محمد عصب من حركت حمده وايد و هو من قبل وده يرد الكف حقها يوم صفعته راح عندها و الشر يطاير من عيونها ...
أم محمد: حمود بلاك معصب
يزوني مستغربه من عصبية اخوها طنش محمد كلام أمه ولا جنها رمسة راح ع طول رفع ايده ع حمده و صفعها حمده اساساً م استوعبت كيف انه داخل و معصب و احين صفعها بعدها مب مستوعبه. أم محمد و يزوي من صدمات منه وايد...
محمد: هذا الكف بدال إلى عطيتيني إياه
رفع إيديه يبا يصفعها مره ثانيه لكن هل مره مايد دخل و وقفه عند حده و قام صفع محمد ع ويه...
مايد: اطلع برا انت و ولد خالتك الخايس ( صارخ ) براااا
محمد: تضربني عشان وحده *** و تطردني أنا و زيود عشانها ( يأشر عليها ) هاي وحده ***
مايد مسكه من كندورته...
مايد: حمود اطلع براً لا والله ما يصير خير
طلع محمد و زايد من البيت و حمده استوعبت إلى صار ع طول قامت و راحت فوق بدون أي كلمه...
أم محمد: حسب الله عليك يا محمد جانك بتفضحني ( صاحت ) البنت شو يخصها تضربها مب من أهله بعدها و يصفعها
مايد: م عليج أمي محمد مب صاحي ابرايه
شاف انه يزوي بتقوم تلحق حمده فا قال لها...
مايد: شوفيها و طمنيني عنها
يزوي: زين
راحت اليازيه ادور ع حمده مالقتها و مايد دخل غرفته شاف انه حمده عنده ف الغرفه استغرب مب من عادتها لكن حمده يوم راحت فوق خربطت بين غرفة مايد و يزوي الأنهم عدال بعض و حمده بعد مب مركزه كانت دافنه ويها و تصيح دخل مايد و سكر الباب و طرش حق اليازيه انه حمده عنده و تغطي عليهم و راح لحمده مسح ع ظهرها حمده كانت تتحراه أبوها حضنته بدون م ترفع رأسها و تمت تصيح و كل مره مايد يمسح عليها حمده تشد عليه اكثر لين مايد ما سمع لها حس و حس بثقلها عليه. و أيدها بدت ترخي عرفه أنها يمكن نامت رفعها عشان يعدلها و شافها راقده عدلها و تم يتأملها... بعد م مر نص ساعه تقريباً حمده نشت و شافت إنها مب ف غرفة يزوي اتسغربت قامت عدلت شيلتها ألانها كانت طايحه اشوي و انتبه تامه في حد ف الغرفه استوعبت أنها ف غرفة مايد قامت بتروح بدون صوت و لا انه ينتبه عليها لكن مايد شافها من شاشة التلفزيون ...
مايد: حمده
حمده لفت عليه و تقول يارب م يكون صار شي
حمده: هء...هلا
مايد وقف وصار لعندها قعد و قال لها اتي تقعد. قعدت حمده. بينهم مسافه ...
مايد: حمده اول شي اسف ع إلى صار انه زايد سمعج كلام ماله داعي و محمد صفعج و هذا كله اسف بالنيابه عنهم
حمده: حصل خير
سكتوا اشوي قالت حمده بفهاوه...
حمده: عيوني منتفخه و يهي؟
مايد ضحك من الخاطر ع طريقة حمده كيف قالتها و على فهاوتها...
مايد: هههه لا عادي بس شوي
حمده بعدها مفهيه: الحيوان عورني
مايد مبتسم ع طريقة كلامها...
مايد: م عليه صفعته لج أنا و أي حد يسوي لج شي م بخليه بحاله شو بعد تبين
حمده: سلامتك
قامت بتروح لكن مايد مسك لها أيدها لفت حمده عليه و هي مستغربه ...
مايد: حمده عادي نرجع ؟
حمده انصدمت وايد م توقعت انه جي يقول لها ...
حمده: مايد قلت لك من قبل و ارد أقولك عندك ميثا تتهنون
خورت أيدها عنه و طلعت قبل م تطلع لفت عليه وقالت...
حمده: أتمنى محد يعرف أني كنت هني و يت بالغلط
طلعت حمده من الغرفه وسكر الباب وراها راحت تحت و شافت أم محمد قاعده ف الصاله أروحها تشوف التلفزيون يوم نزلت حمده شافتها أم محمد...
أم محمد: تعالي حبيبتي يا حمده والله سامحيني و امسحيها بويهي
حمده: بس خالوه عادي ادري أنتي مالج خص بلي سواه محمد و بلي قالوه عادي ابرايهم م هموني
أم محمد: صدق ؟ يعني مب زعلانه عليه
حمده ياست رأسها وقالت...
حمده: ازعل ع العالم كله إلا منج. خالوه م ازعل
أم محمد: فديتج
حمده: عيل وين خالي و ابويه؟
ام محمد: راحوا يصلون التراويح و بيون
حمده: عيل أنا بقوم بعد بصلي وبيج
ام محمد: زين حبيبتي
قامت حمده توضت و فرشت سيادتها و صلت خلصت صلاه و راحت عند أم محمد حطت حمده رأسها ف حضن أم محمد و أم محمد قامت تمسح عليها بعد ساعه رجعوا بو محمد و بو حمده من برا قعدوا كلهم ف الصاله أم محمد و بو محمد و بو حمده و يزوي و حمده عبيد قعدوا يسولفون كانت الساعه عشر فليل...
يزوي: ابويه في خاطريه كوفي أو رد بول عادي تودينا ؟
بو محمد: ما فيني شوفي محمد ولا مايد
يزوي: اوكي
قامت يزوي و صورت حمده و هي حاطه رأسها ف حضن أم محمد و طرشته حق مايد و كتبت له ( يله انزل طلعنا كوفي ولا نخطف ناخذ رد بول ويا حبيبة القلب هههههه) مايد شاف الصور و ابتسم من الخاطر بس تذكر كلام حمده قبل لا تروح تحت طرش حق يزوي ( تلبسن أترياكم ) و نزل الصاله يترياهن يخصلن و حمده و يزوي راحوا يتلبسن نزلن و ترخصوا من الكبار و راحوا يحطون خطفوا ع كوفي خذ يزوي ماتشا و حمده و مايد v60 خذوه و راحوا يلفون في شوارع بوظبي حمده مايد كان فاج الدريشة إلى من صوبه و كان الهوا البارد يدخل عليهم و حمده من هل هوا و الطلعه حست انه الروح ردت لها صورت و طرشت ستريك كانت كاتبه ( جنها ردت لي الروح هل طلعه ) و طرشت ستريك للكل عندها وصل المسج مال الستريك حق يزوي فجته و قرت ابتسمت و راوت مايد الستريك بدون ما حمده تنتبه ابتسم و فرح وايد انه حمده احين بخير اشوي و يرن فون مايد كان مكتوب ميثا شافت حمده اسم المتصل اتضايقت اشوي بس م بينت لحد رد مايد عليها...
مايد: هلا
ميثا كانت محتاره و صوتها ينسمع بدون سبيكر من كثر ما كان عالي...
ميثا: انت وينك؟ و ليش م ترد ؟ ها؟
مايد: لا ترفعين صوتج
ميثا: أنا ما ارفع صوتي؟ هاااا؟ أنا يا مايد؟ احين جئ انت تعاملني ؟
مايد: اختصري مب فاضي لج شتبين
ميثا: أباك ترد البيت الحين و تدق لي
مايد: يوم يكون الشور شورج و لا تدقين عشان ما ابلكج
ميثا عرفت انه مايد عادي يسويها صدق و يبلكها خافت و غيرت نبرت صوتها...
ميثا: بس حبيبي يعني أهون عليك تبلكني؟
مايد واضح انه تلوع منها حطه سبيكر و فر الفون عند يزوي...
مايد: خليها تأكل ****
يزوي: أنتي إيه يقول لج مايبا يرمسج و مب فاضي لج
ميثا: إيه أنتي عطيني البيب...
شل مايد الفون من يزوي و سكر الخط في ويها قبل لا تكمل ترمس يعرفها ما بتسكت حمده ضحكت ع إلى صار خذت الفون و حطت أغنية. خالد عبدالرحمن خبروه إني على وصله حيت تمموا يسمعونها و عيون مايد و حمده إلى كانت ترمس وصل مايد عند الكورنيش بركن و نزلوا قعدوا يتمشون اشوي و حمده يا في خاطرها تدخل ريولها ف المآي خبرت يزوي و راحت مايد كان طول الوقت يراقبها راحت حمده و رفعت كندورتها و عبأتها و دخلت ريولها ف الماي و سكرت عيونها. اشوي و حست انه حد عدالها...
...: اسف
حمده: روعتني عادي م يهم
مايد: حمده أبا اقولج شي بصارحك فيه
حمده قررت تسمعه ما وراها شي و تحب تسمع الطرف الثاني في أي علاقه عشان م تغلط و بعد انه مايد اول مره جئ يقول لها...
حمده: أسمعك حب... ( كانت بتقولي حبي بس سكتت ع آخر شي )
مايد لاحظ الكلمه إلى كانت بتقولها و ابتسم...
مايد: تعالي نقعد هني ع التراب و نرمس
راحوا قعدوا ع الأرض و يطالعون البحر...
مايد: زايد يكون ولد خالتي مب اخويه و أحمد يكون أبوه ولد خالة يدي معرفه من بعيده...
حمده ساكته و تسمعه
مايد: ميثا اعرفها من أربع سنوات صح كانت بينا مشاكل دوم و كانت زايده المشاكل علينا يوم كنا نعرف بعض...حمده أنا حبيتج لقيت فيج أشياء م لقيتها في أي وحده والله اسف ع كل إلى سويته ابتعدت عنج ألاني ما استاهلج لكن والله إني متعذب و احس بحرقة يوف فيني... شفت محمد خويه يوم قال انه معجب فيني كان ودي اروح له. أضربه ضرب بس مسكت عمري و برد خاطري اشوي يوم عطيتيه الكف
حمده: انزين
مايد: حمده شو انزين ؟ لا تكونين بأرده وياي دخيلج ( لف عليها و شافها ) سمعت أبوج يوم يقول انه ولد عمج يباج خبرج ؟
حمده: هيه
مايد: وأنتي رفضتي ؟
حمده: ما اعرف
مايد: حمده اعرف انج م تحبين عيال عمومج
حمده حبت تستفزه اشوي و تخليه يحس أنها مب موجوده دوم...
حمده: اعرف لكن إذا كان نصيبي حد من عيال عمي بستخير. و بوافق
مايد عصب و تنرفز من كلامها وحسها ترمس بجديه هل مره...
مايد: حمده عشم ابليس ف الجنه والله ع قص رقبتي تأخذينه
وقف...
مايد: و يله نروح
وقفت حمده عشان بروحون وكانت مستأنسه ع الوضع اول مره تشوفه جئ ركبوا السياره بس يزوي بغت تركب ورا الأنه فيها نوم بتنام لين يردون البيت ركبت حمده و كانوا حاطين أغاني. مقصرين ع صوت ومايد معصب وااايد منها و محترقه و حمده تشوف و تبا تضحك بس ما تروم حطت أغنيه تلميح حقه حق محمد عبده محبتك هل أغنيه كانت اول اهداء من مايد لحمده حطتها و مايد سمعها بدت ملامح عصبيته ترتخي و يوم وصل عند هل بارت مايد تجرأ و مسك صبع حمده الصغير...
أدوّر الراحه مـعك بس ما ارتـحـت
وانا رغم ما شفت يدفـعني الشوق
أتـابعـك ، واطـاردك وين ما رحـت
ولاهو صحيح إن كل مطـرود ملحـوق
حمده حست بشعور غريب اول مره ولد ما يحل لها يمسكها ما عارضة حمده بالعكس شدت عليه مايد شافها و ابتسم لها و هي ردت له الابتسامه و صلوا البيت و عوا يزوي عشان تنز و يت حمده بتنزل بس لفت ع مايد و قالت ...
حمده: أتوقع جوابي وصلك
مايد: وصل
نزلت حمده و هي مستأنسه وايد و تحس الفرحه مش سايعتنها و مايد من يوم عرف جوابها و هو مستأنس وايد يت الساعه ثلاث الكل نزل يتسحر بس حمده ما بغت و كملت نوم خلصوا الكل سحور و راحوا يرقدون...
شو رأيكم ف البارت؟ و شو توقعاتكم بيصير ؟ و هل كنتوا متوقعين كلام مايد ؟
أنت تقرأ
لي وليف من بد العرب سارقني
Romanceرواية اماراتيه (مكتمله) أحداثها واقعيه ١٠٠٪ . و عطوني رأيكم فيها
