الحياة مظلمه كالليل وانا قمرها

البارت الثاني والأربعون

ما اكلك بعد روحي
انه هاي الكلمه ضدها
انه احسبك قبل روحي
شلون اكلك يا بعدها؟!
.................
بقلمي انا: رُسل آل تميم

_ror.7m
حساب الانستا
.........................

قمر: طلعت وراهم سلمت عليهم وراحو رجعت الفهد اول ما فتحت الباب واني انصدم من اشوفف زهراء كاعده وحاضنه فهد وتبجي وتشهك ويا فتحه الباب طفرت وفهد بقه يباوع بوجهي

بقيت جامده بس اباوع وعاقده حواجبي ما مفتهمه حجه فهد فززني

فهد: قمر تعاي

قمر: بقيت اباوع عليهم وبكل هدوء طلعت وسديت الباب وصعدت فوك ركض اركض وابجي

دخلت للغرفه وسديت الباب وكعدت ع جربايه ابجي

عزاا العزانييي شلون بيه ليش رجعت امداني

بقيت ابجي تمددت ع جربايه بمكانه وبقيت ابجي احس كلبي يتكطع كل ما اتذكر

مر هواي وقت وانيي ابجي ليش ماعندي حظ ليشش حاطه عينهه ع رجال متزوج شلون بيهه وشلون بيه بقيت ابجيييي واحجي ويا نفسي ساعه ابجي بنهيار ساعه بهدوء

شويه ودخلت هدى فتحت الباب وحجت بتعب

هدى: قمر فهد يريدج باوعتلي انتبهت عليه حجت بستغراب

هدى: شبيج منو وياج؟

قمر: روحي كولي الاخوج متجي وليدز عليه بعد

هدى: صاير شي؟

قمر: بعدين اكلج راسي حيل يوجعني

هدى: براحتج

طلعت وسدت الباب

رجعت راسي ع مخده وبقيت صافنه وافكر الا ان اندك الباب لبست شال ومشيت بصعوبه بطني تأذيني

فتحتهه صار بوجهي علي

علي: رجلج دزني عليج يريدج

قمر: يحجي بحده وهوه منا يخوف حجيت متوتره

قمر: كُله متجي

خزرني وكال

علي: شني اكله متجي غير زلمتج هوه بلعجل انزلي كدامي

قمر: ماكدر تعبانه

عاط بيه وكال

علي: لجج كوه كضيته يريد يصعد مو شوفينه ميكدر عليش تعاندين

قمر: من يصير خوش ادمي انز...
بعدني ممكمله عاط بيه بعصبيه

علي: ياهووو يصير خوش ادمييي شووو متحترمين انتيي كلهه منه منطيج مجاللل وحاطج ع راحتج

حجيت بضوجه

قمر: عفيه لتصيح مو تخوفني بصوتك

حجه بعصبيه وصياح

علي: لا عميييي لااا شخوفجج انتي تخافين

ردت احجي قاطعني وعاط