محققون عبر التاريخ ( عمالقة التحقيق )

الفصل الرابع

قبل القراءة فضلا و ليس أمرا قم بالتصويت للبارت

- صلوا على الحبيب المصطفى صلى الله عليه وسلم

- دعواتكم لأهلنا و إخواتنا ربنا يرفع عنهم و ينصرهم

______________________________

وصلت سيارة النقل إلى شركة غالية بعد أن مرت على أمان و بينة

" ما ترني على أختك عايزين نلحق نجيب حاجة نحضر بها الفرح ده "

تحدث وائل بضيق و هو ينظر في ساعته

" ماشي "

كادت بينة أن تتصل و لكن وجدت غالية تخرج من الشركة و هي تتحدث مع فتاة أخرى لينظر وائل لها وقد نمت غدعلى وجهه بسمة عابثة

" الله ده الرزق كتير النهاردة أما أروح أشوف رزقي "

نظر معتصم لما ينظر إليه وائل ثم تحدث بيأس :

" لا حول ولا قوة إلا بالله العلي العظيم عمرك ما هتتغير أبدا "

" يا ابني بس بقى رايح تعاكس واحدة واقفة مع أختك مش خايف تترد لك و حد يعاكسنا "

تحدثت بينة لينظر وائل لها بسخرية ثم قام بدفعها بقرف

" هي دي سحنة حد يعبرها مش كفاية الأعمى اللي اتنيل على عينه بدري ده و اتجوز أختك مع إني نصحته إنه يفكر تاني و تالت و مليون بس نقول إيه مراية الحب عامية بس أكيد الجريمة دي مش هتتكرر تاني يا آنسة حنفي أنتِ "

فتحت بينة عينيها بصدمة من وقاحته ثم صرخت في وجهه ببعض الغضب :

" أنا الآنسة حنفي يا مهدي إلى الحديقة يا وارد أفريقيا يا مجنون بالأقدمية يا واخد السرايا الصفراء بوضع اليد اسم الله عليك يا قاتل يا غادر يا سارق قلوب العذارى "

هندم وائل ياقة قميصه و تحدث باستفزاز :

" طبعا سارق قلوب العذارى و كفاية كده علشان أنا مش عايز أهين كرامتك مش لباقة مني لأن أنا أصلا مينفعش أهين حاجة مش موجودة "

" أنا معنديش كرامة يا ابن سعاد اسم الله عليك ده أنت آخر واحد يتكلم يا معفن أنت كفاية ذوقك المنتن في
البنات "

حرك حاجبيه بمشاكسه و تمادى في استفزازه قائلا :

" دي غيرة يا بايرة علشان محدش
حتى بعت لكِ رسالة بالغلط
و قالك stay with me "

" لأ يا حبيبي محدش
قالي stay with me لأن أنا دايما موجودة و هفضل موجودة غصب عن الكل و قاعدة على قلب الكل "

كاد وائل أن يرد و لكن تدخل معتصم و قال مهدئا :

" يا جماعة صلوا على النبي ده انتوا إخوات مينفعش كده يلا يا وائل روح نادي على غالية خلينا نمشي ولا انزل أنت نادي مراتك يا أمان "