Kameena Dil || Taehyung ff || Indian~

2

Tahir Rajput's Side introduction and story starting.

" Mummy " vo kitchen me aate hue chilata he "aaj nashte me kya banaya he? "

" Are Tahir beta tu uth gya? Itani jaldi kyu utha thoda 1 ghanta aur so leta, abhi to sirf 10 baje he." Uski mummy use ghur kr dekhte hue bolti he. Mummy ke aise kehne pr vo use side hug karta he

" Mummy Aisa mat bolo na, bohot nind aa rahi thi " vo ye bol kar nashta check karne lagta he.

" Ye roj ka he Tera " uski mummy use dur dhakelte hue bolti he aur apna Kam karna suru karti he. " Aur khane me kal rat ke chawal garam Kiye he, kha le jaldi. " Vo ye kehkar fridge ki taraf mud ti he.

" Mummy yaar, tumhe rat ka khana itna pasand he to tum khaya kro na, mujhe kyu khilate ho " vo nakhush hokar bolta he.

" Tahir beta, vo rat me chawal bohot Bach gya tha isliye vahi garam Kiye, chalo ab behas mat kro aur khalo " vo use samjhane ki koshish karti he. Pr vo nhi sunta.

" Mujhe nhi khana, me bahar Jake kuch kha lunga " itna kehkar vo bahar chala jata he uske papa pehele hi kam pe chale Gaye the.

" Ye kabhi nhi sudhrega " uski mummy piche se bolti he aur apna Kam karne lagti he.

-----------

" Oy, chalo aaj game khelte he, bohot dino se nhi khela " tahir apne compound me bethe dosto se kehta he. Vo aake unke sath Beth jata he.

" Ha chalo, me download karta hu ruk " Viki ye bolkar apna phone nikal ta he.

Roj ki tarah hi ye sab aise baithe hue the, apani unemployed life mast gujar rahe the. Roj kuch na kuch karte rahte the usme kuch gadbad bhi karte the.

Tahir un sab me bohot shetan tha, pr vo backbencher with topper's brain jesa tha, jab usne masters degree complete ki tab uska bohot nam hua tha, pr vo gamane me usaki harkate kafi thi, uske achhe marks aur intelligence ki vajah se vo uske mummy papa ka bohot ladla he, isliye use Jo karna he vo karne dete he. Bas vo khush rahe.

Din bhar galat ladko ke sath idhar udhar ghum kar aur ladkiyo se bohot bar bate karte hue dekh ne prr sabhi moholla use baki ladko ki tarah chapri samjane laga tha. Aur unki samajh yakin me tab badal gayi jab vo sabke samne, koi dekhega bolega iski parva na karte hue marpit karne laga tha, gali bhi Dene laga tha, aur izat karna to dur ki bat he jab sab use dar kr use bat hi nhi karte the.

Vo pura badnam bhi nhi tha pr pura nam bhi nhi tha.

Pr ladakiya uspe Puri Fida thi, teenagers se leke adult Tak sab uspe Marti thi. Use bohot sare proposals aaye aur chale gaye pr usne ek bhi accept nhi Kiya, kyuki ladaka to chal se bighad rha tha pr usne apni maryada kabhi par nhi ki, bachpan se uska sapana tha ki vo Jo bhi 'romantic' things Kare, apne partner se hi kare to chahe vo kuch bhi vo.

Romantic hone ki vajah se uske bohot sare sapne aur conditions thi ki uski girlfriend, Sonu, Babu, Jo bhi cringe or pyaare words he vo sirf uske future partner se hi belongs karte he, isliye usne kabhi bhi date nhi ki, pr iska matlab ye nhi ki usne ladakiyo se bat nhi ki, bohot kuch karke betha he. Flirt karna, college compound me unke sath ghumna, unki apane dosto ke sath setting lagana, unko pareshan karna.

Usme ek bat to thi, ki vo kabhi kisi ladaki se pehele bat nhi karta tha. Jo bhi thi vo hi uske piche aati thi, aur tabhi vo use bat karta tha varna vo kisi ke piche nhi jata tha.

Aur jab bhi koi ladki uska advantage Lena ka try karti, jaise usse paise mangna ya koi chiz kharidne ke liye bolna, party or gift mangna, uske gadi pe ghumna. vo sidha mupe hi mana kr deta tha, kyuki ye sab nakhre aur lad pyaar uske 'love of life' ke hi pure honge Aisa uska manna he. Yaha Tak vo kisi ko use chune bhi nhi deta tha. Jatni ladaki yo ki izzat karta tha utani hi time aane pr nikalta bhi tha, jaise agar kisi ne uske dosto ko kuch Kiya chahe vo ladka ho ya ladaki vo aage piche na dekhar sidha muh pe aukat nikalta tha.