اي والله انك رهيف السلطان تركتي سلطانك بدون قلبه

P2

الحوش الخلفي
مجتمعين مثل الدائره ، والضحك والسواليف تروح وتجي بينهم ، فزت رهف من تذكرت الشاهي الي طلبه سعود ولا سوته
رهف: يولي نسييت اسوي الشاهي حق سعود
لينا: يوهه عاد يولك من عبدالله ما يحب التاخير
نوره: ما اقول الا الله يكوم بعون غزيل
رفستها رهف: على تبن بس تراني اخته
وركضت رهف للمطبخ و وقفت قبل لا تدخل وطلت من الباب وشافت مافيه احد ودخلت شوي شوي لانها تعرف سعود اكيد انه جاء وخافت ان احد من عيال عمه موجودين راحت تتاكد ان مافيه احد ورجعت تسوي الشاهي لسعود
_________عند العيال
سلطان لف على سعود : الشاهي وين الي ازعجتنا به؟
سعود: ياربي ما تعرفون البنات انتم يقعدون سنه على ما يسوون الشاهي
عبدالله:قم قم بس شف وش صار لايكون فجرو المطبخ
ناصر: شف من يتكلم من الي احرق الغداء في كشتة الجمعه الي راحت
زيد ضحك: ياشيخ لا تسوي طالع منها تراك احرقت الدجاج معه
سلطان: محد مسوي طالع الا ها الزيود تراك امس اخر اليل احرقت البطاطس
سعود :وش السبايك ذولي
سلطان ضرب راسه : انت بذات يا سعيدان ما انسى بغيت تقب مطبخ الاستراحه فينا والسبب طبخك التعبان
ضحك سعود : والله فرنكم التعبان
سلطان: انت التعبان انت وطبخك
سعود: غيرو فرنكم لا اغير استراحتكم بكبرها
سلطان: تسوي خير الصراحه
عبدالله ضرب سعود: اخلص رح شف وين الشاهي
سعود قام : ان ضربت ثاني مره بدال الشاهي يا الورع
ضحكو العيال وطلع سعود للمطبخ
__المطبخ
دخل سعود على رهف وهو يناديها: رهف ،سنه عشان شاهي؟؟
رهف مسكته من كتفه وحطته عند الفرن: دامك جيت اقعد عم شاهي حقك العله
سعود فك يدها وهو يهددها: ان مديتي يدك مره ثانيه كسرتها لك تراني اخوك الكبير!
رهف صفقت راسه: ومن اكبر خواتك؟؟
سعود: بس اني اكبر منك !!!
رهف: اقول انشب بشاهي حقك العله !
وطلعت للبنات وقال سعود بتقليد : الشاهي حقك العله !
وعدل صوته وكش على نفسه: مالت بس مافيه احترام يعني اني اكبر منك! ؟
طلعت رهف للبنات بس مالقتهم ضحكت وهي تدري ان امها مسكتهم ودخلت من جديد على سعود وهو يتحلطم : تحلطم من بكرا لين اليوم بتكمل الشاهي طرق !
سعود مسك بياله شاهي: حلال من فجرها براس الي بالي !
رهف ضحكت ودخلت لصاله وشافت البنات وهم يتوعدون برهف : اوف اوف وش سويت ؟
نوره: ارتحتي يا الورعه عمتي رفاء هاوشتنا عشانا طلعنا برا!!
رفيف: الوعد بعد العشى يارهف!
لينا: بنات امشو بطلع حرتي في جميله
سمعتهم ام هناء وقالت: حتى بناتي ما تركتوهم بحالهم ما الوم امهاتكم يوم ان يطلع لهم شيب على شركم
لفت لها نوره : شرايك اطلع الشيب الي ما طلعه عمي؟؟ شرايك!؟
رفيف ورهف ماسكين الضحكه وينتظرون تخلص السالفه بسرعه
ام هناء: عاد شوفي ترا سكت كثير عنك انتي ولين ذي
لينا لفت لها: اسمي لينا ! كم لي سنه وانا عايشه معك وتقولين لين !؟
ام هناء وقفت والامهات بعالم ثاني ، رفعت ام هناء صوتها وهاذا الي خلا الامهات ينتبهون : والله عاد بكيفي اقولك لين لينا بكيفي
لينا ما استحملت ورفعت صوتها اعلى من ام هناء: لا حبيبتي مو بكيفك ولا تبين مدرسة عربي ترجع تدرسك !؟
ام سعود : لينا خلاص اسكتي
جميله: ليه تستكين هالحيه الرقطه خليها تطلع الي في بطنها!
لينا: انا حيه رقطه!!
هناء: اي انتي ولا مين جدتي
لينا و نوره الي ينتظرون هاذي الحظه وفكت نوره كعبها ورمته عليها وما جاء الا في نص بطن جميله ، ومثلت جميله انها تالمت ولكن هي جدار ما جاها شي ، وطاحت على الارض ومثلت نوره انها بتساعدها: معليش ما اقصد
وضربت ركبتها في بطنها وقالت نوره بضحكه مستفزه: قلت لك ما كنت اقصد!
ام سلطان مسك نوره وسحبتها لمغاسل الحمامات"يكرم القآرئ"
وكانت ماسكتها من عضيدها ونطقت بغضب: لين متى لين متى وانا احذرك واقولك كفي يدك كفي يدك عنهم!!
ام سعود فرقت بينهم وراحت لـ ام سلطان: اتركي البنت والله انها كفو هالبنت
ام سلطان: اي كفو وهي ضاربه البنت
ام سعود: احسن تستاهل (وسحبت معها نوره) تعالي تعالي بس ابيك تجهزين العشاء مع البنات
وابتسمت نوره وراحت عند البنات
ابتسمت نوره وراحت عند البنات رفيف ورهف طاحو من الضحك من شكلها
نوره: ياليل اخلصو ضبطو الي منحاس
ضبطت لها رهف وهي تضحك وتشرح لهم كيف شكل نوره وطلعو يجهزون العشاء
________عند العيال
سلطان: سنه عشان شاهي
زيد يتذوق الشاهي: بس والله يستاهل الانتظار
سعود ضحك: شفت يا الورع
يقطع عليهم هاذا النقاش عن الشاهي سعود ابو سعود الي وقف ينادي سعود وعبدالله يساعدونه في العشاء
____المطبخ
ما كان فيه الا ام سعود ورهف ولينا وسعود وعبدالله
ام سعود: سعود خذ صحن وانت ياعبدالله خذ صحن واذا ما قدرتو تساعدو على صحن واحد
تساعدو العيال والبنات كذالك
سعود حط الصحن في المجلس: حشى مو ذبيحه
عبدالله: ودي افهم ابوي ليه يحط ذبايح واحنا هالقد
سعود ضحك: شدراني عنه
عبدالله: امش امش بس لا يقلب علينا
___________بعد العشاء
بيت ابو سعود شوي شوي بدا يفضى والين ما فضى رهف جلست وكتفها شوي وينخلع ، طلعت لغرفتها وبدلت ملابسها
ونزلت وهي تهمز كتفها: يمه وين الزيت الي كنتي تدهنينه على ظهري؟
ام سعود: في المطبخ ، ليه وراك؟؟
رهف ابتسمت: مافيني شي بس كتفي يوجعني شوي
ام سعود : تعالي تعالي بس اهمز كتفك ويطيب
جلست رهف عند امها وكانت ام سعود تظغط على كتفها لين ما حست رهف انها تبي تنام ، استأذنت وطلعت لغرفتها تنام
ثاني يوم رهف قامت الصبح وفيها نشاط ورواقان ودقت على نوره
رهف: نوره اجيك نطلع نتمشى نسوي اي شي احس جاني نشاط
نوره: ماعندي مشكله بس تكفين خلينا نروح لسوق ماعندي شي البسه للجمعه الجايه
رهف: اي والله ختمت ملابسي ، المهم اجهزي بجيك
طلعت رهف من غرفتها وباست راي ابوها ونطقت: يبه تراني بطلع لنوره بنروح لسوق في اشياء ناقصتني
ابو سعود: ابشري بس لا تتاخرين عن الغداء
رهف ابتسمت: ابشر يبه
طلعت رهف لنوره واتجهو لسوق
نوره: اخخ تكفين انتي مثلي ولا
رهف: وشو بعد
نوره: يدي و رجولي تكسرت
رهف: انا كتفي شوي وينخلع
وصلو السوق وكل ما دخلو محل اخذوا نص المحل وطلعو
نوره بتعب: تعالي خلينا نجلس في المقهى احس اني تعبت
رهف: اي والله يلا
جلسو ورهف قالت بجديه: شرايك نهج لشرقيه احنا والبنات !
نوره: موافقه بس لازم احد يدري من اهلنا
رهف: اي طبعاً لا تخافين بس متى
نوره: خليها الاسبوع الجاي عشان الداوفير الي معنا
ضحكت رهف: اي بالله انك صادقه
نوره: اقول امشي نكمل شوط على السريع ونرجع
رهف : تم
وقاموا يكملون السوق
______ الاستراحه
دخل سلطان : مشاءالله هادين اشوفكم
مطلق: اقول ترا احمد ما دفع القطه
صالح: هو فيه مره دفع القطه بنفس الوقت
دخل احمد ورمه القطه بوجه مطلق : لعد تزعجني فيها
سلطان ضحك: مو لهدرجه يا حمود
احمد: واكثر بعد
ضحكو العيال وقال احمد: اقول اتركو الضحك وتعال انت وياه صكه بلوت تصك روسكم
تجمعو يلعبون مطلق وسلطان مع بعض واحمد وصالح مع بعد
_____السوق
رهف ونوره دخلو محل وعجبها رهف احد الفساتين ، فستان احمر قصير كتف بدون اكمام وكتف بـاكمام و جاتها نوره وهي تتامل الفستان ، ضربت راسها وقطعت تأملها: شفيك وين رحتي انتي؟
رهف لفت عليها : شرايك؟ اخذه لجمعه الجايه؟
نوره ضربت كتفها بخفه: تبين عمتي رفاء تجلدك ذي خليها يوم الاثنين افضل
رهف: ليه شفيه الاثنين؟
نوره : يوهه نسيت اعلمك امي توها دقت علي قررو يطلعون لشاليه يوم الاثنين
رهف: تمام باخذه وبخليه يوم الثلاثاء افضل
اخذت رهف الفستان وطلعت ، طلعت جوالها تشوف الساعه : يوهه الساعه ١١ لازم الحق قبل ١٢
نوره : وراه؟
رهف: ابوي مايبني اتاخر عن الغدا
نوره: اجل يلا حتى انا مابي اتاخر
طلعو من السوق ، ورهف رجعت نوره ورجعت للبيت على وصول عبدالله وغزيل دخلت البيت وسلمت على غزيل وضربت كتفها بخفه: خيرر ليش امس ما جيتي
غزيل: ما برد عليك اهلي جايين في الطريق عهود هي بتقولك
رهف: نشوف
دخلو ينتظرون عمتهم ام فيصل
وصلت ام فيصل وابو فيصل وعهود وفيصل
بعد السلام والاطمئنان عن الاحوال نطقت رهف لعهود : عهود وش السبب الي ما خلاها تجي؟؟
عهود : وش دخلني انا؟
غزيل: شفيك نسيتي
رهف : قولي مالك خلق فكينا
غزيل ضحكت: اي ارتحتي ، الا صدق وش صار؟؟ رفيف تقولي فاتك هوشه !
رهف : ايي والله فاتكم تخيلو هـ....(وقالت لهم الي صار)
عهود : طيب الكلام ل لينا نوره شدخلها؟
رهف: نوره تبي اي زله عليها وطاحت عليها
غزيل : نوره مطبقه الخوي الي ما يترك خويه
ضحكو البنات ونطقت عهود : الا وين لينا
رهف : كلعاده نايمه
عهود : بتجون يوم الاثنين لشاليه؟
رهف: اتوقع ، الا بنات طحت على محل يانه في فساتين تموتت حتى شريت فستان يهبلل بوريكم في الشاليه
غزيل : وش اسم المحل ؟
رهف : اسمه**** يهبلل
عهود : ايي قبل كنت اخذ منه وتقفل مدري ليه
رهف: رجع فتح
غزيل : زين اجل بكره بروح له احسن لي
رهف: بتقعدون لين اليل ولا؟
عهود: للاسف لا بس كاسة شاهي وبنرجع
رهف : خير تونا الساعه ١١
غزيل : ونص يا الاخت
رهف: مالت عليكم والله
عهود : اسمعو انا الصراحه ابي قهوه من برا احد يبي بطلب
رهف : لا لا تطلبين ولا شي امشو انا اوديكم افخم مقهى
غزيل: اجل يلا
قامو البنات لبسو عباياتهم وطلعو من البيت بدون محد يدري
غزيل : رهف الا الان ما شريتي لك سياره؟
رهف: شسوي قريب انشاء الله بشتري
عهود : عاد لو معك سياره كان هجتي من زماان
رهف ؛ على سيرة الهجه قررنا انا ونوره بنهج لشرقيه تجون؟؟
غزيل؛ احد من اهلك بيدري؟
رهف: اكيد
عهود: تم
وتحركت رهف للمقهى عشان البنات
_______الاستراحه ، الخيمه تحديداً
بعد ما خلصو الصكه دق جوال سلطان وكلن سعود، وصل صوته بعد ما رد عليه
سعود: اسمع سلطان وينك انت؟
سلطان: في الاستراحه ، تعال انت وعبدالله انا والعيال لحالنا
سعود: اي بجي معليك ومعي فيصل بنجلده بعد شوي
سلطان ضحك: جبه جبه والله ما اخليه
ضحك سعود: يلا شويات واحنا عندكم
قفل سلطان ولف على مطلق : ترا سعود وعبدالله وفيصل بيجون
مطلق بمزح:اي المره الجايه خلهم يدفعون القطه
سلطان : اصلا سعود يمكن يدخل معنا في الاستراحه هو وعبدالله
صالح: بيدخل مشاري وفيصل ولا؟؟
سلطان: مدري والله ، المهم تبون نطلع البر؟؟
احمد: متى ذا واحنا معكم
سلطان: انا وسعود بنطلع للبر وعبدالله اعتذر ومشاري بعد وناصر كذالك حتى زيد ما يبي
مطلق: تم بس اي يوم
سلطان: السبت الي بيجي
صالح: ايي تم فاضين ولا ياعيال؟
العيال كلهم: الا
و قعدو ينتظرون العيال
عند البنات
رجعو من القهوه
يتصل جوال رهف والي كان يتصل فيها نوره وردت و وصل صوتها لها ؛ مشاءالله جايه غزيل؟؟ ورا ما جت امس!؟؟؟
رهف لفت الكميرا لغزيل: شوفيها واسأليها
غزيل: مالي دخل الاخت ذي ( واشرت على عهود) هي الي خلتني ما اجي
نوره؛ وليه انشاء الله؟
عهود: فترة راحه فترة راحه و نقاهه
ضحكت نوره: يلا تقلعو انتي وياها بروح اساعد امي
وقفلت بوجيهم ونطقت رهف: ما تنعطي وجه
لفو على لينا الي توها تقوم وسلمت على عمتها وجلست جنب رهف وضربتها بخفه؛ ليش ما قومتيني؟
رهف: محد قالك تساهرين طول اليالي
غزيل: لينا وعهود نسخه اعوذ بالله وتزعل اذا طلعنا بدونهاز
لينا صحبت كوب رهف: ورا ما حسبتني؟
رهف: محد قالك تنامين لين العصر
طلعت لينا لغرفتها تضبط شكلها وتنزل لهم
____________استراحة العيال ، الخيمه
وصلو سعود وفيصل
اجتمعو جميع بعد السلام والسوال عن أحوالهم
سعود : ها اتفقتو على البر ولا؟؟
سلطان: اي كلنا بس ها فيصل تجي
فيصل : اطلعو لحالكم خلوني انا وراي شغل
مطلق : ايه اجلس هنا يا الحضري
ضحك فيصل : تعقب والله مانب حضري لكن انا متوظف واداوم ًسبت بعد
مطلق كشر: والله من المغثى يوهه
ضحك صالح؛ انت توظفت شهر وبغيت تموت اجل كيف تبي تداوم سبت بعد؟!
احمد : نلقاة بعداد الموتى
ضحكو العيال كلهم ونطق سلطان: يلعن ابليسك يا مطلق ، اقول سعود قم انت ومطلق وسو لنا شاهي ونروق شوي وبعدها نشوف وش الجدول
قامو سعود ومطلق واتجهو للمطبخ ومطلق الي مو حافظ حتى مطبخهم
سعود : مطلق تعرف وين الشاهي ولا زي كل مره
مطلق حك راسه بوهقه: تبي الصدق؟ ولا الصدق الصدق؟
سعود : لا ذي ولا ذي نبي شاهي الحين
قعدو يحوسون المطبخ لين مطلق لقى شاهي : سعوددد لقيته لقيته
سعود رفع راسه : وينن؟؟
مطلق. حطه فوق الطاوله: تتوقعين مخلص ولا:
سعود : او مخلص بخليك تروح للبقاله رجليه يا الورع
فتحه سعود وكان فيه اخر حبتين ونطق مطلق: لا فيه فيه الحمدلله
مطلق : ايه يلا تبي شي
سعود : ههاي اي ابيك تجي وتسوي الشاهي معي
لف سعود عليه ولكن لا اثر لمطلق ونطق بصراخ: بجيك يا البدوي
ورجع يكمل الشاهي
****
البارت الثالث عشر
****
بيت ابو سعود
بعد ما راحت ام غزيل رهف ولينا جالسين مع بعض في الصاله الصغيره
لينا : وش مقومك انتي الصبح؟
رهف : ابد والله قمت وانا فيني نشاط دقيت على نوره وطلعنا لسوق وجبت لي كم شغله ورجعت
لينا : مستحيل تطلعون الا خططتو على شي وش خططتو عليه؟
رهف: خططنا اننا نهج لشرقيه كم يوم ونرجع بس لازم احد يدري من اهلنا
لينا: متى تبونها؟؟
رهف : ما ندري بس الي حددنا بعد الشاليه على طول
لينا : حلوو بس لو انكشفنا؟
رهف: عادي يابنت الناس الحياه مره وحده نجرب وش ورانا
لينا وقفت: اي يصير خير ، الحين ابيك تقومين وتذاكرين لي لاني بذات في ذي الماده
رهف : يلا انتظرك هنا انا بروح اسوي لنا قهوه وجايه
ونزلت رهف تسوي قهوه لهم
__________الاستراحه - الخيمه
فيصل اعتذر ورجع للبيت
رجع سعود للخيمه ومعه الشاهي ويتلفت يدور مطلق
سلطان: مضيع احد
سعود : مضيع البدوي مطلق وينه ذا؟
سلطان: وش دراني ما كان معك
سعود : الا وهج
صالح : ههاي دامه هج والله ما تشوفه الا بكرا
احمد: بطقاق الي بطقه ، تعالو صكه بلوت بس
سلطان : قدام
سعود مع سلطان واحمد مع صالح
صالح : هيي لحظه ستوب بدلو بسرعه بدلو
سعود : ليش نبدل؟
احمد ضحك: يعني تحسب مراح نفهم حركاتك انت وسلطان ؟
سلطان: وشو ؟
صالح : وشو ما وشو اعرف حركاتك انت وياه يا الغشاش
بدلو وصار احمد مع سلطان وسعود مع صالح
وبدو لعب وسعود يغشش صالح ولكن صالح لا حياة لمن تنادي
انتهى العب بفوز سلطان واحمد
سعود: انا حمار لما اغششك يا صالح
صالح : تغمز وش دراني ان قصدك كذا!
احمد ؛ كمل كمل الصكه بس
وكملو العب الين اليل ولا حسو في الوقت
اذن العشاء وسعود لف على جواله وشاف رسايل امه وشرق بشاهي ،
احمد ضرب ظهر سعود: اعوذ بالله والله او انك شايف جني
سعود: ليتني شايف جني ابرك امي من اليوم تدق وترسل ولا دريت
سلطان : ليه الساعه كم اصلا
سعود: الساعه سبع ونص
وطلع سعود بعد ما اعتذر وركض للبيت
سلطان: والله يانه بينجلد
صالح: الله يعينه
__________ بيت ابو سعود
الصاله الصغيره
رهف تعبت وهي تشرح ل لينا من الظهر واخيرا فهمت ، قفلت رهف الكتاب ونطقت بصدمه: بدري؟ توك تفهمين؟؟
لينا: والله وش دراني عاد!
رهف : الي اشرحه من الظهر وشو!
لينا: يوهه خلاص عاد اهم شي فهمت
رهف : تمام ، ولكن ان جبتي درجه خايسه بفجر فيك
لينا: لا لا معليك ( واخذت كتبها وراحت لغرفتها)
اخذت رهف جوالها تطقطق فيه
""""الصاله الرئسيه"""""
سعود دخل البيت وهو منخرش لا تطلع امه وياكلها ويصادف عبدالله وهو يدوره ، مسكه من كتفه ونطق بعصبيه: غبي انت وينك عن البيت!!
سعود حك راسه بوهقه: بلغط
عبدالله بصراخ: يمه تعالي شوفيه جاء السربوت
ام سعود : مشاء الله ؟ بدري ! احمد ربك ابوك مهب موجود ولكن والله لو عاد تكررت يا سعود لا اعلم ابوك !
سعود: سمي يمه بس ما دريت عن الوقت
****
البارت الرابع عشر
****
( الـيـوم الـتـالـي) "يوم الاحد"
الظهر ، بيت ابو سعود
لينا وصلت من الجامعه وهي تعبانه ومهلوكه وجايبه العيد في الاختبار ، وصلت البيت ونزل شنطتها على الكنبه اتجهت للمطبخ وهي تشوف رهف وامها يجهزون للغداء ، لفت عليها رهف : ها وش سويتي في الاختبار؟
لينا تنهدت: تكفين الا طاري الاختبار لا تجبين طاريه!
رهف بصدمه: وش سويتي لا يكون جبي العيد!
لينا: تبين الصدق؟ والله اني ما اذكر وش الاساله حتى
رهف ضربت كتفها: وتدريسي الي امس انبح حلقي وين راح؟
لينا ؛ مدري
ام سعود: معليك يا لينا منها قومي بدلي لبسك وحطي السفره وتغدو وبعدين تهاوشو يلا بسرعه
طلعت لينا لغرفتها ورجعت رهف تساعد امها ويجيها اتصال من نوره وردت على طول : بسم الله داقه على بعز الظهر
نوره: كلمتي امك على موضوع الشرقيه؟
رهف: يوهه الحين اكلمها صبر
قفلت رهف ولفت على امها وشافتها مروقه وتغني: اميمتي
ام سعود تعرف نبرة رهف اذا كانت تبي شي: وش تبين؟ اختصري
رهف : يمه ودي انا والبنات نطلع الشرقيه بس محد يدري غير امهاتنا
ام سعود: بشرط!
رهف : سمي وتدللي وامري بعد
ام سعود: سعود لازم يدري
رهف : اي اي معليك
ام سعو : اي خلاص موافقه
رهف سحبت جوالها تدق على نوره وردت : الحقي العلم الحقي
نوره: وش علمه؟
رهف جلست فوق الطاوله: اني وافقت بس بشرط
نوره فزت من مكانها: وشو الشرط تم من الحين
رهف : لازم سعود يدري
نوره: ايه عادي اصلا سعود سمح عادي
رهف : كلمتي غزيل
نوره: اي كلمتها وماتبي تجي حتى اختها مراح تجي
رهف: يوهه يعني بس انا وانتي ورفيف
نوره؛ ليه ولينا؟
رهف: فترة اختبارات ما يمدي
نوره: ايه عادي اذا كذا
رهف: يلا اكلمك بعد شوي
وقفلت رهف ونزلت من الطاوله وكملت اخر شي من الغداء
( غـرفـة سـعـود)
يكلم سلطان
سعود بغضب: تستهبل انت تبي تطيح نفسك بمشاكل انت غنى عنها!!
سلطان: مهب مشاكل وخويي ولازم اوقف معه
سعود بغضب اقوى: سـلـطـان استوعب تمسك خط اربع ساعات لشرقيه عشان خويك متوهق
سلطان بصدمه: طيب وش فيها!!
سعود: سلطان مطلق متوهق من الشرطه تروح انت وتزيد الطين بله؟؟
سلطان: وش اسوي يا سعود من قبل وانا اقوله اترك عنك المضاربات ولكن ما يسمع مني وتهاوش مع واحد وصار الي صار
سعود: سلطان انتي ابوه؟
سلطان بستغراب: لا ! ليه؟
سعود : اجل وش دخلك ، علم اخوه وهو يروح يتفاهم
سلطان: طيب يمدي نروح انا واخو مطلق؟
سعود: زين بس لا تدخل معه خلق منتظره ولو دريت انك داخل معه بفجر فيك
سلطان: اقول على تراب تراني اكبر منك
وقفل بوجهه وتنهد سعود وقال بنفسه( الله لا يوهق مسلم زي ما وهقتنا يا مطلق!)
/////-------//////
^ انـتـهى البـارت^
ياهلا فيكم باحلى متابعين💓💓 كانت بتجيكم تسريبات في التيك ولكن تعطل حسابي وسويت حساب ثاني ، تعالو عشان تشوفون كل جديد 

اسم الحساب : maha10_19
عطونا توقعاتكم في الانستا والتيك🔥🔥