لي وليف من بد العرب سارقني

part 1

السلام عليكم هذي الروايه حقيقيه ١٠٠٪ ولكن ضفت عليها بعض الاحداث الى صاحبتها تتمنى لو تصير (للمعلومه القصه ما زالت مستمر فا هل يا ترى بيصير الى هي تباه؟) ...اتمنى انها تعجبكم وقرايه ممتعه.

بو حمده: انا قلت الى عندي البنت بتلبس عباه مسكره هي واختها
ام حمده: انا ما يخصني هذيل بناتك وانت كيفك انا رمستهن قبل وما طاعن
بو حمده (عصب): حمده وموزه
حمده: ها بابا
بو حمده: تعالن قعدن
بو حمده: امكم كلمتكم وقالت تلبسن العباه المسكره صح ولا لا؟
حمده وموزه: هي
بو حمده: عيل ليش ما تسمعن الرمسه ها؟
موزه: انا عادي بلبسها
بو حمده (ابتسم): كفو عليج هذي البنت الصح (اطالع حمده) وانتي شو
حمده (ابتسمت): انا ما أبا البسها بعدني صغيره عليها واساساََ انا مو مجبوره البس العباه والشيله دامي ما بلغت اوكيه انتوا تعودوني عليها عادي بس انكم تجبروني لا وغير هذا انا ما أحب هل عباه المسكره
بو حمده (عصب وانفعل وايد): اننتييي شووو مااا تسمعين ااناا شوو اقوولجج؟ هااا؟
بو حمده: انا قلت الى عندي بتلبسينها وغصبن عنج
حمده: اسفه بابا بس انا ما راح أسوي شي انا ما اريده
بو حمده: هيه عيل تبين انه يشوفون الناس جسمج ها؟ وتبين الناس يقولون والله بو حمده ما عرف يربي تفو عليج من بنت يا الخايس هانتي تبين تشوهين سمعتي يا كلبه يا حيوانه (كان بيضربها لكن ام حمده قالت لحمده تسكت وتقول ان شاء الله ابوي سمعت حمده كلام أمها وهي ابداََ ما تبا ها الشي)
حمده: خلاص بابا انا اسفه (حبته ع راسه) بسوي الى تباه
بو حمده: هي غصبن عنج مش براضاج قليلة ادب

طلعت حمده من الغرفه وصاحت الانه هي ما تبا ها الشي تبا تكون حالها من حال الباقيات الى يكشخن ويطلعن تعرف تستر عمرها وتحافظ ع عمرها بدون ما يجبرونها ع شي هي ما تبا مرت الأيام وحمده غصب عنها لابسه العباه المسكره وموزه عادي كان برضاها مرن الأيام والأشهر والسنين وما صار شي يديد في حياة حمده غير أمها وابوها الى كانوا يفرضون رأيهم عليها وبعدين يقولون والله نحن نربي عيالنا على انه يقولون رأيهم وما نجبرهم على شي وكانوا قدام الناس يكونون العائلة السعيده.