لي وليف من بد العرب سارقني

Part 14

اليوم الثاني نشوا الساعه ١٢ الظهر و كانوا مرتبشين ألانه شي عزيمه بيون أهل أم محمد و بو محمد عندهم حمده نشيت تساعد أم محمد بعدها بساعه نشت يزوي و قعدن ف المطبخ لين ساعتين قبل الأذان...
حمده: خالوه انتي روحي أنا بخلص الباقي ( لفت ه يزوي ) وأنتي بعد
أم محمد: بس م يصير
حمده: يصير و يلا روحن
راحن يتعدلن و يتسبحن دخل مايد المطبخ وشاف حمده قاعده تطبخ و تعدل قال في خاطره ( فديتها حرمة بيت و سنعه ) حمده انتبهت لوجوده و تذكرت كلامه يوم قال لها حرمة بيت و سنعه ضحكت و قالت في خاطرها ( معقوله لين احين يقول عني جي ؟ ) اشوي و راح مايد ألانه العرب وصلوا و حمده بعدها خلصت من المطبخ راحت تعدل سفره الحريم و الريايل حق الفطور ع السريع قبل م يأذن أو حد اي خلصت من الحريم واحت وين الريايل قعدت ترتب لين سمعت صوت الباب ينفج...
...: يزو...
لفت حمده شافت منو هل شخص الشخص شافها و عرف ابتسم لها...
...: حمده؟ فديتج شو تسوين هني ؟ ولا من زود الحب اشوف البنات انتي؟
حمده: حبك برص و اطلع برا خلني اخلص
قرب منها هل شخص و مسك شعر حمده إلى طالع من تحت الشيله وهي مب منتبها حست بكمية لوعه مو طبيعيه من لمسته لفت و صفعته و قالت له بصوت عالي و نبرة تهديد...
حمده: والله ان بس لمست شعره مني ولا قربت صوبيه يا ويلك
يا حد من وراهم ...
...: اوه احمدوه صفعتك انته بعد
أحمد ماسك مكان الصفعه لف عليه وقال...
احمده: ع أساس يا الهرم ما صفعتك
...: هههه صفعتني ال**
أحمد: ههههه عليها ؟
...: يباله يله ؟
احمد: دامها زيود صفعتك اول أصفعها
و قبل لا يحصلون كلامهم دخل مايد إلى كان قاعد يسمع كل شي من البدايه...
مايد: طلعوا برا أنتوا الثنين
أحمد: افا ما هقيتها منك تطردنا عشانها ؟
مايد: اطلعوا برا لا والله اروح افضحكم الحين عند العرب
أحمد و زايد خافوا يعرفون مايد يقدر يسوي اكثر عن جي و طلعوا مايد راح لحمده و قال لها...
مايد: شي صار غير إلى سمعته ؟
حمده بدون م تشوفه قالت له...
حمده: لا
راحت داخل و مايد اشتغرب من حركتها دخلت داخل و شافت أم محمد مخلصه و يزوي قالت لهم انه كل شي جاهز وإنها بتروح تتعدل و تنزل راحت تعدلت و خلصت حست بتعب فضيع دقت ع أم محمد...
حمده: خالوه بنزل عقب بس برقد اشوي برتاح تعبانه
أم محمد: تعالي سلمي ع الاقل م يصير و بعد باقي شوي و يأذن ( ما واحت تخلص إلا إذن المغرب)
أم محمد: ها شفتي اذان تعالي فطري و روحي
حمده: م عليه خالوه حبيبتي بعدين
سكرت حمده عنها و حطت رأسها و نامت سابع نومه مر الوقت و حمده بعدها راقده أذن العشا و حمده ما نزلت لهم يزوي كانت تحاتيها...
- ميره ( تكون بنت خالتهم )
ميره: يزوي شو فيج ؟
شموه: هيه مبين انج متوتره شي فيج؟
يزوي: لا بس احاتي حمده
ميره: حمده؟ منو حمده؟
شموه: اربيعة يزوي و أبوها يعرف أبونا
ميره: اها و وينها م شفناها
يزوي: م ادري قالت بتنام و بتنزل عقب بس طولت
ميره: عادي يمكن تعبانه
شموه: هيه يمكن
كملوا سوالفهم عادي لين يت الساعه عشر تقريباً و خلاص الكل راح بيتهم و بو محمد و بو حمده راحوا يرقدون و أم محمد بعد راحت ترقد تموا محمد و مايد و يزوي راح محمد غرفته يتسبح و مايد بعده قاعد عند يزوي ع الفون و يزوي سرحانه مايد انتبه لها وقال...
مايد: حو وين وصلتي
يزوي إلى انتبهت عليه قالت...
يزوي: ها هلا
مايد: شو بلاج سرحانه
يزوي: ماشي
مايد: امبلا في شي قولي
يزوي: م اعرف مايد حمده من قبل الفطور قالت بتروح ترقد و لين احين م نشت ولا شي رحت عندها الغرفه مقفوله
مايد: دقي الباب انزين
يزوي: دقيت م ترد
مايد: قومي بنسير نشوفها
قاموا هم الاثنين و راحوا يشوفونها دقوا الباب م ردت و حاولوا يفجون الباب م ينفج مقفول قرر مايد يكسر الباب عشان يمكن شي فيها تم يحاول يكسره و الحمدالله كسره و محد نش من الأهل دخلت يزوي اول شي و شافتها راقده حاولت توعيها و تناديها بس حمده بعدها راقده مب طايعه تنش نادت مايد بخوف...
يزوي: مايد ميود تعالي سرعه
دخل مايد إلى كان واقف عند الباب توتر من صوت اخته دخل شافها قاعده ع طرف السرير و تحاول توعي حمده قرب مايد و حط ايده عند مكان النبض شافه منخفض قام شلها و لف ع اليازيه و قال...
مايد: هاتي عبايتها و عبايتج سرعه اترياج ف السياره
راح حطها ف السياره و تريا يزوي اتي يزوي شلت العبي سرعه و نزلت تحت ركبت السياره و راحوا طيران ع المستشفى و صلوا هناك عند الطواري و نزلوا حمده ع طول اول م دخلوا شلوها داخل عندهم قعدت اليازيه ع كراسي المستشفى و هي وايد متوتره و دمعت خافت تخسر حمده مايد شافها جي راح عندها و حضنها حضنته اليازيه وقالت...
اليازيه: مايد... والله خايفه ... خايفه اخسرها ( صاحت ) مابا اخسرها
شد عليها مايد و اشوي قام مسح لها دموعها وقال...
مايد: كل شي بيد الله
قعدت اليازيه ع الكرسي و مايد واقف رايح و راد ف ممر المستشفى لين طلع الدكتور راح ع طول صوبه مايد و مسك ايده قال...
مايد: ها دكتور طمني دخيلك
الدكتور: أطمن البنت بخير ما فيها شي مجرد الظغط نازل و إنها مو مأكله شي لزم اشوي تهتمون فيها وفي أكلها نحن حطينا لها اوكسجين الأنه كان نازل و بعد حطينا مغذي لها من يخلص تقدر تروح بس انتبهوا ع صحتها
و راح الدكتور عنهم و مايد ارتاح وايد و اليازيه بعد دخلوا عندها و كانت بعدها راقده مايد دق حق محمد عشان يشل اليازيه ...
مايد: احين دقايق و يوصل حمود روحي البيت بنخلص و بنرد عشان محد يعرف ولا شي
يزوي: زين
اشوي و وصل محمد راحت اليازيه و رد مايد الغرفه و حمده بعدها راقده قعد يشوفها و قعد ع طرف السرير يتأملها مسك أيديها اشوي جي و نشت حمده شافته و ما استوعبت الموضوع ابتسم لها مايد قامت حمده لكن م قدرت حست جسمها متكسر ساعدها مايد...
حمده: شو صار ؟ وليش أنا هني؟
مايد: ماشي من قبل الفطور انتي راقده لين فليل ساعه ١٢ ويزوي توشلت عليج م تردين و راقده من متى كسرت الباب و لقيت الأكسجين نازل عندج و يبنات هني
حمده: اوكي...متى بطلع
مايد: الحين بعد شوي
شوي ويت الممرضه و فجت المغذي من أيد حمده عدلت حمده عمرها و ساعدها مايد لين يركبون السياره ركبوا و حركوا ع البيت ف الطريق حمده ياها نوم حطت رأسها ع أيد مايد و قعدت ترمس ( تعرفون هل حاله إلى الشخص يقول كل شي قبل لا يرقد يعني م يحس بعمره؟ هذي في حمده جي يوم يكون فيها نوم جي يصير لها تقول كل شي تيب العيد ) قالت...
حمده: ميود
مايد: لبيه
حمده: تعرف بعدني احبك
مايد ابتسم وقال...
مايد: هيه
حمده: بس تعرف هذيج الخايس تباك
ضحك مايد ع طريقة حمده كيف قالتها
مايد: منو ؟ ميثا ؟
حمده: وع  ليش تصارخ عليك م احب حد يصارخ عليك منو تكون هي عشان تصارخ عليك
مايد: ههههه
حمده قرصته خفيف و قالت له...
حمده: جب خلني انام وايد تتكلم
مايد: نامي نامي فديتج
نامت حمده و مايد كان مخفف السرعه ما يدعس و خففها اكثر بعد هل موقف يبا يكون وياها اكثر يبا يحس إنها قريبه منه يبا وصلها وصلوا البيت ع الساعه وحده ونص تقريبا قعد يطالعها وهي راقده ع كتفه قام واعها عشان ينزلون نشت و نزلت من السياره و مايد بعده يساعدها الانه تعبانه وايد م تروم تمشي قعدها ع الكرسي ف المطبخ ...
حمده: ليش يبتني هني أبا ارقد
مايد: اششش
حمده: شو إلى اششش أبا ارقد ودني
مايد: سكتي ( رفع أكمام كندورته ) بطبخ لج أكل فناننن الانج مب مأكله شي
حمده: مب مستغنيه عن عمري
مايد: افا باباتي م تبين اطبخ لج
حمده عطته نظره و ابتسمت له...
حمده: شو بتسوي
مايد ضحك و أستانس عليها...
مايد: امري شو تبين
حمده: ع راحتك إلى تباه اطبخه
مايد: تم
قام طلع الأشياء من الثلاجه و بدأ يقصص الخضرا و حمده تشوفه و مركزه بكل تفصيل يسويه و منتبها ع كل شي خلص من الخضار بدأ يطلع البهارات ويسخن ماي و حط الزيت و البهارات و الخضار و ف الصوب الثاني حط الاندومي خلص من الخضار سكر النار عنه و اتريا الاندومي اشوي و خلص و حط الخضار و الاندومي معا بعض و قعد يعدل الطبخه خلص طلع ماي بارد اثنين و حط الأكل ف صحون و حطهن ع الطاوله وقال...
مايد: يله حبيبي تعالي كلي
حمده انصدمت بس استأنست ع كلمة حبيبي و مايد استوعب و ضحك ع عمره قعدوا يأكلون بصمت و خلصوا أكل ...
حمده: تسلم إيدك ع الأكل م توقعت وايد لذيذ
مايد: الله يسلمج هههه شو تتحرين انتي بعدج م شفتي شي
حمده: هههه اوكي يله بروح ارقد
قامت بتطلع بس لفت عليه وقالت...
حمده: شكرا، ع كل شي اليوم
مايد ابتسم لها بحب...
مايد: العفو م سويت شي
راحت ترقد حمده و مايد سكر المطبخ و راح يرقد رقدوا هم الاثنين وهم يذكرون كل شي صار وياهم اليوم و مستأنسين قاموا الظهر كلهم ما عدا حمده و مايد قعدوا يزوي و شموه و أم محمد يرتبون حق الفطور و نشت حمده ع العصر خلصت كل صلاواتها و نزلت تحت...
أم محمد: هلا هلا بالغاليه
حمده: هلا فيج خالوه
راحت باست رأسها و أم محمد حضنت حمده...
أم محمد: قالوا لي تعبانه شو الحين احسن؟
حمده: هيه خالوه
أم محمد: الحمدالله
راحت حمده تبا تساعدهم يزوي صارخت...
يزوي: ححححووووو ماشيييييي
شموه: هههيي يله روحي
حمده: بسم الله روعتني شوه بساعدكن
شموه: ماشي سيري
أم محمد تضحك عليهن...
أم محمد : سيري ابرايج قعدي ارتاحي اليوم يوم بيقرب يأذن وعي مايد نش الصبح ياب السامان و رقد الظهر بعد الصلاه
حمده: ان شاء الله خالوه
مر الوقت وحمده راحت وعت مايد نش مايد صلى العصر و نزل رتبوا البنات السفره و قعدوا كلهم فطروا و عقبها كل واحد راح يصلي بعد الصلاه راحت حمده تتمشى ف الحوش ملت من القعده و كانت وياها يزوي يسولفون وجي مرن من صوب الخيمه و سمعوا صوت حد...
...: سمعي قلت لج كلامي و ابتعدي يكون احسن لي. ولج
...: ما اباج ياخي فهمي
...: هيه احبها و أباها
...: بلي ما يحفظج باي

سكر الخط و طلع أنصدم بحمده و يزوي إلى برا كانن مستغربات منه و هو مصدوم انه موجود هني...
يزوي: ميود من كنت تكلم
مايد عينه ع حمده و يرمس...
مايد: محد
يزوي: كيف محد و نحن نسمعك ترمس بعدين شوفني اكلمك
لف عليها مايد وقال...
مايد: ارمس حد مو لزم تعرفين أنتي هذا الشي
و راح عنهم حمده كانت بدون ردة فعل يعني ماشي أي شي تقوله أو تحس فيه نفس البرود أو التبلد...راح مايد داخل دخل غرفته و قعد فيها لين ١ الفير تقريباً قرر يطرش حق حمده مسج...
"مايد: حمده واعيه ؟"
بعد دقايق ردت عليه حمده...
"حمده: هيه؟"
"مايد: أبا اكلمج "
"حمده: وين"
"مايد: عادي أتين الغرفه عندي؟"
"حمده: وإذا حد شافنا ؟"
"مايد: محد بيشوفنا ما عليج "
"حمده: اوكي "
لبست حمده شيلتها ألانها بعدها ما بدلت و راحت عنده الغرفه دقت الباب و فج الباب حقها و دخلت قعدت ع الكرسي مال السوني و سكر الباب مايد و قعد ع الكرسي الثاني... شافها و قعد يطالعها لفتره و حمده ساكته تشوفه بعد اشوي تكلم و قال...
مايد: حمده ما اعرف من وين أبدا الكلام ميثه أنا اليوم تركتها و حذفت كل شي يخصها اليوم يوم سمعتيني أنتي و يزوي يوم ارمس ف الفون كنت اكلمها عشان أنهى كل شي بينا... حمده أنا عرفت إني احبج و مو بس جي أنا أموت فيج ما اقدر بدونج احسني ضايع ما اعرف كيف......حمده لو أتقدم لج توافقين ؟
حمده فرحة واااايد بس انصدمت بعد وايد ما توقعت جي بهذي السرعه بتقدم لها و هذا كله يصير تمت ساكته من الصدمه و تشوفه مسك أيدها مايد قال...
مايد: حمده حبيبي بتوافقين؟ ( شد ع أيدها ) ها ؟
اشوي خذت وقت حمده لين استوعبت عقب قالت له...
حمده: انت و النعم فيك و ألف وحده تتمناك و لو أتشوف عمرك قادر تعرف وين أبوي
مايد أتشقق من الفرحه وقال...
مايد: افهم أنج موافقه ؟
حمده ضحكت و احمرت نزلت رأسها مايد قام حضنها من فرحته دقايق و استوعب إلى صار ابتعد عنها ع السريع قامت حمده و طلعت من الغرفه من الصدمه و المستحه... مر شهر رمضان ع خير و في اول يوم عيد مايد تقدم لحمده رسمي و بو حمده وافق و حمده بعد تم العرس و خلصوا الملجه و في يوم العرس...
بو حمده: ما أوصيك يا ولدي يا مايد حمده بعيونك أغلى وحده من بناتي حمده
مايد: بحطها بعيوني عمي لا توصي حريص
انزفوا في هذيج اليله و كل واحد فيهم مستانس مو عارف حتى يوصف شعوره راحوا الفندق ارتاحوا الصبح...
حمده: حبيبي ( تقرب صوبه و تبوس خده ) حياتي يله قوم ورانا سفره
مايد: اممممم
حمده: يله يروحي قوم
نش مايد و سحب حمده ف حضنه حضنها و عقبها نش تلبسوا و ساروا المطر سافروا شهر العسل ...