عثرت على نفسي

التجربة 14

- الرساله ؛ مُلاتي بابا احنا سنة ومن الصغر انا تربيت على صوت باسم الكربلائي حيل كنت اتأثر بصوته ويعجبني اسمعه وعادي ماكو احد يعترض من أهلي ومن احتلونا الدواعش كان عمري 10 سنين وهم كنت اسم باسم والصوت عالي وخالي كان عدنا فتعصب وطلب اطفي التلفزيون قال هسه الدواعش يحسبون احنا شيعة ويقتلونا فسألت يعني شنو واصلا ليش هذولة يلطمون وزعلانين طبعاً انا كانت عندي هواي معلومات دينية بس بخصوص اهل البيت بس اعرف اسمائهم ومو كلهم يعني بس اصحاب الكساء اعرف فرد خالي هذوله قتلو الحسين عليه السلام ويسوون هيج كذب يعني . فبقت السالفة بالي وبعد 4 سنين من تحررنا وصار اكو انترنت واكدر اشتري كتب وهاي صرت اقرأ وابحث تعرفت على هواي ناس عرفوني بأهل البيت ونقلو صورة حلو عنهم ومن ضمنهم أنت وهنا لمن أهلي شافوني ابحث ماما كانت تعترض بس بابا يقول خلوها براحتها تتعلم وتددرس بس صارو لمن اسم قصائد باسم يعترضون مو مثل قبل يمكن لان صار عندي وعي بالسالفة وصرت اسمعها عن حب وفهم وبعدني ابحث واجيب كتب دينية واقرأ احاديث واقارن وحلمت 4 مرات بأهل البيت عليهم السلام واكثر حلم أثر بيه قبل 5 شهور كنت حيل تعبانة وعندي دراسة وعيوني توجعني بالفجر بين النايمو وصاحية شفت حلم انو أنا صرت عمية وماأشوف فنصحني الدكتور أسوي عملية بأيران وانا بكيت وقلت بابا اكيد مايقبل نروح هناك بس ماأشوف غير أحنا واقفين امام طبيب ويحكيلنا أنو عيوني مابيها شيء وماكو سبب للعملية وهلاص انطفو وانا رغم كل هذا الكلام كنت حيييل مرتاحة وطلبت نروح للامام الرضا سلام الله عليه وشفت القبة تلمع من بعد مسافة قبل لانوصل أحس كأنما مرسومة بعقلي وأول مادخلت للصحن مطرت وانا رجعلي البصر وبس أبكي وأصيح بأسم الامام والمكان كان فارغ بس أنا بي ويشهد الله انا ماشايفة المكان من قبل ولا أعرف الأمام الرضا بس سامعة بأسمه يعني هيج مار عليه من قبل ومن فتحت عيني أحس كنت بحقيقة 100% ابد مو حلم وكان وقت الصلاة وبقى الحلم بالي وريحة المكان كلما اتذكر الحلم ترجعلي وكأني اشمها بنفس الوقت وتمر نسمة هواء باردة تريح قلبي . وقبل شهرين ثلاثة تعبت وامي اخذتني لشيخ حتى يرقيني وكان اكو وحدة ماادري شبيها تصيح لمن يقرأ وخفت منها وصرت ابكي وتذكرت حلمي وجلبت بماما وهي تصيح عليه انتي مسحورة مسحورة وخفت من قراية الشيخ شوية وقال هاي بيها جن وهو يريد تخافين وكل هذا وانا احلف ماما واقول مابية شيء نفسيتي تعبانة بس اخذيني للائمة عليهم السلام راحتي يمهم بس اخذيني الكربلاء وهي تريد تسكتني لايسمع الشيخ وهو يقرأ ويقلي رددي بس لساتي مايصيح غير اللهم بحق محمد وال محمد وهسه أنا بس محتاجة اجوبة لبعض الاسئلة فقط وبعدني أبحث بس ضايعة بين رضا أهلي وديني وأنا ماأريد أذا أختلف عنهم أسوي شيء بالخفاء وماأخذ راحتي بالتعبد بشنو تنصحني واعتذر لان طولت رغم اختصرت هواي اشياء بس حاولت اذكر اهم الاحداث.