Kameena Dil || Taehyung ff || Indian~

12

Subah ho chuki thi, sab log apne apne kam pe Lage the. Koi jhadu mar rha tha koi pocha lga rha tha. Ek aunty society ka compound saf kar rhi thi. Koi log office ja rhe the to koi bahar dukan ja rhe the. Koi kutte ko ghuma ne le ja rha tha to koi morning walk se vapis aa rha tha.

Yaha, tumne jaldi uth kar apne Bal dho liye the. Mummy ko kam me madad karke bahar apni gallery me jhadu lga rhi thi. Apni baju vali aunty ko dekh tum unhe dekh muskurati ho. Vo bhi tumhe dekh muskura deti he,

" Aaj Kam jaldi jaldi ho rha hai, " vo tumse kehti hai, tum apna sar ha me hilati ho aur phirse jhadu Marne lagti ho,

Jhadu Marne ke bad tum andar ki aur bahar ki ladi poch leti ho. Aise hi vakt bit rha tha, bohot time bad tanvi tumhare ghar me aati hai aur kehti hai,

" Y/n mujhe market se saman lene Jana hai chal na mere sath, janvi bhi sath me hai. " Use sunkar tum apne mummy ko dekh bolti ho,

" Mummy hame kuch Lana hai? " Tumhari mummy tumhe sunkar thoda sochti hai aur kehti hai,

" Ruko me tumhe list bna kr deti hu, kuch dyan me hi nhi rehta Aaj kal, " mummy ki bat sunkar tum apna sar ha me hilati ho aur apne Bal thik karne ke liye aayne ke samne aati ho, apne Bal aur kapde thik karne ke bad tum apna dupatta odh kar mummy se list leti ho aur tanvi ke sath chali jati ho.

Tum dono niche aane ke bad janvi bhi niche aati hai, use aate dekh tum chalne lagte ho aur tum sab sath me society ke bahar nikal jate ho.

Yaha, society ke thodi dur Bane dukan par betha Chetan tumhe apne dosto ke sath kahi jate dekh turant Tahir ko call karta hai, Tahir ne un sabko bta kar rkha hai tum par najar rakhne ke liye kyuki use Rohan jaisa koi aur ek nhi chahiye y/n ke pas. Tahir phone uthane ke bad Chetan turant kehta hai,

" Tahir kidhar he tu? " Uski bat sun Tahir kuch khate hue use javab deta hai,

" Ghar pe nasta kar rha hu bol na, " Tahir ki bat sunkar Chetan use tumhari taraf dekhte hue kehta hai,

" Kuch nhi bas itna batana tha ki, bhabhi apne unke do dosto ke sath kahi ja rhi hai, " Chetan ki bat sunkar Tahir ko jaldi se uske piche Jane ka man kar rha tha par use Y/n ka Aisa picha karna galat lag rha tha.

" Uhh, achha thike. Kidhar he tu " Tahir Chetan se kuch sochte hue puchta hai, uski bat sun Chetan kehta hai,

" Yahi, sidhu ki dukan par " Use sunkar Tahir apna sar ha me hilate hue kehta hai,

" Thik he ruk me aa rha hu, " Tahir ki bat sunkar Chetan kehta hai,

" Par kab bhabhi to chali bhi gayi, kab aayega? " Chetan tumhe dur jate hue dekh kehta hai, Tahir apni plate se dusri bite lete hue usse kehta hai,

" Uske sath uske dost hai na to koi bat nhi, " Tahir khate khate kehta hai aur apni mummy ko aate dekh dhire aavaj se kehta hai, " achha chal me aata hu bad me bolte hai, "

Tahir phone cut karke apni mummy ki taraf dekhta hai Jo uske liye aur parathe leke aa rhi thi.

" Are bas mummy, pet bhar gya " vo itna kehte hue apna hath plate ke upar pakd ta hai, use aise karte dekh uski mummy use halke se gusse me dekh kehti hai,

" Itne me pet bhar gya, mene bohot sare banaye hai, itna khale abhi baki bad me bhi khana hai " uski mummy ki bat sunkar vo apni plate uthate hue kehta hai,

" Nhi yaar mummy Maine pach parathe khaye hai, bohot ho gye " vo itna kehkar apni jagah se uth jata hai, aur vha se andar chala jata hai,

" Are, Beth- Tahir " uski mummy use piche se ek chata marti hai par use koi farak nhi padta aur vo aage nikal jata hai, uski mummy apna sar na me hilate hue andar chali jati hai,