لي وليف من بد العرب سارقني

Part 10

بعد انقطاع دام لشهور تقريباً ثلاث أو أربع شهور أهل حمده تغيروا وايد و صاروا احسن بو حمده صار م يتخلا عن بنته ابداً و يحب يطلع معاها دوم و وااايد يحب حمده و يميزها اشوي عن باقي خواتها و اقرب وحده هي و حمده صارت حياتها كلها أهلها و دراستها وربها و اربيعاتها وبس و ام حمده تغيرت وايد لكن للأسف مش للأفضل صارت تفرق بين حمده و اخوانها بين الأولاد و البنات يعني صارت تفرق بين أغلاطهم و إذا واحد سوا شي تزعل عليه شهور عادي و تعامله معامله خايسه وايد ع عكس معاملتها حق الأولاد تحبهم و إذا سوا شي عادي تزعل كم يوم أو كم ساعه و ترضا عليهم حمده كان ها الشي وايد مضايقتها لكن م تقدر تقول شي...

بو حمده: هيه...خلاص ع خير إنشاء الله... هيه أكيد أكيد... بني أنا و العيال... يله زين وداعت الله بومحمد
سكر بو حمده من بو محمد و...
بو حمده: حمده... اوه يا حمده وينج
حمده: ها ابويه
بو حمده: اقولج شوفي منو بيسير عندي بوظبي
حمده: اوه بوظبي وين
بو حمده: بنروح عند ريال
حمده: عادي اي وياكم؟
بو حمده: هيه بتين أنتي بس شوفي الباقين بنتيمع عند هالريال نحن و أهله
حمده: اللهه حبيت ... بقول لهم انشاءالله

راحت حمده تخبرهم و بدو يجهزون عشان يروحون عندهم و يوصلون ع المغرب أو العشا طبعاً   إلى راحوا حمده و أم حمده و بو حمده مطر و موزه و موضي و بشاير و عبود الباقين قعدو ف البيت راحوا و وصلوا العزبه كانت ف الختم يوم وصلوا شوي ضاعوا م عرفوا اي عزبه فا دقوا ع بو محمد و قال لهم وين و وصلوا...
بو محمد: حي الله من يانا حياك بو حمده اقرب
بو حمده: الله يحيك و يبقيك
و تخاشموا و دخلوا الشباب الخيمه إلى برا و الحريم دخلن داخل الخيمه الثانيه
أم محمد: حياج الله يا أم حمده
أم حمده: الله يحيج
و سلموا حمده و موزه عليهم و بنات أم محمد سلمهن ع أم حمده و قعدوا كلهم
أم محمد: ما شاء الله يا أم حمده منو هاي ( اشرت ع حمده)
أم حمده: هاي بنتي البجر حمده آخر سنه انشاءلله ثنويه عامه
أم محمد: ما شاء الله عليها الله يحفظها
اليازيه: حمده شو تفكرين تدخلين بعد التخرج
حمده: ان شاء الله امن سيرباني أو أي شي يخص الكمبيوتر الأنه احب هل أشياء وأيد
اليازيه: إنشاء الله
وقعدوا يسولفون لين المغرب و حمده و اليازيه صاروا وأيد كلوز ويا بعض اماً موزه كانت تسولف معاهم بس مب وأيد و شمه كانت محتاسه ويا اليهال...
اليازيه: تعالي بوريج عبيد
حمده: يله
راحوا يشوفون عبيد عبيد يكون اخو اليازيه و شمه عمره 1-2 شي جئ
حمده: وااااي يا حياتي حبيبي ( باسته) عمرييي
اليازيه: ههههه لا شكلج حبيتيه
حمده: ومنو م يحبه طاع كتكوت والله ( شلته )
اليازيه شافت عبيد: عبود شكله في حد يحبك بدال اخوك هههههههه
عبيد كان يطالعهم و يضحك مب عارف شسالفه شلوه و راحوا عند امهاتهم قعدوا عندهم يسولفون حمده طول الوقت شاله عبيد مب طايعه تفجه حبيته وأيد و بشاير غارت ليش تشل بيبي ثاني عند الريايل...
بو محمد: والله من زمان عن هل يلسه يا بوحمده
بو حمده: هي والله آخر مره يوم كنا شباب بعدنا مب معرسين
بو محمد: هي ( أطالع عياله و عيال بو حمده ) و كبرنا و شوبنا
حمده دخلت عندهم: لا عمي أبوي بعد بيعرس بياخذ الثانيه
ضحكوا كلهم و نط اليازيه وياها : هي حتى انت ابويه
الأمهات سمعنهن و عصبن عليهم ما خلوهم يدخلون الخيمه فا تموا حمده و يزوي عند الشباب كانوا يلعبون ورقه...
حمده و محمد
مطر و اليازيه
حمده: هههه م بتفوزون اليوم ع هل لعب
محمد: هههههههههه صدقها شو ها
مطر: هاي البقره ما تعرف شسوي أنا
اليازيه: إيه البقره أختك
حمده: يا حيوانه أنا شكو
اليازيه: والله سوري بس يعني م يخصني هو غبي
حمده: صح مطر العب عدل عن الغش
كملوا لعب و حمده و محمد فازوا خلصوا و راحوا يتعشون و رقدوا ألانه كانت الساعه ١٢ وشي؛ ع الساعه وحده ونص تقريباً رن تلفون حمده شلته و ردت بدون م تشوف الاسم...
حمده: الو
...: حمده وينج ضروري اباج
شافت حمده الاسم وكانت اربيعتها اريام : شو فيج ولا ويت سكري بطلع و بدق لج
اريام: اوكي
طلعت حمده ترمس اريام وكانت لابسه مخور و شيلتها ع رأسها و السماعه ف أذنها
حمده: م عليه يا حبيبي إنتي استخيري وإذا ارتحتي و شفتي كل شي أوكيه وافقي بعد اهلج م بيغصبونج ع شي
اريام: م اعرف حمده خايفه وأيد هاي ثاني مره أي حد و يخطبني
حمده: ماعليج حبيبي لا تخافين إنتي استخيري و شوفي عمرج و لو فيه الخير تراج بترتاحين و بتشوفين كل شي تيسر
اريام: ان شاءالله و اسفه وعيتج الحين
حمده: لا عادي حبيي احين حطي راسج ورقدي وباجر الصبح خير ان شاء الله
اريام: انشاءالله تصبحي ع خير
حمده: وأنتي من أهله يروحي
سكرت حمده الخط وقعدت برا قدام الخيمه و الهوا البارد يضرب عليها وكان الجو حلو و كانت تفكر و هواجيس صدق اشوي وسمعت صوت من وراها...
...:حمده؟
لفت حمده و انصدمت من إلى قدامها...

شو تتوقعون بيصير و منو شافت حمده؟ ادري البارت قصير لكن معليه بعوضكم البارت الياي