Kameena Dil || Taehyung ff || Indian~

10

" are bachha log sab idhar aao " society ka secretary tahir aur uske dosto ko kehta hai jo society compound me chote bachho ke sath cricket khel rahe the. Unke bulane par vha jama hue sabhi ladke aur bachhe unki taraf bhage.

" Holi aa rahi he na " vo secretary yani chavan uncle unko pas aate hue dekh bolte hai, unko sunkar sab chote bachhe ha kehkar chilate he.

" To celebration chahiye na? " Vo fir ek bar puchte hai, to ab sab Jan bolte hai,

" Are fir kya " tahir ke dost kehte hai,

" Of course, chahiye " Viki apne gehri aur badi aavaj se piche se aakar kehta hai aur apne dost ke kandhe par apna hath rakh kar dekhta hai kya chal rha hai,

" To celebration ke liye vargani mangti hai na " vo uncle apne pant ke pocket me se ek choti kitab nikalte hue kehte hai, unko dekh sab ha me sar hilate hai tabhi tahir piche se puchta hai,

" Vargani kya hota hai? " Use sunkar uske samne khada hua ek ladka kehta hai,

" matlab Chanda, Holi ke liye. Chavan uncle Marathi he na " vo itna bolkar firse uncle ko dekhne lagta hai Jo us kitab me kuch likh rahe the.

" Vargani matlab Chanda... sahi kha. " Vo uncle itna kehkar aur do kitabe nikal kar unme bhi kuch likhate hai.

" Ye tum pakdo " uncle ek kitab unke baju me khade ladke ko dete hai " tum a wing me vargani mangene jao ge "

Itna kehkar uncle dusri kitab dusre ladke ko dete hue kehte hai,

" Ye tum pakdo, tum b wing ki vargani Lao ge " vo ladka kitab hath me lete hue ha me sar hilata hai, b wing ki kitab uske hath me dekh Tahir apni jibh apne muh me ghumakar use dekhne lagta hai,

" Aur ye c wing ki kitab Tahir tum lo, aur aaj hi chahiye sab. Kisine kitna Diya vo isme likhna hai unke nam ke sath. Aur ha sabko commission milega koi ismese Bina bataye nhi lega " vo itna kehkar apne hath me pakda hua pen Tahir ko dete hai,

" Aur ek bat " vo un ladko ko jate hue rok kar kehte hai, " koi 200 se kam vargani nahi lega samjhe sab, agar Dene Lage to Lena nhi "

Unko sunkar sab apna sar ha me hilate hai aur udhar se chale jate hai,

Uncle vha se apna dusra Kam karne ke liye chale jate hai aur baki log apne apne dosto ke sath aage jate hai, 5-6 Jan ka alag alag group hota hai to vo alag alag wing ki taraf badhte hai, ek dusre se bate karte hue aur ek dusre ko tali dete hue vo sab aage badh hi rahe the,

Yaha, Tahir ki najar us ladke par hi thi, jaise hi vo uske dosto ko lekar thoda aage aata hai vo turant us ladke ke pas jata he jo b wing ki taraf ja rha tha aur use aavaj deke rok leta hai,

" Oy niraj, " tahir ki aavaj sunkar vo ladka apne jagah par rukar use apni taraf aate dekhta hai,

" Kya hua Bhai, " vo ladka use apni taraf aate hue dekh puchta hai, to tahir uske pas aakar use kehta hai,

" Tu yele c wing ki kitab, me jata hu b wing me tu c wing me ja " itan kehkar tahir apne hath me pakdi hui kitab aage badata hi hai par vo ladka na me sar hilata hai.

" Nhi mujhe nhi jana c wing me me b wing ka Chanda jama karunga " vo itna kehkar aage Jane hi vala hota hai ki Tahir uske samne khada rehta hai.

" Abe? kyu nhi jana c wing mai? " Tahir use apni aakhe choti karte hue puchta hai, to wo ladka fir ek bar apna sar na me hilate hue kehta hai,

" Nhi, par mujhe b wing ka Chanda jama karne bola hai na, " usse na sunte hue dekh Tahir ke dost use ghurte hai aur uske charo taraf jama ho jate hai. Un sabko aise karte dekh vo akela ladka thoda kamjor pad jata hai. Uske do dost bhi thodi duri se use ishara karne lagte hai ki de unko vo kitab par vo nhi sunta.