عثرت على نفسي

التجربة 9

نرجع وياكُم  قبل سنوات جنت كلشي ما اعرف ولا عندي اي معرفه بأي شي اهلي من النوع المحافظين حيل الى درجه كان عمري كله سبع سنوات عايشه يم ثلاث اخوان مراهقين حتى دين الله ما يعرفوا كانوا دوم اهلي طالعين وعايفيني يمهم اشوف تصرفات اكبر من عمري بهواي خلوني اعرف هواي اشياء الي بعمري اصلاً ما لازم يعرفوهاا او يطلعون عليها لان راح تأثر نفسياً عليهم بس مع هذا كانوا مستمرين بهيج غلط وانا همين ما جنت اعرف اي شي عن الدين او حتى اهلي ما شارحيلي شلون وليش وشوكت اصلي واكو التزامات هواي
المهم كان بكُل وقت الصوج بيه والذنب بيه وكنت اضل ساكته لان ما بليَّد حيلة الى ان مشيت بطريق كلش غلط وحتى ماكو الي ينصحني واشترولي موبايل واستعملته بطريقه غلط الى ان قريت قصه المُلا وقريت قصص وردة كلهن عرفت الغلط الي سويته اتجهت لرب العالمين كمت امشي بنصايح المُلا كُلهن بدون ما اترك اي شي وهاي انا حالياً ما افوت اي فرض وبس يأذن اعوف كلشي واكوم اصلي وشفت تعلق المُلا برب العالمين واهل البيت وصرت مثله حلو من تغار من شخص بخصوص دينه حبه لاهل البيت إيمانه القوي برب العالمين صرت شخص ثاني والكُل لاحظ هذا التغير ماكو شي احلى من انُ تتجه لرب العالمين
وبالاخير اكول الله يثبت الجميع على الصلاة وحب اهل البيت
وكلش شكراً للمُلا ولوردة الشيخ محمد الله يحفظكم ويخليكم بجاه النبي وبجاه فاطمة الزهراء(عليها السلام)
وبالنهايه اكول اللهم صلِ على مُحمد وال محمد.

‏﴿لِيُخْرِجَكُمْ مِنَ الظُّلُمَاتِ إِلَى النُّورِ﴾