عثرت على نفسي

التجربة 17

معانا من عمر 6 الى عمر 20

السلام عليكم بداية قصتي وعيت على الدنيا وابوي بسجن (جان ضد الاحتلال) ونسجن ما عشت الحب الكافي من عائلتي جنت مفكرة لئن بابا ماكو بس جنت غلطانة وبلشت رحلة مدرستي اول يوم الي اخوي اخذني مو مثل البنات ابوهن لازمهن وموصلهن للمدرسة ويبوسون بناتهم جنت اباوع عليهن بحسرة بس ما بينت الاخوي اخوي عافني بلمدرسة وراح او هذا الي فكرتة مثل كل بنية اول يوم الهة خايفة اخوي بس راح گمت ابجي لئن كلش خايفة بس بعدين باوعت على شباك المدرسة ولكيت اخوي كلش فرحت اخوي ما عايفني ستمرت رحلة مدرستي للصف الثالث وابد ما حجيت الاحد  بلمدرسة انو بابا بسجن   لئن خفت يعيروني لئن جانت بنت عمي دائما تعيرني وتكلي اني ابوي جابلي فلان شغلة وجابلي فلان شغلة جنت اضوج لئن ما اگدر اسكتهة علمود هيج ما حجيت انو ابوي مسجون يوم من الايام اجي اخوي المدرسة وصاحني كلي بابة طلع كلش فرحت ورجعت ركض للبيت وحضنتة وبستة وكلت راح اعيش الحب والحنان الي فتقتة من امي وبابا واهلي بس جنت غلطانة ابوي صار كل يوم يضربني او يضرب اخواني
ويضرب ماما وماما اذب حركتهة بية ما عشت الحب
الكافي من اهلي وستمرت حياتي على المعامله السيئة الجنت اتعرضلهة ضرب من اخواني واذا احجي  البابا يكلي تستاهلين رغم ما مسوية شي والله فكمت ما احجي الاي أحد حتى اهلي انضرب اسكت ابجي على مخدتي وانام لحد ما وصلت المرحة اخذت قرار غلط وهوة (الانتحار) لزمت گزازة وحاولت اجرح ايدي جرحتهة جرح بسيط وخفت من عقاب ربي وذبيتهة بس صار اثر بيدي واخوي شافة موتني كتل بدال ما ينصحوني رجعو ضربوني وصار عمري 19 سنة جنت ما ملتزمة بصلاتي ولا خاتمة القرآن ابد وجان لبسي سافرة لحد ما فد يوم نمت وحلمت علم جان کلش فضيع ( مرحبا في هاذ اليوم التاريخ
(2022/5/18) والساعة 7:52 الان في هاذهي الساعة ستيقضت بفضل الله بعد ان اعطاني فرصة واعطاني يوم جديد سأحكي ماذا حدث كنت نائمة وحلمت ان السماء ضهرت فيها قمرين وفجأة حصل انفجار او بصيغة اخرا نهايت العالم
تشاهدت
اشهد ان لا اله الا الله
واشهد ان محمد رسول الله
واشهد أن علي ولي الله
لن انسا هاذهي اشاهدات أبداً
كتبت حلمي علمود ما انسى هذا الحلم ابد ومن وقتهة كعدت التزمت بصلاتي ويوم من الايام طلع برنامج اعلان واتباد ودخلت وبلشت اقرة قصص لحد ما فد يوم قريت قصة ذنوب على قيد الغفران ضجت لئن الشخص جان ما يصلي ويصوم ختم القرآن گلت لعد شبية اني تحديت نفسي وبلشت اقرة وذبيت كل جهدي وختمت القرآن بـ 10 ايام بس وجانت احلى فرحة بنسبة الي لئن اول مرة اختمة وبسبب قصة وبلشت اقرة وكل يوم اتعلم درس لحد قصة عشك الملا وعلى تعلقة وثباتة وتعلقة بصلاتة وكلامة جان كلش حلو وشجعني اكثر وكثر وصرت ما اهتم للي يصير واعوف كلشي على ربي هوة يحلهى وكل بداية صعبة نهايه حلو ونهاية
مالتي بسبب برنامج واتباد وبسبب شخصين
( فهد ذنوب على قيد الغفران)
( سلام عشك الملا غربال)
صرت ملتزمة بصلاتي وبقراني وحتى لبسي التزمت بلبس مولاتي فاطمه الزهراء عليها السلام وكل يوم ادرس عن الائمة وخص نص عن مولاي المهدي عج
واذا فكرت اغلط اروح اسمع قرآن واسمع محاضرة
عن الامام المهدي من السان شيخ علي المياحي وكل
يوم الفجر اقرا دعاء العهد وزيارة عاشوراء وصلاة
الليل صارلي ملتزمة بيها سنتين والراحة الحس بيها
تجنن ومن اسوي هاي الاشياء جنت ارتاح وما افكر اغلط واكول الاي بنية حتى لو اهلج يأذوج اذكري الله موجود والمهدي ينتضر انتوب وفكري دائماً لازم انكون من انصار مولان
...............
واريد اشكر من عمو سلام انطاني فرصة اشارك حياتي وعمو انت مرة كلت السجادة حضن للماعندة ام
وعمو اني عندي ام بس ما عشت حنان الام فاريد اكول فعلاً السجادة حضن للماعندة ام والله يوفقك عمو ويسعدك