_ صلوا على الحبيب المصطفى صلى الله عليه وسلم
- دعواتكم لأهلنا في الوطن العربي ربنا ينصرهم ولا يرفع للعدو راية في أرضهم
_____________________________
اعتقادك أن العالم سيعاملك بلطف لأنك إنسان طيب يشبه اعتقادك أن الأسد لن يأكلك لأنك شخص نباتي
- أحمد خالد توفيق
_____________________________
مرت عدة دقائق سيطر فيها الصمت على الجميع فأبوفيس كان ينتظر ردهم على ما قاله ، كان ينتظر التفهم و الموافقة و الإستعداد لهذه المهمة و لكن لم يتحدث أيا منهما حتى قطع أمان هذا الصمت
" بقولك إيه يا بينة مش معاكي طبق رز باللبن في شنطتك دي ؟ "
" معايا طبعا "
" طيب هاتي يا شيخة ده الواحد جاع "
بدأت بينة باخراج عدة أشياء من حقيبتها لتعطي أمان الأرز بالحليب :
" معاك حق والله فكرتني قبل ما نطلع فوق السطوح أخدت علبة أكل من عندنا مليانة من خيرات ربنا حد جعان تاني ؟ "
" كلنا هاتي هاتي "
أخرجت بينة علبة الطعام من حقيبتها و تقاسموها معا و بدأوا يأكلون باستمتاع و لامبالاة بينما الجميع ينظرون لهم بصدمة و خاصة أبوفيس
تحدث أمان باستمتاع وهو بتناول طعامه المفضل :
" يا سلام على الرز باللبن بتاعك يا سعاد مفيش زيه عايزك تتعلمي تعمليه زي أمك قبل ما نتجوز يا غالية دي مسألة حياة أو موت ولو إني عارف إن محدش بيعرف يعمله زيها هي و ابتسام ، مش معاكي شوية بلح بالمرة يا بينة ؟ "
" فيه عايزه إيه زغلول ولا عجوة ولا إيه ؟ "
" لأ هاتي عجوة أصلي بحبها "
" تمام خد "
ضغط أبوفيس على يده بقوة ثم تحدث بغضب كبير و صوت مرتفع :
" أنتم أيها الأغبياء الحمقى ألم تستمعوا لما قولت لكم ؟ "
نظرت بينة له برفع حاجب ثم تحدثت بهدوء :
" بصرف النظر عن قلة الأدب و غلطك فينا بس أيوه سمعنا اللي أنت اتنيلت قولته "
" اتنيلت ! طيب و لما انتوا اتنيلتوا سمعتوا مش بتردوا ليه ؟ "
" عايزنا نرد نقول إيه برافو يا حبيبي برافو على الحكاية الحلوة دي كنت هايل يسلم لسانك "
تحدث أمان بلامبالاة لتكمل غالية بسخرية :
" باركوا لأخوكوا أبو جبل "
ضحك جميعهم ليشتعل أبو فيس من الغضب و يفقد ذرات صبره و يصرخ في وجههم :
" انتوا إزاي كده أنا مش بحكي أسطورة دي قصة حصلت بجد و الحجر اختاركم علشان تقوموا بالمهمة دي و تحققوا قانون العدالة وإلا مش هتقدروا هترجعوا
و هتفضلوا هنا على طول "
أنت تقرأ
محققون عبر التاريخ ( عمالقة التحقيق )
Fantasíaنحن لسنا متميزون نحن أشخاص بسطاء ، متهورون ، و قد نكون ساذجين و البعض يتهمنا بالغباء ، ولكن عندما يتعلق الأمر بالعمل سترى وجه آخر يفاجئنا نحن أيضا و ليس أنت فقط
