى غدا الحين
سعود انسدح: في ولا مافيه انا واحد يبي اكل
ابو سعود نزل من الدرج: يلا يلا سعود قم قم صلاة الجمعه لا تفوتنا
قام سعود : يارب ارجع والقى اكل
ابو سعود سحبه قدامه: امش بس واترك عنك الاكل
ضحكت رهف عليه وقامت تساعد امها ونطقت رهف: يمه بمر نوره بناخذ قهوه ونرجع
ام سعود: ايه معليه خذي سيارة اخوك وروحي بس بعد الغدا
رهف: ابشري
رهف بلغت نوره انها بتمرها وكملت شغل مع امها
.
بيت ابو سلطان
سلطان خلص شغله سريع سريع مع مطلق ورجع للرياض ونام في الصاله على بال ما ياذن صلاة الجمعه
نوره: ولد قم احسن لك لا يجي زيد الحين
سلطان عدل نومته: تقلعي ابي ارقد
نوره: بكيفك بس صلاة الجمه بتفوتك
فز سلطان: الساعه كم؟؟
نوره: تونا تونا باقي لها عشرين دقيقه قم اجهز
قام سلطان يجهز ونوره دخلت عند انها: يمه اطلبك طلب وما ترديني؟
ام سلطان: شتبين؟
نوره: رهف بتمرني ناخذ قهوه ونسولف شوي ونرجع
ام سلطان: سوي الي تبينه بس قولي ل زيد اول شي ، وتعالي سفرتكم وش صار عليها؟
نوره: تكنسلت بسبب ولدك السلطعون قفطنا
ام سلطان: احسن
نوره: يمه بدال لا تدافعين عندي
ام سلطان: اقول قومي ساعديني
.
.
بعد الغداء - بيت ابو سعود
مجتمعين بصاله ويتقهون
ابو سعود : علمت امك انت عن امس ولا؟
سعود: عن وش؟
رهف : ياحمار موضوع خطبتك
ام سعود: وجع يا سعود خطبت من وراي؟؟!
سعود انخرش : لا لا ما خطبت باقي بس ابوي قالي يوم الثلاثاء
ام سعود : احسب بعد
لينا: خيرر كلكم بتتزوجون وانا اقعد لحالي!!
ابو سعود ضحك: لا مراح تقعدين لحالك احنا معك معليك
رهف حطت راسها بحضن لينا: من كاذب عليك وقايل بتزوج؟
لينا تخصرت وهي جالسه: اي هاذا وجهي اذا ما تزوجتي
ابو سعود: اقول اهجدو وسيره الزاوج ذي خلوها بوقتها موب الحين، الا رهف اخترتي سيارتك؟
رهف رفعت راسها : مجهزه بعد
ابو سعود : اجل اخوانك يروحون معك وتأخذين السياره
سعود : لبن هي تختار وتاخذ ترا ياخذ الموضوع اقصر شي اسبوع
ام سعود: لا معليك يطلعونها قبل
رهف: سعود لا تتزوج احس ما يلبق لك الزاوج
سعود: ليه تبيني اسوف وجهك النحس كل يوم؟ خليني افتك لي ٢٤ سنه اشوف وجهك
رهف: مالت عليك وهاذا وانا اقول لو سعود طلع بنفقد حسه ، جب مفتاح سيارتك بطلع بعد شوي
سعود رفع اصبعه: وقسم بالله ان جبتي مخالفه اني معد اعطيك السياره
ابو سعود ضرب كتف سعود: وجع ياسعود تهدد بنيتي قدامي!!
لف على رهف : خذي السياره وجبي المخالفات كلها ولا عليك منه
ابتسمت رهف واخذت المفتاح 
سعود: عاد شوي شوي بسياره لا اجلدك
رهف: ايه يصير خير
طلعت رهف لغرفتها تلبس عبايتها عشان تطلع لنوره
.
عند نوره
اتصلت عليها رهف تنزل لها نزلت نوره  وركبت جنبها : ها وين الوجهه؟
رهف : تبين الصدق؟ ، مدري
نوره: تستهبلين صح؟
رهف ابتسمت : أعرفك عشان استهبل؟
نوره : يوهه خلاص روحي اطلعي على الطريق** * فيه هناك قهوه
رهف تحركت : ايه خليك كذا تعرفين اماكن جديده
نوره: معليك
رهف: صح ما علمتك اخر الاخبار؟
نوره: ها وش صار؟؟
رهف : غريبه ما علمتك لينا؟؟
نوره : لا ما كلمتها اساسا ، وش الاخبار بسرعه علميني
رهف: تخيلي سعود قبل امس كلم ابوي على انه يخطب رفيف بس انه رفض مدري ليه وجاني وهو ضايق ويقولي حاولي فيه مثل ما سويتي مع عبدالله
نوره: تكفين قولي لي انك كلمتي عمي!
رهف ابتسمت : كلمته ، توقعي وش صار
نوره : قولي ان بيخطبها؟
رهف : خطبته يوم الثلاثاء
نوره ابتسمت : كذابه!
رهف ضحكت: والله يعني بكذب عليك بس اسمعي لا تعلمين رفيف خليها بخرشها يوم الثلاثاء
نوره: طيب خطبه رسميه ولا؟
رهف: لا باقي مو رسميه بس بناخذ الموافقه منهم وبعدها نحدد
نوره: بالله سعود شلون نام اول ما درا؟
رهف : ما نام الاخ الا الفجر وكم نومته قبل الصلاه الجمعه
نوره: يحليله الاخ شكله من كثر الانتظار ما نام
رهف : وين قهوتك ذي؟
نوره : هاذي هي قريبه من هنا
رهف  وقفت السيارة: يلا انزلي
نزلو البنات ودخلو المحل الي كان شبه فاضي طلبو طلباتهم وجلسو باحد الطاولات
نوره: ها وش بتسوين برفيف؟
رهف ابتسمت ابتسامه جانبيه: ما بقول
نوره : يلا عاد علميني وبعدين معليك مراح اقول ل احد اسرارنا ما تطلع لحد بس احد ثاني عادي
رهف: بقولها تكشخ اننا بنجي نزورهم وبتنخرش يوم تدري اننا جاين نخطبها
نوره: حبيتت الا صدق اليوم غريبه ما قالو انهم بتجمعون؟
رهف: خلاص عاد من يوم الاثنين لين الخميس وهم مقابلين بعض تبينهم الجمعه بعد
نوره: صادقه بس ماعندك علوم منه منه؟
رهف رفعت حاجبها: ليه شايفتني لينا؟
نوره: مالت عليك لو لينا كبت العفش هنا
رهف ضحكت: اي معليه كم يوم وتشوفينها
استلمو طلبهم وقعدو شوي في القهوه وطلعو يتمشون شوي
.
.
بيت ابو مشاري
رفيف منسدحه في السرير بشكل عشوائي وشعرها منتثر حولينها ، تفكر الف تفكير ما تدري تفكر بيوم تخرجها الي ما بقى عليه غير يوم تفكر بمعدلها ، يقطع تفكيرها من يطق الباب عرفت انه مشاري عدلت جلستها: تعال
مشاري فتح الباب: وراك ما جيتي تحت كلنا مجتمعين
رفيف كشرت: لا مالي خلق
مشاري سكر الباب وجلس جنبها: غريبه كنتي تزعجينا عشان نجلس مع بعض وش الي غيرك؟
رفيف: مدري مالي خلق
مشاري: فيك شي؟ ماني مرتاح لك
رفيف : شايله هم المعدل وتخرجي ما بقى عليه شي
مشاري: لا معليك على المعدل انتي مشاءالله ما تتنزلين عن الاربعه والخمسه
رفيف: مدري مدري
مشاري: بمشيها لك لكن ادري ان التفكير ذا مو بس للمعدل
رفيف فهمت قصده وضحكت بخفه: يعني وش تبي بالضبط؟
مشاري: انسيه
رفيف: قم قم بس لا اجلدك
مشاري ضحك: لا صدق ما امزح اهله مو موافقين بلمره!
رفيف: ايه زين
مشاري بجديه: ترا ما اطقطق اخر مره سعود فتح الموضوع مع ابوه بغى يدفنه بمكانه
رفيف سكتت ما قالت شي وكمل كلامه مشاري: ترا ما قلت ذا الكلام الا اني ابيك تنسينه وترا ابوي من اليوم يبيك تحت
رفيف : زين رح وانا بلحقك
طلع مشاري وهو عارف انها تضايقت من كلامه بس اخر مره تثبت له ان عمه رافض رفض تامم اما عند رفيف ضاقت من كلام مشاري كان صادق هي تشغل تفكيره بلمعدل ولكن هي تفكر في سعود ودها تقوم تجلس مع امها وابوها بس ما تبي توضح ضيقتها اخذت جوالها تقلب فيه مو عارفه تصدق كلام مشاري؟ قامت وغسلت وجها وطلعت ل امها وابوها وجلست قريب من مشاري ولا كانت تفاعل مع سواليفهم ونقشاتهم سرحانه مع تفكيرها ويقطع تفكيرها من سوال ابوها
ابو مشاري: غريبه رفيف شفيك اليوم
رفبف: لا بس شايله هم المعدل والتخرج ما بقى عليه شي
ام مشاري: متى بيطلع معدلك؟
رفيف: قبل الحفل بيوم يا اليوم بتطلع يا بكرا
ابو مشاري: لا مشاءالله بنتي قدها انشاءالله وترفع روسنا (وضرب راس مشاري الي كان جالس جنبه) موب اخوك الذكي
مشاري: افا يا يبه معدلي حليو  وش فيه؟
رفيف ضحكت : انا اقول بروح انام راسي مصدع من التفكير بالمعدل ذا
طلعت رفيف ودخلت غرفتها وحطت راسها على المخده والتفكير ماخذ  راحتها الى ان نامت بدون لا تحس على نفسها
.
.
عند رهف
رجعت نوره لبيتهم وكملت طريقها ونست ان فيه كاميرا جوال ومسكت جوالها رفعت راسها على على الكاميرا : لا عادد بطفرر على كذاا!
تنهدت وتذكرت ان لو درا سعود جلدها قررت تسكت وكملت طريقها لين وا وصلت البيت ونزلت وعلى حظها سعود قدامها همست: مالت على حظي
بلعت ريقها وعطته المفتاح ومسك عضدها: اصبري اصبري تحسبيني بخليك كذا؟؟
رهف شتت انظارها: وش سويت؟
سعود: رهفف! جبتي مخالفه ؟
رهف بما انها كل ما طلعت جابت مخالفه ناظرته بثقه : لا ما جبت
سعود: عندك يومين تعترفين ولا بتجيني الرساله وعاد انتي واختيارك!
رهف: ايه يصير خير وين ابوي الحين؟
سعود: ما تعرفينه دخل ينام
رهف: وامي؟
سعود: جالسه في الحوش الخلفي ولينا تقرقر فوق راسها
رهف: ايه الله يعينها انا ادخل انام ابرك
سعود: شاك انك جايبه مخالفات مو مخالفه
رهف وقفت تتجهز انه تهج: دامك شاك تراني جبت مخالفه جوال
هجت لغرفتها وسمعت صوت سعود : وجع يا رهفف ما لقيتي الا جوالل!
لحقها سعود ولحسن حظ رهف قفلت الباب قبل لا يجي
سعود: فكي احسن لك!
رهف: مستحيل!
سعود: رهف قسم بالله مو وقتك لو انك جايبه سرعه ابرك من جوال لو تدرين كم مخالفه الجوال!!
رهف: ليش تتكلم بسرعه وبعدين كم يعني؟؟
سعود: توصل للاف يا الخايسه وفكي الباب لا اجلدك
رهف وسعت عيونها من الرقم: مستحيلل افكه لو ايشش على ذا السعر
سعود: فكي لا اكسره الباب !!
رهف : خلاصص ادفع لك يا بزر لا تذلنا!!
سعود: دام كذا والله ما احط سيارتك في اسمي الا يوم تسددين المخالفه!
رهف شرقت: وجعع يا سعود خلاص قلنا ندفع المخالفه! لا تصير بزر وبعدين مطفره الحين ابوي يدفعها لك!
سعود: اي معله موعدي معك اذا قام ابوي
راح سعود ونزل يجلس عند امه ، تنهدت براحه بعد الخرشه الي صارت لها تعرف سعود يدفنها على مخالفه همست: الحمدالله الذي انجاني بعد ما اماتني 
فكت عباتها واخذت جوالها تراسل رفيف تبي تعلمها على يوم الثلاثاء ولكن ما ردت وانسدحت تنام براحه
.
.
عند رفيف
قامت على المغرب وشافت قروب صديقاتها بأن النتايج طلعت ، فزت من مكانها واخذت الابتوب تدخل تطبيق الجامعه ماتدري كم نتيجتها ، صارخت بفرحه من شافت معدلها اخذت الابتوب وركضت تنزل وهي تنادي امها ولكن ما لقتها ولقت مشاري قدامها 
مشاري: بسم الله شفيك انتي؟؟ شكلك انجنيتي
رفيف لفت عليه الابتوب: شف كم جبتت
مشاري ابتسم: العب جايبه اربعه ونص! من عشره ولا خمسه؟
رفيف: من خمسه الحمدالله
مشاري: قومي بشري امي تلقينها بغرفتها
قاطع حديثهم صوت ابوهم: وجع وجع وش الصراخ ذا؟
رفيف: يبه ابشرك طلع المعدل
ابو مشاري ابتسم : مشاءالله كم طلعت؟ انشاء الله ناجحه
رفيف: اربعه ونص
ابو مشاري: مبروك مبروك الحمدالله هم وانزاح
رفيف: ترا بتحضرون حفل تخرجي يوم الاحد ولا بزعل
مشاري ضحك: لا معليك معليك اول الحاضرين
رفيف : بقوم اعلم البنات 
قامت رفيف وتكلمهم في قروب البنات
رفيف"بنات ابشركم المعدل طلع"
رهف"اماا كم طلعت؟"
نوره" بشري انشاءالله من الاربعه وفوق؟ "
لينا" رفيف وحافظينها مشاءالله ما تتعدا الاربعه "
غزيل" مو وقتك تشوفين ولا تردين بسرعه كم"
رفيف" اربعه ونص من خمسه"
نوره" كفووو عليك يلا متى نحتفل بتخرج؟ "
رهف" بكرا وانا عند بابك بمرك احتفل فيك "
لينا" شفتو قلت لكم "
غزيل" مبرووك يلا عقبال ما نقول مبروك الوظيفه"
قفلت جوالها وكانه هم وانزاح وابتسمت ابتسامه جانبيه وهمست: والله اني قدها
تنهدت ورفعت راسها تفكر بمستقبلها
.
.
مر يومين بدون احداث مهمه
يوم السبت  بيت ابو مشاري ، يوم تخرج رفيف
صاحيه من الصبح ومتحمسه
مشاري: ها بتجهزين في البيت ولا؟
رفيف اخذت عباياتها: طبعا لا وبروح الصالون وانت الي بتوديني وتنتظرني بعد
مشاري: متى حفلك اساساً
رفيف: الحين المغرب هو الساعه ٩ في الليل بس اتجهز قبله 
مشاري: يلا بسرعه انتظرك تحت
نزل مشاري ونزلت وراه رفيف وركبو السياره
مشاري: ها شلون شعورك؟
رفيف: مدري متلخبط بس مستانسه بفتك
مشاري: يلا انشاء الله نفرح فيك بزواجك
رفيف ابتسمت من تذكرته: امين
وصلو الصالون ونزلت رفيف تجهز نفسها لليوم الي تنتظره لها سنين شتت افكارها بين تخرجها وسعود
.
بيت ابو سعود
رهف وسعود متكين بسطح بعد ما اهلهم نامو كلهم ومعهم براد شاهي
رهف: يا العاشق المفضوح
سعود: شتبغين
رهف : تدري اليوم حفل تخرج من ولا؟
سعود ابتسم بخفه: ادري ما يحتاج
رفعت حواجبها بشك: لا يكون تكلمها من ورانا انت!
سعود: لا لا يروح تفكيرك بعيد بس عندي حسابها انستقرام ومنزله ستوري ان حفلها اليوم
رهف: كلمت اخوها على الخطبه؟
سعود: لا باقي مافي شي رسمي بس كلما عمي اننا بنزوره بموضوع خاص
رهف: يوه سعود ما توقعت يجي يوم وتتزوج خير
سعود تكى على المركه: ليه متوقعه اقعد قدام خشتك كل يوم؟
رهف : لا صدق احس بصيح بزواجك مدري ليه ، الحين اذا تزوجت بتصيح ولا؟
سعود : تخسين
رهف ضحكت: واضح انك مراح تبكي مره
سعود ضحك وهو عارف نفسه بس سكت: لا صدق تخسين
رهف: ذا وجهي اذا ما بكيت
سعود: ايه بشري امك
رهف ضربت كتفه: امي امك يا الخايس
سعود : ايه صح
رهف : وع الله يعين رفيف عليك لانها بتصبر عليك
سعود : لا معليك دامها صابره عليك بتصبر علي
رهف رمت عليه كرتون المنديل وهو يضحك نطقت :  مالت عليك وعلى الي يسولف معك
سعود كان ميت ضحك واستوعب وتذكر المخالفه: اي صح ، مخالفتك يا الاخت؟ الان  ترسلين الفلوس ولا جلدتك!
رهف: يوه زين برسل لك
سعود كتم ضحكته : زين ولا موبايلي
رهف ضحكت بخفه: وع يا سعود سامج
سعود ضحك : حرام عليك والله انها حلوه
رهف : هي حلوه بس سامجه
سعود : اليوم سبت!
رهف ضحكت: اي اليوم سبت بكرا دوام
سعود كشر: يوهه والله اني مالي خلق لهم
رهف كانت تضحك عليه : يعينك الله
سعود : لا تضحكين جعل ربي يبتليك بوظيفه
رهف : ياحمار مو ابتلاء ذا ذا شي زين
سعود: عشان مره ثانيه ما تضحكين
رهف : اقول سعود خلصت الثلاجه قم سو وحده ثانيه
سعود قام واخذ الثلاجه وطلع للمطبخ ، همست وهي مبتسمه : يا حليله ينكت الاخ
-----------------------
( انتهى البارت )
نكمل وقت ثاني
انشاء الله ما اصدمكم في البارتات الجايه