الحياة مظلمه كالليل وانا قمرها

البارت الأربعون

..كلوب الما صحت من ذيج الجروح تبقى مفطره رجلين رعيان

بقلمي انا: رُسل آل تميم

_ror.7m
حساب الانستا
.............

قمر: بعدنه كاعدين واجتي ع بالي الهديه مال فهد نسيت اقره الورقه الي بيهه بقيت كاعده شويه وكمت رحت للغرفه وسديت الباب طلعتهه وكعدت وخليتهه ع رجلي بحضني وفتحت الورقه

جان مكتوب بيهه.....

فهد: احبج قمر احبج بكد لوعتي عليج وأكثر صحيح أذيتج انا

وحيل أذيتج وانا غلطان واعترفت بغلطي ومتندم حيل ع كل أذيه سببتلجياهه

وع كل لحظه مرت وانتي يمي وانا ما حاس بيج

احبج بكد جرح روحي الما اضن يشفه بيوم

عاشكج قمر متسودن بيج انا

كلشي عفت من شفتج ومن صرتي بحياتي وصرتي حرمتي صحيح جنت اعوج وانتي ع ذمتي بس انا هسه مو فهد انا تغيرت لجل عيونج

ارجعي انطيني فرصه ولحسين اعوضج ع كل كسره شاربي مو عليه اذا ابجيج بعد

شتردين يجرالج بس ليني كلبج عليه

حجه هواي بس بلبدايه معايدني نوب هلكلام وكلام طالع من كل كلبه وبلنهايه كاتب

اتمنى ترجعيلي

اقره بلرساله واعيدهه كلساع ارجع اقراهه من جديد وما امل ودموعي تنزل واباوع ع حروف حرف حرف الزم بيهن ابوس بلكلمات ودموعي بللت للورقه

تمددت والورقه كلساع اقراهه خليتهه ع كلبي وحجيت بهمس

قمر: ارجع والله وارجع بعد ما اتحمل

كمت غسلت وفتحت التلفون لكيت رسالة من فهد كاتب بيهه..

ساعه ب 3 دازهه

"اعشكج يا حسرتي وجع كلبي

انقبض كلبي وضجت

اتصلت علي ما جاوب مره ثانيه اتصلت ماكو اتصلت 3 مرات وهوه ماكو ميجاوب

خليته ع شحن ما اهتميت كلت خاف عنده شغل من يكمل عود يتصل عليه

اني ودا اخلي التلفون ع شحن فاتت روز وبيدهه التلفون وتنافخ وجهه احمر

قمر: شبيج مبوزه

روز: مابيه

شويه ودك تلفونهه جاوبت بصوت ناصي ومتلعثم

روزز: ها نبأ... يي.. استغفر الله ياربي.. تمام تمام.... لا ولج شكول خايفه يصير بيهه شي.... الله كريم

سدته وباوعتلهه وكلت

قمر: شكو شبيججج

روز: حجيت ب ارتباك كوه مجمعه الكلام.. مابيه شي شبيج

طلعت العمتي

روز: عمه فهد مدري شبي روحيلهم

سعاد: شكووو يمه ياستار ياربي شبي