Kameena Dil || Taehyung ff || Indian~

11

" kya hua? " Rohan apne aage khade ladke ko dekh dheere se puchta hai,

" Tahir? Tu yaha kya kar rha hai? " Rohan phirse use puchta hai, Tahir Bina kuch bole uske pas aane lagta hai,

" Aise kyu dekh rha hai? " Rohan use apni taraf aate dekh puchta hai aur Tahir ke piche khade Jishan ko dekhta hai,

Tahir jaldi jaldi apne kadam aage badhkar uske pas pohoch jata hai aur uski collar ek jhatke se pakdta hai, Tahir ke aise pakdne se Rohan ka balance thoda bigad jata hai par vo khudko Tahir ke madad se sambhalta hai,

" Teri himmat kaise hui uske pas aane ki aur use is tarah chhune ki " Tahir apne dat piste hue usse gusse me kehta hai, Tahir ko sunkar Rohan hadbada jata hai. Use samjh nhi aaya ki Tahir aise kyu kar rha hai, Tahir Rohan ka school friend tha, vo ek hi class me padte the aur ek hi tution me jate the. Vo Tution bohot achha aur mehnga hone ke karan sirf Tahir aur Rohan hi unke school me se us tution me padai karte the isliye vo sath me rehne Lage. Par unki soch unka rehne ka tarika alag hone ke karan vo jyada achhe dost nhi ban paye.

" Tahir ye kya kar rha hai, kya hua par? " Rohan use achhe se puchta hai. Rohan ko marpit achhi nhi lagti thi aur Tahir ko to bas vajah chahiye kisi se jhagdne ka ye bhi ek vajah thi Rohan ka Tahir ke sath jyada samay na rehne ki.

Tahir use sunkar uski collar aur majbuti se pakd kar use apne pas khichte hue usse kehta hai,

" Y/n, jisne tumne abhi abhi bat ki vo meri hai, use tumne chua. " Tahir uski collar ko apne muthi me ghumate hue kehta hai jisse Rohan ko taklif hone lagi thi. Rohan Tahir ke hatho ko pakd kar chudvane ki koshish karta hai,

" Tahir aaram se bat karte hai na, ye koi tarika hai bat karne ka. Kitne dino bad mile ham " Rohan Tahir ko shant karne ki koshish karta hai, Tahir khudko shant rakhne ki bohot koshish kar rha tha, Rohan ke sath vo bohot samay rha hai, uske ghar jakar uske sath padai ki hai, uske sath khela hai, nhi nhi kehte the par kafi achhe rehte the dono. Par Tahir abhi bohot gusse me tha aur usne Jo kuch bhi dekha vo uske bare me shant me bilkul bat nhi kar sakta.

Tahir kuch kare usse pehele jishan vha aakar Tahir ke hath ko pakd ta hai,

" Tahir Jane de, use samjhate hai chod use " Jishan ki bat sunkar Tahir Rohan ki collar jhatka mar kar chod deta hai, vo use fek hi deta hai ki Rohan phirse apna balance khota hai par khud ko sambhal leta hai,

" Pagal ho Gaye ho kya tum, " Rohan apne kapde thik karte hue Tahir ko kehta hai jo niche dekh rha tha. Tahir khudko shant karne ki koshish kar rha tha. Uske dimag me vhi pal bar bar ghum rha tha, jis tarah Rohan ne tumhara hath pakda tha, jis tarah vo tumhe dekh rha tha, jis tarah tum mayus hokar apna hath usse chudvane ki koshish kar rhi thi.

" Y/n " Tahir apni aakho ko band karke kehta hai, " usse dur rhe, " Tahir ki bat sunkar Rohan ko thodasa ajib sa lagta hai, vo tahir se kehta hai,

" Par kyu? Aur vo tumhari hai matlab? " Rohan ki bat sunkar Tahir use ghurte hue ek kadam uski taraf kadam lete hue usko kehta hai,

" Pyaar karta hu Mai usse samjha " Tahir phir ek bar uski collar pakdte hue usse kehta hai. Tahir ko sunkar Rohan ka Shak yakin me badal jata hai aur vo use tej sase lete hue dekhne lagta hai, Tahir ki bat sunkar use achha nhi lga. Aisa nhi ki vo y/n se pyaar vaar karne lga tha par y/n use achhi lagti thi. Yaha, Jishan un dono ke bich me aakar Tahir ko usse dur karte hue kehta hai,

" Bas ho gya, Tahir bhabhi kab ki chali gayi " Jishan uska hath piche lete hue kehta hai aur unke bich me aakar khada rehta hai,

" Bhabhi? Ye kab hua? Tahir ye sab achhi bat nhi hai, matlab- " Rohan Tahir ko samjhane ki koshish karte hue kehta hai, par Tahir use aage kuch bolne hi nhi deta,