لي وليف من بد العرب سارقني

part 3

أبا أشوف تفاعلكم و رأيكم بالبارتات و لو في شي حابيني اسوي خبروني و نشوف 🤍🤍. قرايه ممتعه لكم...

ان لله وان اليه راجعون

ام حمده: حمده يدج توفى خبري عمتج والباقين

انصدمت حمده وتمت ادق على أمها مره و مرتين وثلاث بس ما كانت ترد عليها ابداََ و دقت على الكل ومحد يرد وفي نفس الوقت دخل عليها اخوها

مطر: حمده صدق الى سمعته ابوي يقول يدي توفى ! يدي راااح

وانهار راح الغرفه الانه ما يحب حد يشوفه وهو يصيح و سمعوه الكل حمده قامت تروح تشوف عمتها دخلت عليها الغرفه ولقتها تضرب عمرها و تقول راح ابوي راح الغالي وتصيح وتضرب عمرها حمده هني عرفت انه الخبر وصلها بس ما عرفت كيف تتصرف ابداََ راحت على طول لحرمة عمها دخلت عليها وكانت حرمة عمها تنظف المكان.

حمده: خالوه يدي يدي مات...بسرعه روحي شوفي عموه قاعده تضرب عمرها ما اعرف شو أسوي

حرمة خلت المكينه و على طول لبست شيلتها و راحت الغرفه تشوف العمه (منى) دخلت وقعدت تهديها و تحاول توقفها وكانت حرمة العم بعد منهاره البيت كله منهار الا حمده كانت واقفه وصامده تحاول تهدي الكل ما نزلت دمعه وحده منها دق عليها خالها سالم وقال لها انه بيمر يشلها يودها عند خالها محمد و عقب بيودونها تسلم على يدها وهو في الثلاجه سكرت من عنده و راحت تتلبس و قالت حق اختها موزه تتلبس و وصت الخدامه تنتبه على اخوانها و ما تخليهم بروحهم واذا في شي ادق عليها ع طول نزلت حمده وكان خالها سالم واصل ركبت السياره و عزاها خالها و وصلوا عند خالها محمد نزلوا حمده و موزه ركبوا عند خالهم و راح الخال سالم الدوام اول ما ركبت حمده حضنها خالها على طول وتم يمسح عليها وحمده ولا حرف ساكت وحتى دموعها لين احين ما نزلوا راحوا المستشفى و سلموا على يدهم شافوا الكل هناك يصيح حريم ريايل الكل كان يصيح و منهار و الناس تسلم على حمده و تعزيها وحمده شي منهم عرفتهم وشي منهم لا. مرن أيام العزا على الكل وحمده بعدها على نفس وضعها ساكته وهاديه. كان يدها السند لها كان يوقف ويدافع عنها بكل شي حمده اول حفيده له فرحته الاوله حمده يحبها واايد وما يرضا عليها من شي حتى مره طاحت من الدراجه وانكسرت ايدها ويدها عصب على ابوها انه ليش توديهم وما انتبهت على حمده كانت حمده دلوعت يدها لو شو ما يصير ما يرضا كلمه وحده عليها يحبها وايد وايد وهي بعد كانت تحب يدها وتموت فيه مات الله يرحمه بسبب السرطان والى عرفوا متأخر وسافر برا للعلاج لكن ماشي فايده المرض انتشر في جسمه كله.

بعد مرور سنتين او ثلاث صار عمر حمده 16 كبرت حمده وصارت تكتم وتتعلم وايد والحال نفس ما هو صارت غير عن قبل بس ما زالت على طيبة قلبها. أمها وابوها صاروا دوم يشكون بشرفها بسبب غلطه من حمده صارت وهي صف ثامن تعرفت على بنات وهل بنات يكلمون شباب وما كانت تعرف وقتها انه غلط وصارت تسوي مثلهم تكلمهم بس سوالف عاديه جداََ و بحدود و أهلها يوم عرفوا كلموها و ضربوها من بعدها حمده ما صارت تكلم شباب. كانت ناشه الصبح الساعه 8 دخلت على التيك تشوف الاكسبلور شافت بث واحد دخلت من الملل(ما تدخل بثوث بالعاده هاي اول مره)...

شو تتوقعون بيصير لحمده؟ هل بيصير شي ف البث ؟ أهل حمده بيتمون ع وضعهم؟

*ملاحظه مهمه البارتات اليايه بيكون فيها وايد مسجات كتابيه اكثر عن الكلام الصوتي فا بيكون شي وقت بين كل مسج و مسج بس أنا م بذكره و شي مسجات لا عادي كان الرد عليها في نفس الثاني و بعد شي اخير انه شي مسجات كانن seen or opened بس محد رد عليها عسب جي كان الطرف الثاني يحرق الجات و ها الأشياء أنا م بذكرها فقط أقولها لكم*