في غرفة مايد كان يلعب سوني و سرحان يفكر بحمده و بلي صار و كيف قال لها احبج و بعدها هانت عليه كان يفكر كيف انه حمده واضح أنها تحبه لو أنها تسكت عيونها تفضحها... عند اليازيه كانت تفكر بأخوها و حمده انه شو سالفتهم و ليش الوضع. وليش حمده كانت تصيح امس م عرفت و ودها تعرف قررت تكلمها يوم بتنش... في الصاله كان بو حمده و بو محمد قاعدين يسولفون و فجأه رن فون بو حمده وكان اخوه علي...
بو حمده: السموحه بو محمد بس برد ع الاتصال
بو محمد: مره خذ راحتك
رد ع الفون بو حمده...
بو حمده: يا مرحبا الساع
بو سيف ( اخو بو حمده اسمه علي ): مرحبابك
بو حمده: اشحالك يا خويه وينك قاطع ولا تسأل
بو سيف: والله موجود بس تعرف اشغال و الدوام و البيت ها كله مآخذ وقتي
بو حمده: هيه الله يعين
بو سيف: والله يا خوي داق عليك أباك بموضوع ولو أني اعرف لزم نتقابل و نرمس لكن الولد مستعيل إلا أرمسك
بو حمده: تفضل
بو سيف: تعرف ولدي سيف كبر و باقي له اشوي ويا بنتك حمده بيتخرج و يدخل التجنيد و يخلص اموره و بعدها جاهز يفج له بيت
بو حمده: هيه صحيح
بو سيف: هيه و الولد رمسني من يومين يبا بنت عمه و شاريها
بو حمده: بس البنت يمكن م توافق
بو سيف: شو هل رمستيها خويه البنت مالها إلا ولد عمها
بو حمده: يا خويه تكانت تعرف إني م بجبر بنتي ع شي هي ما تباه لو وافقت و ارتاحت ابرايها لكني اجبرها إسمحلي اخوي
بو سيف: م عليه يا خويه شوفها ورد علينا خبر
بو حمده: خير ان شاء الله
و سكروا الخط...
بو محمد: عسى خير بو حمده؟
بو حمده: خير يا خوي هذا علوه اخويه عنده ولده سيف و يبا البنت وأنا الصراحه مابا اجبرها لكني بشوفها
بو محمد: خير ان شاء الله و إذا فيه الخير ترا الموضوع بيتيسر
بو حمده: ونعمه بالله
إلى محد انتبه عليه انه في حد كان يسمع حوار بو محمد و بو حمده يوم خلصوا راح غرفته و ما قال شي... في غرفة البنات اليازيه قاعده تفكر تصارخ اخوها قالت بتصلى العصر و بتروح دام انه أذن صلت و راحت لمايد الغرفه...
يزوي: ميود عادي أكلمك؟
مايد: ها شو تبين؟
يزوي: شوفترانيكبيره و فأهمه و اساساً واضح كل شي انت و حمده بينكم شي؟
مايد : لا شو هل رمسه
يزوي: مايد تراني مب غبيه عادي قول
مايد: طلعي برا خليني العب
اليازيه: زين م عليه مردي اعرف
مايد: زين زين
طلعتاليتزيه من الغرفه و كانت حمده اوردي واعيه وقاعده ترتب اغراضهم الأنهم بيردون العين بعد صلاة العشا...
اليازيه: ياخي حمدوه ما اباج تروحين تمي ويانا
حمده: م عليه المره اليايه حبيبتي
خلصوا ترتيب وكان ع وقت المغرب جي صلوا و قعدوا كلهم ف الصاله الكبار و الصغار يقعدوا يسولفون وعقبها تعشوا و يا وقت انه بو حمده و عياله يروحون...
بو حمده: يله عيل نحن نترخص منكم ومشكور يا خوي بو محمد ع هل لمه
بو محمد: والله أنتوا إلى نورتونا و استأنسنا وياكم في هل يومين
بو حمده: يله عيل نحن نترخص
سلموا ع بعض كلهم و راحوا ركبوا السياره...
حمده: وي بابا ويت نسيت الجرج و السماعه بروح ايبهم
بو حمده: يله لا تتأخرين
أم حمده: لحول خلصي
حمده: زين
راحت حمده غرفة يزوي خذت الجرج و السماعه وكانت يا تطلع بس دخل محمد الغرفه و سكر الباب...
حمده: اء محمد شو تبا ؟ خوز
محمد: حمده أبا اقولج شي عقب روحي
حمده: انزين فج الباب ع الاقل
محمد: انزين
فج الباب اشوي ...
محمد: حمده أنا م اعرف هل هو حب أو شو لكن أنا معجب فيج من يوم شفتج و لو تأكدت من مشاعري بي أتقدم لج
حمده انصدمت وايد م توقعت قالت له...
حمده: لا اتي تتقدم أو شي الأني برفضك فا لا تسبب احراج لي ولك والله يوفقك ويا بنت الحلال
دزته حمده و راحت ركبت السياره و حركوا ع العين و طبعاً في حد بعد سمع إلى صار بين حمده و محمد...بعد يومين تقريباً من هل احداث بو حمده شاف انه الوقت المناسب انه يكلم بنته حمده عن موضوع ولد عمها سيف صحيح بو حمده ما يبا حمده تأخذ من العايله لكن شو يسوي لزم ع الاقل يقول لها...
بو حمده: حمده حبيبتي تعالي اشوي بكلمج
يت حمده و قعدت عدال أبوها...
بو حمده: حمده بدخل ف الموضوع ع طول ولد عمج سيف تقدم لج وأنتي تعرفين رأي في هل موضوع لكن بعدني بسألج أنتي تبينه ولا لا
حمده ع طول ردت عليه: لا طبعاً م أباه
بو حمده و هو مرتاح جنه هم و انزاح عنه: زين يا حبيبتي ريحتيني
أنت تقرأ
لي وليف من بد العرب سارقني
Romanceرواية اماراتيه (مكتمله) أحداثها واقعيه ١٠٠٪ . و عطوني رأيكم فيها
