عثرت على نفسي

التجربة 7

البداية اني من جنت صغيرة ما اصلي ولا اي شي ولا قرآن ولا محجبة يعني جنت سيئة حييل مو ذنبي لان محد علمني محد يصلي من عائلتي بس امي وجانت علمود الصلاة ماتنصحني او تعلمني لا بس تصيح علية اني واختي الجبيرة وانُ لازم نصلي بس، اسمع اغاني جنت كلي ذنوب بس ماجنت مرتاحة ضميري يأنبني دائماً بكلشي اسويه وكأن صوت بداخلي صغير يكلي (غلط، حرام، ميصير، شنو دا تسوين)جنت مغلسة عليه،جنت احاول انتضم بالصلاة بين فترات طويلة اصلي يومين واتركها قبل سنة تحديداً تحجبت و هوواي حاولت انتضم بكلشي جنت احارب نفسي وقتها أهلكت عذاب نفسي اذنب واتوب، اذنب واتوب من اذنب اتدمر احس اريد اموت تطفة روحي اخر فترات كمت اردد بدعاء "ربي عينني اني ضعيفة وانت القوي اجبُرني ،بذيج الفترات استنزفت روحي بس جان اصراري قوي لان اعرف بيوم الله راح يعيني نفسي تلومني بكلشي من اريد انام واني ممصلية اوهوس (يجوز انام وما اكعد واني ممصلية، يجوز الله ياخذ امانته واني مقصرة) اضافة انُ طول ٨ سنواتاني مازايرة كربلاء وكل ما اريد اروح قبل لا اطلع تخرب علية ويصير شي ف جنت احس الامام مايريدني واضل اكول (يجوز الامام مايريدني لان ما اصلي يجوز .. الى آخره)،بُرني"بالسجدة ،قريت قصة المُلا سلام وتعجبت معقولة هذا الايمان كلة بشخص واحد نت احاول اصير مثلك وتعرفت على وردة الشيخ انسانة رائعة تعلمت منها هوواي سوالف شلون احب نفسي وادللهة وان الراحة مو بس بالنوم وهاي السوالف لا بألاهتمام بالنفس بالشغل حبيتهة حيل  ،تقريباً بتاريخ
2023/6/16 وبسبب قصيدة "اني منطي مولاي كلمة"بليل رحت للأمام الكاضم (عليه السلام) هناك ووعدت الامام بعد ما اترك صلاتي نهائياً ..من يومها لليوم اني ماتركت صلاتي بيوم اختي الصغيرة كامت تصلي وياي بعد ماشافتني ودائماً اقرة قصص للأئمة واحجيلها وشلون الامام علي عضيم وفاطمة الزهراء (عليهم السلام)وهية تحب الامام علي حيل واكللها (الامام علي جان ملتزم حييل وهوة انقتل علمود يضل الدين وعلمودنة اني وياج علمود نلتزم ومانخذله) ومن اجة محرم 1445 من اول يوم تركت الاغاني والتجئت للقصائد الاغاني جانن يأثرن بية حيل ويحسسني بمشاعر ماتخصني او كاذبة حسب نوعهن والقصائد جانن حزينات على اهل البيت (عليهم السلام) بس من اسمعهن ارتاح حييل حتى من ابجي وياهن صرت هوواي اسمعهن واشمئز من الاغاني ،اختي الجبيرة هم من شافتني جانت تحاول كامت تصلي وياي واني اصيحهة واذكرهة اكتشفت الصلاة مراحلة كلهن مريت بيهن واختي دا تمر بيهن قبل فترة بابا هم كام يصلي حييل فرحت ادعي بابا يلتزم واخواني هم يصلون حييل خايفة عليهم احس دا يضلمون نفسهم ،الحمدلله والشكر الله ماتركني ابد رغم عصيتة ،دائماً اصروا لحوا وية الله حاولوا ترجعون لدرب رب العالمين الله يحب العبد اللحوح ،حالياً احاول اقضي الصلاة الي فاييتتني ان شاء الله،صار الكُل يصيحلي بيبي لان من اكمل صلاة واني على السجادة ارزل اي واحد ممصلي بس شسويلهم يشلعون الكلب ،اما بالنسبة للزيارة الكربلاء ف زرت بوقت ماجنت اتوقعه قبل شهر وبيوم خميس ومغرب بعد ماكملت صلاة المغرب  بالسجدة دعيت الله يرزقني الزيارة بعد ماكملت صلاة رحت نمت كعدت ب ١٢ بالليل اختي كايلة البابا ياخذنة كربلاء وكال ماكدر ،ضليت ابجي "هذا الحسين مو ياهو الجان"نمت ودمعتي على خدي كعدت الصبح دا نتريك وبابا كال حضرو نفسكم نروح لكربلاء ،ورحت وزرت وايضاً بنفس الشهر رحت للنجف ،الله استجاب لدعائي ورزقني الزيارة بشكل ممتوقع ،
الخاتمة :اني حالياً انسانة مرتاحة حيل متوازنة صلاتي بوقتها بديت صلاة الليل البارحة يوم عيد ميلادي اتمنى التوفيق من الله يمكن اثرت على عائلتي وصلوا بسببي الشكر لله  اتمنى تتعلمون من تجربتي كلشي جان سببه هوة اصراري والصوت الي بداخلي يلومني دائماً لا تغلسون على هذا الصوت الضمير،الله يهدي الجميع