لي وليف من بد العرب سارقني

Part 11

كانت علامه الصدمه و الاستغراب ع ويه حمده من الصدمه م عرفت كيف ترمس ابتسم لها ها الشخص وقال...
...: بلاج ؟
حمده: اء...انت شتسوي هني؟
...: هاي عزبتنا بعد
حمده ساكته و مصدومه كسرت استوعبت و قالت...
حمده: يعني احين هايل اهلك؟
ابتسم لها ... : هيه
حمده: واها عشان عبيدات أنا أقول يشبه اخوك طلع اخوك هو بنفسه
ضحك ع فهاوتها و كان وايد مشتاق انه يشوفها ما يعرف ليش كل مره يصير شي يحس انه تجمعهم صدفه موقف أو كلام يصير شي و يردون لبعض بشوقهم و لهفتهم كانوا ساكتين و يطالعون بعض وكل واحد غارقان في بحر الهواجيس كسر هل صمت...
...: ليش ناشه هل وقت و طالعه برا؟
حمده: م يخصك
ابتسم و قرب منها اشوي بس...
...: أنا م يخصني؟ متأكده؟
حمده: اكلم اربيعتي
ضحك علها كيف متروعه صدق انه يسوي شي...
...: انزين قعدي بنسولف
قعدوا هم الثنين وبينهم مسافه رجعوا سكتوا و قعدوا يطالعون السما و بعدها بدقايق صاروا هم الاثنين يطالعون بعض و عيونهم  هي إلى كانت تتكلم بدالهم كسر الصمت حمده...
حمده: تعرف م توقعت أشوفك بيوم ويه لويه
...: ههههه ليش
حمده: م ادري م توقعت كنت أتخيل صح بس اقطع هل تخيل عشان ليش اتأمل بشي اعرفه م بيصير ليش أعطي نفسي أمل وانأ اعرف انه ولا شي بيصير منه
...: وايد زعلانه علي شكلج
حمده: مب زعلانه منك بس عتبانه عليك احس مو مبرر إلى صار أنا كل شي سويته وياك وعطيتك إياه بعمري م سويته لحد صح كنت اكلم لكن ربي يشهد انه م سويت وياهم نص إلى سويته وياك... كنت و لا زلت أشوفك غير عنهم
كان ساكت ويسمعها و يطالعها و حمده كانت تشوف السما و عيونها مدمعات تحاول تتمالك نفسها
...: كملي
حمده: خلاص خلني ساكت
...: بس(رن فون حمده)
ردت حمده ع الفون وكانت اربيعتها عليا
حمده: هلا هلا بالحب
عليا: أهلين ها صدتج ويا منو سهرانه
ضحكت حمده: هههههه ويا منو يا حافظ أروحي
عليا: هههه انزين سمعي أبا اشاورج عشان الفستان
حمده: حلفي عليوه انج داقه عشان جي
عليا: والله
حمده: عليا انقلعي باجر خير برقد أنا وأنتي انخمدي لا تفكري وايد
عليا: خلاص انزين لا تعصبين هههه
حمده: ههه جب باي
عليا: باي
...: منو عليوه
حمده: شي خاص فيني مو لزم أقولك
...: لا لزم تقولين لي و يخصني
حمده: بصفتك منو ان شاء الله؟
...: م يخصج بس قولي
حمده: م برمس
...: بترمسين يا حمده ولا كيف
حمده: و م برمس بشوفك شو بتسوي أنا مب ميثه يارمانه أصحى اشوي ياي تقولي منو و منو أصلن أنا ليش يالسه عندك بروح ابرك لي الحجره
وقفت حمده بتروح قبل م يخوننها دموعها و ينزلن و تدعي م يصير شي عشان م ينزلن دموعها قدامه صحيح شافها وهي تصيح قبل و يعرفها دمعتها ع طول تنزل لكن حمده م تباه يشوف دموعها احين تبا توريه إنها بخير و م راح تنزل دمعه والسبب هو لكن صار إلى م كانت تباه يصير مسك مايد إيد حمده قبل لا تروح و حمده كانت صاده عنه وقف و قال...
مايد: منو كنتي تكلمين؟
حمده وهي بعدها صاده : اربيعتي عليا خلاص خلصت؟
مايد: هيه وبعديين لفي شوفيني ليش صاده؟
حمده: بروح انام فج ايدي
مايد: لا م بفج قعدي بنرمس
حمده سحبت أيدها بقوه و كانت حمره من مسكته و ألانه يوم سحبتها و هو شاد عليها كان وايد قالت...
حمده: أنا مب ميثه حبيبتك أنا حمده روح لحبيبتك و اسهر و سولف معاها ولا معا غيرها تصبح ع خير
راحت بسرعه و ما عطت له مجال يرمس دخلت الغرفه و انخشت تحت اللحاف تصيح بحرقه مايد كان حاس إنها بتصيح راح صوب الحجره يسمعها م سمع صوت يوم كان بيروح سمع صوت شهقاتها تلوم فيها بس م يروم يدش اخته اليازيه وياها كيف شو بيقول لها و حمده م تباه يشوفها وهي بهل حاله فا راح حجرته من صوت شهقات حمده نشت اليازيه...
اليازيه: وي حمدوه حبيبتي شفيج
حمده شافتها و م رمست ع طول انخشت ف حضنها و تمت تصيح فهمت اليازيه انه حمده م تبا تتكلم و سكت عنها تمت تمسح ع عليها لين رقدت حمده غطتها اليازيه و نامت بعدها نشوا كلهم ع الساعه ٩ الصبح قاموا تغسلوا وجي...
أم محمد: ياربي من هالعيال لين احين رقود
بومحمد: منو بعده راقد؟
أم محمد: كلهم العيال
بو حمده: جيه لزم ينشون عنبوا مب رقاد
أم حمده: بسير أوعيهم
أم محمد: لا لا خلج بخلي شموه تروحيه الوحيده ناشه ( نادت شمه ) شمه اميه سيري وعيهم
شمه: انشاءالله
دخلت شمه توعي اليازيه و حمده و سارت غرفت اخوانها و وعتهم نشت اليازيه و تسبحت بعدها قامت حمده ودخلت تسبحت و طلعت شافت اليازيه تنشف شعرها ...
اليازيه : ويهج كله وارم من صياح امس شو فيج شو ياج
حمده ابتسمت لها : ماشي فديتج ... لا تقولين لحد إني كنت اصيح بليز
اليازيه: بخليج احين و م بقول بس مردي اعرف
حمده باستها من بعيد : فديتج
خلصن حمده.  اليازيه تعدلن و حمده حاولت تعدل ويها بالمكياج عشان م يبين إنها كانت تصيح أو شي وهن نازلات تصادفوا ويا محمد و مايد...
محمد شاف حمده و ابتسم: اوه الخوي هني هههه
حمده شافت و ابتسمت له
اليازيه: إيه جب انته مو يعني فازت عليك خلاص إنتوا اخويا وجي ترا اليوم بنلعب وبتكون هي فريقي
محمد: م عليه يصير خير
اليازيه: جب... اوه صح م عرفتج ( اشرت ع مايد ) ها مايد اخوي ف التجنيد ( اشرت ع حمده ) و ميود هاي حمده
مايد كان واقف و يطالع حمده اشوي يأكلها بعيونه و حمده ساحبه عليه ابتسمت له بمجامله و مايد رد الابتسامه لها ...
محمد: مطولين شو يوعان أبا اكل
اليازيه: بطيني طول عمرك
ضحكوا كلهم عليه و نزلوا اليازيه ساسرت حمده...
اليازيه: ها اخوي إلى يحب عبود وايد
حمده: اوه عبيداني
اليازيه : هيه
حمده: محد يحبه كثري وينه اشتقت له
اليازيه: م اعرف احين بنشوف
نزلوا و كانوا كلهم ف الصاله قاعدين سلموا ع الكبار و قعدوا يتريقون حمده م كلت شي ...
أم محمد: ويدي يا بنتي حمده ليش م تأكلين
ابتسمت حمده: خالوها مابا بعدين باكل
أم محمد: متى بعدين كلي احين
اليازيه: ماما حمدوه م تحب تأكل من الصبح تشرب  v60 أو cold brew المهم قهوه وبعدين تأكل
يو محمد: هههه وأنتي كيف تعرفين مسرع
اليازيه: احم امس عرفت كل شي عنها اربيعتي الكلوز حمدوه صح حمده؟
حمده ابتسمت لها: صح
بو حمده: الله يحفظكن و يخليكن لبعض
كلهم: آمين
خلصوا أكل و قاموا يرتبون الصحون و يلمون السفره أم حمده و أم محمد كانوا ف المطبخ يشوفون شو ناقص من سامان...
أم محمد: يزوي يزويييي
اليازيه: ها ماما
آم محد: شوفي منو فاضي محمد ولا مايد
اليازيه: محمد طلع قال بيرد بعد ساعه يمكن شي جي الانت اربيعه يأبه فا سار له محد هني غير ميود
آم محد: خلاص عيل خليه يتجهز عشان يوديني الجمعيه
اليازيه: أوكيه... اممم ماما؟
أم محد: ها
اليازيه: ماما أنتي قعدي وأنا و حمدوه بنروح ناخذ الأغراض عنج مره وحده حمده تأخذ قهوه بدال لا تسوي
أم محمد: لا يطفرون ف مايد ماشي و بعد م بتاخذون إلى أنا أباه
اليايه: لا أمي بنأخذ و حمده تعرف
أم حمده: هي ابرايهن خليهم يروحون ونحن بنقعد نسولف
أم محمد: خلاص أوكيه
أم حمده: بس حمده شوفي اول شي أبوج إذا عادي ولا لا
حمده: أوكيه
راحوا حمده و اليازيه اليازيه راحت حق مايد و حمده راحت تستأذن من أبوها ...
حمده: ابويه عادي نروح أنا و يزوي الجمعيه نيب السامان الناقصه؟
بو حمده: عادي بس منو بيوديهم؟
حمده: خالوه قالت مايد
بو حمده: إمم انزين بس انتبهي ع عمرج
باست حمده رأسه : ان شاء الله
عند اليازيه دخلت شافت مايد يلعب بالسوني راحت عنده و خورت السماعه...
يزوي: قوم ودنا الجمعيه نأخذها لأغراض
مايد: مب فاضي مشغول خلو محمد
يزوي: محمد محد و. بعدين أمي قالت لنا يله قوم ودنا
مايد: أنتي ومن؟
يزوي: أنا وحمده
مايد: زين خلصن أترياكم ف السياره
يزوي: خمس دقايق و عندك
مايد: زين
راحت اليازيه الغرفه و كانت حمده قاعده ع الفون تشوف تيك...
اليازيه: يله خلصي مايد يتريا تحت ف السياره
حمده: اوك
لبست حمده و تعدلت اشوي و نزلت الصاله تتريا اليازيه اشوي و نزلت اليازيه و راحوا لمايد ركبوا السياره اليازيه قدام عدال مايد و حمده ورا تحركوا و طلعوا من العزبه اشوي و كسرت الصمت حمده...
حمده: عطوني بشبك
يزوي: اوكي دوج
عطتها الواير و شبكت حمده حطت أغنية عبدالمجيد عبدالله ما بين بعينك حمده كانت حاطتنها لسببين الأول حابه تسمعها الثاني تبا مايد يسمعها تقصده مايد أطالعها و سمع الاغنيه و ركز بكل حرف فيها و وحمده كانت تسمع و غارقه في بحر الأفكار و الاسئله بعدها خذ مايد الفون و حط أغنية مطرف المطرف يا حلو زوله و هو كان يقصد فيها حمده و يوم وصل لعند هل بارت غنى مايد وياه يعني دندنه جي ...

كل ما نادى بشوق فَز للهفه خفوق
اي احبك حب يجري بالعروق

حمده كانت بدون أي ردة فعل و يزوي حست انه في شي الموضوع فيه انه قامت حمده شبكت و حطت على كثر السنين حق راشد الماجد و خلصت الاغنيه و كلهم ساكتين و اليازيه مستغربه من الوضع وصلوا الجمعيه نزلوا خذوا عربانه...
حمده: يزوي بي بس اشوي
اليازيه: وين
حمده: بآخذ شي و بيج
يزوي: اوك
راحت حمده خذت رد بول الأزرق مال البلو بيري ورجعت عندهم بدوا يأخذون الأشياء إلى ناقصه و مايد كان يدف العربانه و حمده و يزوي هن إلى يحطن الأغراض خلصوا و راحوا عند مكان الثلاجات حمده ردت خذت ردبول احمر و ابيضّ حاسبوا  و راحوا يحطون الأغراض ف السياره و حمده فجت رد بول الأحمر وقعدت تشربه و مايد يخزها الأنه مب زين خلاص كم شربت وايد و بعد فوق ها ما كلت شي اما اليازيه ما كانت مركزه يالسه تفكر شو سالفة الأغاني وليش حمده كانت تصيح الفير خلصوا و ركبوا السياره و حمده خلصت الرد بول الثاني مالها اشوي و خذت الثالث فجته تبا تشربه و مايد يشوفها ما رام يسكت...
مايد: حوووو بسج
حمده خزته و ماردت
مايد: ارمسج أنا بسج مب زين
حمده: مالك حايه ( وجّهت نظرها حق اليازيه) حطي خالد عبدالرحمن
يزوي: اوك
حطت أغنية خالد عبدالرحمن مالت خبروه أني على وصله حيت و يت ع العوق حمده وايد تحب هل اغنيهه تمت تغنيها بصوت خفيف و بما أنها قاعده ورا مايد كان يسمعها اشوي و نبرة حمده بدت تتغير دمعت شافها مايد من المرايه اشوي وعدلت حمده عمرها و خلصت الردبول فرته وقالت...
حمده: ان قلتوا حق أمي أو ابويه أني شربت هل كثر يا ويلكم بزعل عليكم
يزوي: ههههه معليك عندي الموضوع
مايد: والى زعلان ومخلص
حمده: يزول م يهمني
مايد: متأكده؟
حمده: هيه
اليازيه: إيه أنتوا شو وضعكم ؟
سكتوا كلهم و وصلوا العزبه نزلوا السامان وكل واحد راح غرفته و قعدوا ع فوناتهم و حمده ردت ترقد...

شو تتوقعون بيصير ؟ هل في شي مايد خشانه عن حمده؟ هل حمده بترد له ؟ و محمد معجب بحمده ؟