اي والله انك رهيف السلطان تركتي سلطانك بدون قلبه

8

عند رفيف
خلصت من شعرها وقعدت تسوي اضافرها وتكلم رهف وطبعا رهف جالسه مع سعود 
رفيف: اخخ تكفين واخيرا بفتك لي كم وانا منهلكه منهم!
رهف : ايه والله يا انك بتحسّين بطفش بعد الجامعه يصير ودك ترجعين وتكتشفين ان حياتك كلها كانت الجامعه
رفيف: هو ممكن اشتاق ويمكن لا عشاني ابي افتك من الاشكال الي اشوفها يومياً
رهف ضحكت: ايه كلها كم يوم وتتزوجين
سعود لف عليها ورما عليها كرتون السكر وهمس: وجع
رفيف عقدت حواجبها: شتقصدين ؟
رهف ابتسمت ابتسامه جانبيه : لا معليك ما اقصد شي
رفيف: اقول ما عندك سالفه منه منه؟
رهف: والله العلوم الجديده ما يمدي اعلمك عنها
رفيف: انا اوريك لو انها لينا ولا نوره كان علمتني
رهف: لينا مستحيل تنقل ذا العلم حبيبتيّ وبعدين معليك كلها كم يوم وتدرين
رفيف: يعني اكشخ؟ ولا اكشخ اكشخ
رهف: شرايك يعني كشخه كشخه
رفيف: ايه زين الحمدالله سويت اظافري
رهف: صوري لي خليني اشوف
رفيف: يلا بس بقفل الحين عشان بسوي يدي  الثانيه اذلفي
رهف: مالـ....
سكتت من قفلت بوجهه ، ضحكت ضحكه خفيفه: الله يشفيك يارهف بس
.
.
عند رهف وسعود
سعود: وجع بغيتي تخربين كل شي
رهف؛ ليه وش بتسوي اجل؟
سعود غمز : ابي اخرشها
رهف: تصدق حتى انا ابي بس قلت لا مابي اخرب
سعود: اسمعي بس ، ما بقول اني بخطبها بقول اني بخطب بس ما بحدد مين حتى المشاوي ما يدري
رهف كشرت: من مشاوي بعد! شكلك جوعان انت
سعود ضحك: لا يبنت الحلال اقصد مشاري بس احنا نقوله مشاوي
رهف: اها اوكي بعلمها انا بس بطريقتي
سعود: لا تخرشينها مره! شوي شوي عليها
رهف: اقول اسكت يا العاشق المفضوح بعلمها وبطريقتي الخاصه
قاطع حديثهم من نزلت قطرات المطر الخفيفه
ابتسم سعود: مطر!
رهف : لا بنزين وش تشوف انت
سعود: يا حبيلك للسماجه اقول يا عندي لك مكان فاضي مافيه احد وكل ما نزل مطر رحت له
رهف : طيب وينه ذا
سعود: معليك هو وينه امشي معي مو لازم عبايتك بس خذيها احتياط 
رهف: اجل يلا قم
قامت رهف واخذت عبايتها و جكيت معها ونزلت لسعود
سعود: ترا بتحداك على ٥٠٠ ريال
رهف لفت عليه وفتحت جوالها تصور: اشهدو اشهدو بيتحداني على ٥٠٠ ريال لو ما عطاني ياها بتهاوش معه
سعود: ايه معليه اذا سبقتيني
رهف: اها يعني سباق
سعود: ايه سباق
طفت جوالها :يلا معليه بسبقك وبتشوف
سعود: وان فزت!
رهف: اسدد مخالفتك
سعود رفع جواله يطقطق على حركتها: اشهدو اشهدو رهف بتسدد مخالفاتي اذا فزت عليها
ضحكت رهف: اي ادفعها معليك
سعود: ايه خليك قدها
رهف: قدها بس خلصنا حرك بيخلص المطر
تحرك سعود وكلها كم دقيقه وصلو مكان مغلق ومافيه الا لمبه وحده وجبل كان نازل على الشارع وكانه مخطط: ها شرايك
رهف : حبييت وفاضي اصبر بلبس الجاكيت وانزل
نزل سعود ونزلت معه رهف ونطق: ثبتي جوالك وبثبت جوالي بسرعه
رهف: على السياره؟
سعود: لا على الكفر
رهف ضحكت: حلوه بس لا تعديها
ثبتو جوالاتهم وبدو التصوير  ورجعو لمسافه بعيده عن السياره
سعود ربط ثوبه ونزل شماغه على كتوفه : ان عديت لثلاثه اركضي  ، يلا واحد اثنين ثلاثه
ركض سعود وكان متعديها ،رهف كانت تركض باقوه ما عندها وصرخت من تعدت سعود: انقلع ورا بسس
وقف سعود بتعب : يلعن بليسك وش ذي القوه
رهف ضحكت واخذت جوالها : تستاهل عشان مره ثانيه ما تتحدا
وقفت قدامه ومدت يده: الخمس بسرعه
سعود : بسياره خذيها مالت عليك
رهف: ايه اخذها الي رجعت
سعود: امشي فوق تشوفين المخطط كله
رهف : يلا امش بس اصبر مستانسه على الشارع ذا
طلع فوق وهو يضحك : انتظرك
اما رهف الي كانت تركض في الشارع ومستانسه وتصور للبنات والمطر بدا يقوى وانتبهت ان سعود بدون جكيت ركضت للسياره تجيب جكيته لانها عارفه مناعة سعود ضعيفه وهو وراه خطبه ، ركضت بتاجهه سعود وقف سعود : وقفي وقفي لا تطحين هنا تفنقسين
اخذ الجكيت منها ومسك يدها : انتبهي بس ترا مو واضح شي
رهف وقفت : غط راسك وراك خطبة انت
سعود  جلس وجلست جنبه ونطق: صادقه والله وراي خطبه انا
رهف: المطر يهبلل ناقصه شاهيك وتكملل
سعود: هنا فيه واحد يبيع شاهي شكلي بروح له اجيب لنا واجيك
رهف : يلا انتظرك بس غط نفسك لا تمرض
سعود : معليك
نزل سعود يجيب الشاهي لهم
.
.
عند رفيف
طلعت تركض من الصالون بسبب المطر ، ركبت مع مشاري ونطقت: امش للبيت بسرعه لا اتاخر
مشاري: حشى صرت سواق انا
رفيف: امش بس
وصلو البيت ورفيف نزلت تظبط نفسها وتلبس فستانها
، خلصت بسرعه ونزلت على زغرطه امها ابتسمت
ام مشاري: يا جعلني أزفك عروس يارب
ابتسمت رفيف وحضنت امها: جعلني ما ابكيك يا يمه
ابو مشاري : مشاءالله تبارك الله الف مبروك التخرج جعله فتحه خير لك
رفيف ابتعدت عن امها وحضنت ابوها : امين يارب امين
ابتعدت عنهم ونطقت: انا استاذن ما ابي اتاخر
طلعت رفيف لمشاري بعد ما خف المطر وتقريبا على وشك الانتهاء ، ركبت معه وهي مستانسه
مشاري: جعله هل الفرحه كل يوم
رفيف: امين بس حرك بسرعه مابي اتاخر
حرك مشاري ورفيف تشوف سنابات رهف وتضحك على اشكالهم ، كلها دقايق و وصلو
نطق مشاري: انتبهي لنفسك
رفيف نزلت ودخلت مع خوياتها من ابتدت المسيره رفيف الي بدت في الخوف والتوتر  اخذت نفس من ابتدت المسيره ، سجلت رفيف فديو من بداية المسيره الى نهايتها بدو التكريم طالبات الجامعه الي من ضمنهم رفيف ، بدت احتفال الجامعه ورفيف مستلمه تصوير ، انتهى حفلهم ورفيف اتفقت هي وبنات عمها يكملون احتفالهم ولكن بوقت ثاني من وقت الاحتفال الجامعي طلعت رفيف على الساعه ١٢ في اليل ركبت وهي تتأمل صورها
مشاري: اشوف طالعه بكياس كنتي داخله بطولك
رفيف: تكرمت وجبت عباتي ارتاح من عبايه التخرج وجزمتي من الكعب
رجعو للبيت ورفيف نزلت ومن دخلت والبيت طافي ومافي شي شغال غير التلفزيون  ، طلعت غرفتها تبدل لبسها وتفك شعرها بعد يوم متعب جلست فوق السرير تقلب بصورها وتنزل الصور الي تبيها من الفرحه يقطع عليها اتصال رهف عدلت جلستها وردت بفرحه : هلا رهوف
رهف كانت جالسه جنب سعود: رفيف اعلمك بس ما تزعلين ، احس فيك فضول على الخبر الي قلته
رفيف عقدت حواجبها: شفيك بسم الله ؟
رهف: سعود بيخطب قريب
رفيف سكت بصدمه ،ما توقعت كلام اخوها صح!تداركت الوضع رفيف ونطقت بشكل بارد: طيب؟ ما اهتم واذا خطب خليه يخطب ماعلي منه
وسكرت المكالمه وحطت جوالها على الطاوله وهمست: هاذي حركتك يا سعود! هاذي هي حركاتك ما تتركها
راحت تنام بصدمه
.
عند سعود ورهف
رهف: شكله ما تبيك ياولد
سعود لف عليها: نعم! وش تقولين انتي
رهف : مدري بدق عليها مره ثانيه
دقت مره ومرتين ما ترد
رهف: ما ترد
سعود : اي خليها علي قومي انتي بس تاخرنا على البيت
رجعو البيت ورهف تفكر وش صار لرفيف واستغربت ليه ما اهتمت ونامت  عشان تكلمها الصباح
.
اليوم التالي ،بعد اذان الظهر
مع نسمات الهواء البارده وقطرات المطر الخفيفه والغيوم الي كانت مغطيه الشمس ، واقفه على شباك غرفتها رفعت راسها تدعي وقت المطر ، تدعي انه يكون من نصيبها وقفت من الدعاء من تذكرت انه خطب غيرها نزلت راسها على اخوها الي راجع من المسجد ويحاول يغطي نفسه من المطر ومعه قهوة رفيف الي تحبها 
رفع راسه مشاري يشوفها: انزلي  جبت لك قهوتك
ابتسمت : بتقعد في الحوش؟
مشاري: اكيد مطر وتبيني ادخل داخل! لا بالله اني لا اجلس هنا وانزلي
رفيف؛ يلا جايتك
نزلت رفيف لمشاري وجلست جنبه واخذت القهوه: شدراك اني احبها؟
مشاري: اعرفك تراك اختي مو حبيبتي
رفيف ضحكت : ياحظ الي بتتزوجك مغير تنكت
مشاري : ايه صح على طاري الزواج بقولك شي وادري فيك بتتضايقين بس ذا حال ربي
رفيف : ما يحتاج عارفه
مشاري: يعني تدرين عن خبطته؟
رفيف: ايه ، معلي منه
مشاري: ايه خليك كذا بطقاق الي يطقه دامه ما يبيك لا تنزلين نفسك
ابتسمت رفيف بتسليك واخذت جوالها تشوف اتصالات رهف دقت عليها تشوف وش فيها وبنفس الحظه ردت عليها
رهف: شلونك رفيف شفيك امس ادق عليك ما تردين؟
رفيف: الحمدالله طيبه ، لا يابنت الحلال نمت اصلا تعبت بعد الحفل
رهف: يلا معلية  لا تنسين بكرا اكشخي كشخه مافي مثلها
رفيف: ايه معليك بس تكفين حايره وش البس
رهف: معلي انا من المديل على من اللون وش بتلبسين
رفيف؛مدريّ عندي اسود وعندي وردي
رهف: لا وع لا تلبسين اسود البسي وردي
رفيف: تمام وانتي؟
رهف: انا مستحيل اقول
رفيف: مالت عليك
رهف: يلا بكرا اشوفك مع السلامه
رفيف: مع السلامه
قفلت وهي مستغربه ليش زواره خاصه ولحالهم بدون عمامها الثانين : مشاري وش سالفة الزواره ذي
مشاري: الصدق ما ادري وش السالفه انشاءالله خير
رفيف: اقول مشاري قم خلنا نتمشى شوي مع المطر طفشت من البيت
مشاري : يلا قومي البسي عبايتك
قامت رفيف تلبس عبايتها وتنزل لمشاري
.
بيت ابو سعود
رهف قفلت من رفيف  وركضت لغرفة سعود
سعود: شفيك؟ جايه تركضين من فوق
رهف: ابد بس رفيف مو مهتمه لك ولكن اذا عرفت بتهتم وايه بتكشخ يوم الثلاثاء ومستغربه ليه زيارتنا بدون عمامنا
سعود: الله كل ذا جبتيه؟ الخطبه معليك كل شي بصير تمام
رهف: تم بس انتبه لا تجيب العيد
سعود: ياحليلك علمته وخلصت
رهف: كذاب!
سعود: اي والله بس كل شي على ما يرام
قاطع حديثهم من دخل عليهم ابو سعود: وش تسوون انتم؟؟انزلو يلا كلنا تحت
رهف: ابشر يبه الحين بنجي
طلع ابو سعود ولفت على سعود: قم بتنزل معي
سعود انسدح: شرايك تقفلين النور وتشغلين المكيف وتقفلين الباب وتنقلعين؟ ابي انام توني راجع من الداوم وتعبان
رهف: انزل واسوي لك شاهي
سعود عدل جلسته يعرف شاهي رهف مافي افضل منه: احلفي
رهف : والله بس انزل
سعود قام: تم يلا امشي
ضحكت رهف ونزلو تسوي له شاهي
جلس سعود جنب ابوه: يبه علمت عبدالله ولا؟
ابو سعود: علمته علمته بس انت بكرا بتداوم ولا؟
سعود: لا بسحب عليهم مو فاضي لهم
جات رهف ومعها الشاهي: الخمس ميه ما اخذتها وينها؟؟
سعود: بسياره
ام سعود: اي خمس؟
رهف: تحداني سعود وفزت على خمس ميه
شرب من الشاهي : انا استاذن بروح للعيال
رهف: ولا حق الشاهي الي سويته وبعدين لا تنسى الفلوس
سعود: يصير خير
وقام سعود يروح للستراحه