محققون عبر التاريخ ( عمالقة التحقيق )

الفصل السابع

قال الرّسول -صلّى الله عليه وسلّم-: (ثَلَاثٌ مَن كُنَّ فيه وجَدَ حَلَاوَةَ الإيمَانِ: أنْ يَكونَ اللَّهُ ورَسولُهُ أحَبَّ إلَيْهِ ممَّا سِوَاهُمَا، وأَنْ يُحِبَّ المَرْءَ لا يُحِبُّهُ إلَّا لِلَّهِ، وأَنْ يَكْرَهَ أنْ يَعُودَ في الكُفْرِ كما يَكْرَهُ أنْ يُقْذَفَ في النَّارِ).

- إن كنت ترغب في الحصول على احترام الآخرين، فالأمر العظيم الذي عليك القيام به هو أن تحترم نفسك. بذلك فقط...باحترام ذاتك ستُجبر الآخرين على احترامك.

- فيودور دوستويفسكي

____________________________

_ صلوا على الحبيب المصطفى صلى الله عليه وسلم

- دعواتكم لأهلنا في الوطن العربي ربنا ينصرهم ولا يرفع للعدو راية في أرضهم

_____________________________

يلا نجمة حلوة كده علشان تشجعوني

____________________________

" يا جماعة عيب كده ده إحنا أحفادكم مينفعش كده يا جدو "

تحدث معتصم بألم إلى الحراس الذين يسحبونه بقوة

ضحك وائل بسخرية و قال بتهكم :

" يا شيخ اتلهي بقى جدو إيه دول طحنونا و أنت اللي طالع عليك أنا مش ممكن أكون عاق "

" يعني عايزني أمد إيدي على جدي يا وائل عايزها تترد ليا في أولادي "

" يارب يا أخويا يارب علشان أشمت فيك و أبرد ناري "

" توقفا عن الثرثرة حتى لا أقوم بجز عنقكما "

تحدث أحد الحراس بصوت مرتفع لينظر وائل لبينة و يسألها :

" هو الكابتن ده بيقول إيه ؟ "

" بيقولكم اتكتموا وإلا هيدبحكم زي الفراخ "

نظر وائل لبينة بصدمة ثم نظر للحراس بغضب و تحدث بصراخ :

" نعم لأ يا كابتن فوق و متخلينيش أتغابى عليك مش معنى إني سايبك تسحبني يبقى تسوق فيها لأ اصحى كده ده أنا كنت خاربها في الحاضر "

ضحكت غالية بسخرية و أشارت له بيدها ليصمت :

" بس يا بابا بس يا خاربها و اكتم و امشي بهدوء كده زي مستشار إبليس حبيبي شايفه ماشي إزاي رزين و عاقل ما شاء الله اللهم بارك توفيق الحكيم يا إخواتي إيه يا أمان يا حبيبي مش سامعة لك أي صوت مع إنك من شوية فرشت جامد أوي حتى إني قولت إنك هتعمل مدبحة و شوية شوية و كنت هتقول أنا هخلص لوحدي و حد يمسح الدم "

رفع أمان حاجباه بدهشة ونظر لها بتقزز ثم حول نظرن لوائل و أردف بسخط :

" شايف أختك يا وائل عايزة جنازة و تشبع فيها لطم اه يا ناكرة الجميل و أنا اللي قولت بلاش استخدم العنف علشان مشاعرك أنتِ و أختك و كمان علشان معايا قاصر لسه مكملتش السن القانوني لولتي حبيبتي إيه عايزاني اتهور و أخرب الدنيا و يجي لها حالة نفسية ، عايزاني أخسر أختي و صحتها تتدهور "