محققون عبر التاريخ ( عمالقة التحقيق )

الفصل السادس

صلوا على الحبيب المصطفى صلى الله عليه وسلم

- دعواتكم لأهلنا في الوطن العربي ربنا ينصرهم ولا يرفع للعدو راية في أرضهم

_____________________________

عن ابن عمر -رضي الله عنهما- قال: "فرض رسول الله -صلى الله عليه وسلم- " زكاة الفطر من رمضان على الناس، صاعًا من تمر، أو صاعًا من شعير، على كل حر أو عبد، ذكر أو أنثى، من المسلمين" (رواه البخاري ومسلم).

         ******************
ذهبت امرأه تسأل نبي الله موسي عليه السلام ان يدعو لها ربه بالذرية الصالحة ، فأخبره الله انها عقيم ، فأخبرها ، فبكت ، فذهبت ، ثم عادت بعد عام تحمل رضيعها !!، فسأل موسي ربه ، ياربي الم تخبرني انها عاقر ، فقال جل شأنه ( ياموسي دعتني باكيه فاستحييت ان أردها فغيرت لها قدري ) .
الدعاء سهم الله الذي لايخطأ.
قال النبي صلي الله عليه وسلم : « وَلَا يَرُدُّ الْقَدَرَ إِلَّا الدُّعَاءُ »،

_____________________________

معقول تكون بتقرأ الرواية و أنت مش متابعني ولا حتى بتصوت للبارت توء توء
توء طيب كده ينفع

____________________________

بدأت بينة في فتح عينيها ببطء شديد حتى استطاعت فتحهما و خلعت نظارتها و بدأت في فرك عينيها حتى تتضح الرؤية ثم ارتدت النظارة من الجديد لتجد أنهم نائمون بجانبها أو ربما فقدوا الوعي فبدأت في إفاقتهم رغم ألم رأسها الشديد

" غالية يا غالية وائل لؤلؤة معتصم أمان اصحوا يا جماعة فيه إيه ؟ "

بدأ الخمسة في استعادة وعيهم و لكن هناك ألم شديد يسيطر عليهم

" اااااه دماغي مش قادرة هو إيه اللي حصل بالظبط ؟ "

تحدثت لؤلؤة بألم و هي تمسك رأسها
لينظر الجميع إلى بعضهم البعض و يحاولون تذكر ما حدث

" آخر حاجة فاكراها إن أخوكي فضل يهز الساعة جامد و بعدين بقى فيه نور جامد ونار و بعدين مش فاكرة حاجة كله منك يا مستشار إبليس أنت "

نظر أمان لغالية بغضب قائلا :

" أنا بردو يا خرابة البيوت بقى تحطي في الساعة بنزين علشان يشعلل النار و تولعني "

لوت عالية فمها بتهكم و نظرت له بضيق :

"هو أنا لو عايزة أولعك كنت هعمل كده بردو ما كنت ولعت فيك على طول
أنت اللي أكيد عملت حاجة في الساعة و يمكن تكون جبت صواريخ ولا بومب علشان تفرقعهم في وشي "

نظر وائل لهما بملل ثم حاول النهوض ولكن جذب انتباهه المكان الذي هم فيه الآن فهذا ليس سطح عمارتهم هذا مكان غريب عليهم ولم ير مثله من قبل ليتحدث بتعجب و هو ينظر حوله

" إيه المكان ده ؟ هو إحنا فين ؟ "

نظر الجميع حولهم بتعجب و بدأوا يدورون بعيونهم في المكان