Kameena Dil || Taehyung ff || Indian~

5

Sham ke 5 baje the, y/n aur tanvi y/n ke Bhai ke sath computer class me aaye the. Vijay bahar khada tha aur vo dono andar apni admission karva rhi thi.

Unka hone ke bad vo dono bahar aati he, vo ek dusre ke sath bate karte karte hi, apni Bhai ke pas aa jati hai vo ki riksha ke samne khada hua tha.

" Ho gya? " Y/n ka Bhai use puchta he, use sunakar tum apna sir ha me hilati ho, vo riksha me Beth jata he jisse vo aaye the.

" Ha kal se 4 baje se aane ke liye kha he, " tum itna kehkar riksha me Beth jati ho, tumhare sath sath tanvi bhi andar Beth jati hai, tumhare bethne ke bad rikshawala ek bar society ka nam puch ke confirm kar leta hai aur fir riksha start karke vha se chalta hai,

Thode time bad riksha tumhare society ke samne ruk jati he, ye dekh tum dono niche utar jati ho.

" Tum jao mujhe kam he, me aata hu " Vijay tumse kehta he aur tum ha me sir hila ke society ke aandar chali jati ho. Tanvi aur tum, dono bate karte hue andar aa rahi thi.

" Vo class kitni badi aur achhi he na " tanvi badi smile ke sath tumhe kehti he, tum bhi use dekhte hue badi smile ke sath kehti ho,

" Vo computers bhi bohot achhe the, " tumhe sunkar Vo bhi tumhe smile dete hue apna sir ha me hilati he, pr tabhi tumhe kuch ladko ki hasne ki aavaj aati he. Tum gate ke pass dekhti ho to udar kuch aanjan ladke bethe hue tumhe hi dekh rahe the. Tum chalte chalte hi aage dekh kr apna dress thik karti ho,

" Jaldi chalo " tum dhirse kehkr tanvi ka hath pakadkr jaldi jaldi chalne lagti ho. Tumhe dar to nhi lag rha tha par gussa aa rha tha,

" Kaise ladake he, ladaki dekhi nhi to suru ho jate he, " tanvi kehti he,aur tum dono building me chali jati ho.

Idhar, sahil society ke gate ke samne hi khada tha, aur usne sab dekh liya tha aur sab sun bhi liya tha. Vo un logo ke pas hi khada tha.

" Kya kadak dikhti he na, ekdam mast " vo ladka apne dost se kehta he. " Kash hamare society me hoti to roj dekhne ko milti. "

" Sahi he, mil jaye to " vo ye kehkr hasne lagta he, unke chehre ke expression bohot gande the. Aur vo kuch bhi bole ja rahe the.

Sahil ko ye sab sun ke bilkul achha nhi lga, use pta he tahir ko y/n achhi lagne lagi he, aur use ye pta chala to vo in logo ko chodega nhi. Vo unko abhi kuch nhi kehta kyuki vo bohot Jan the aur vo abhi akela tha. Mana ki ladkiyo ko vo bhi tadte he pr unki utni hi respect bhi karte he aur ye kuch jyada ho rha tha vo bhi y/n jaise ladaki ke sath.

Vo vha se turant unke najar me aaye Bina nikal jata he.

Yaha, y/n apne ghar pochkr fresh hoti he aur bahar aakar gallery me khadhi hoti he. Unki aaju baju vali aunty bhi bahar hi the. Vo vha se Jane ka soch ti he ki tabhi use ek bike ki aavaj aati hai vo aavaj aam bike ki nhi thi, vo society ke gate ki taraf dekhti hai, tahir uske bike se andar aata he. Use dekh tum andar Jane hi vali hoti ho ki tum kuch dekh kr ruk jati ho aur use dekhne lagti ho, vo andar aane ki bajay bike un gate pe khade 5 ladko ke baju me rokata he aur unhe ghurte hue unse kuch kehta he.

" Kyo be salo? Yaha kya kr rahe ho? Koi kam dhanda nhi he kya, " Tahir uski bike pe bethe hue hi unko bolta he. Un sabko idhar dekh use thoda gussa aaya,

vo ladke use dekhte hi thode piche ho jate he. Ye sab tum notice kar rahi thi, tumne bohot suna hai ki tahir mar pit karta hai, achhe logo ke sath nhi rehta par kabhi dekha nhi,

" Tahir Bhai, vo aise hi " unme se ek ladka itna bolkar chup ho jata he.

" Kya be Samir, bola tha na meri society me dikhana nhi chahiye, chal nikal yaha se. In sabko lekar nikal " Tahir thodi aavaj uchi kar ke unpar chilata he. Unhe sirf unki choti choti figure dikh rhi thi kyuki gate kafi dur tha,